BLANCHET

(Copie à la Bibl Imp., Collection de Fontanieu, portefeuilles 94 et 83 )

169. POUVOIRS DONNÉS PAR LES ÉTATS DE NORMANDIE AUX DEPUTÉS QU'ILS ENVOYÈRENT PRÈS DU ROI POUR EMPRUNTER L'ARGENT QUI DEVAIT ÊTRE LIVRÉ AUX ANGLAIS DE SAINT- SAUVEUR.

4 juin 1375.

A tous ceuls qui ces lettres verront , Jehan de Vienne, sire de Roulans , admiral de France et lieutenant. du roy en la Basse Normandie , salut. Comme depuis la derrainne assemblée faite à Baieux au xxvii. jour d'avril derrenièrement passé, par mandement et ordenance du roy nostre seigneur, tant des gens d’églises comme de nobles et gens de bonnes villes du dit pays de Normandie, pour aviser et conseiller le fait de continuer le siège estant devant le chastel et ville de Saint Sauveour le Viconte , occupé par les ennemis du royaume, certain traictié et accort aient esté fais entre nous, lieutenent dessus dit , et autres du conseil du rov , pour lui et en son nom, d'une part, et les dis ennemis, d'autre part, pour avoir et recouvrer d'euls les dis ville et chastel de Saint Sauveour , et tant que finablement les diz ennemis se Soient accordez et consentus à rendre , mettre et livrer en Ja main du roy les dis chastel et ville de Saint Sauveour dedens certain terme nommé et préfix ou dit traictié , par leur paiant et rendant à icelui terme la somme de soixante mil frans à une fois , et aprés le traictié ainsi fait, passé et accordé d'une partie et d'autre, ait esté délib^ré faire nouvelle assemblée des gens des estas dessus dis à la journée ui jour de juing au dit lieu de Bayeux, pour conseiller et aviser par quele manière la dicte somme de soixante mil frans pourroit estre recouvrée , cueillie et levée sur le dit pays, ou autre part, si briefment que, par defaut de la payer au terme nommé et signé comme dit est, les dis ennemis n'aient cause ne occasion de plus tenir et occuper les dis chastel et ville

de Saint Sauveour ; et en la dicte assemblée faite au jour d'ui à Bayeux par dcvant nous , lieutenant dit, et par nostre commandement et semonce, se soient presentez plusieurs personnes des gens de l'église , c'est assavoir l'evesque de Coustances en personne , maistre Jehan Broute, procureur pour le chapitre d'icelle église, maistre Thomas Campion, procureur pour l'evesque et pour le chapitre d'Avrenches , maistre Richart Quesnel , vicaire de l'évesque de Baieux , maistre Pierre le Cronier, procureur pour l'évesque de Lisieux, messire Robert de Lastre, prestre, procureur pour le chapitre d'Evreux , et messire Gervaise Revel, prestre, procureur pour l'évesque et chapitre de Séez , l'abbé du Val, l'abbé de Trouart , l'abbé de Barbery , l'abbé d'Ardanne , l'abbé de Bellestoille, l'abbé de Longuez, dan Philippe de Breville , procureur pour l'abbé de Saint Pierre sur Dyve , dan Pierre Bernart , procureur pour l'abbé de Fontenay , frère Robert Quesnel, procureur pour l'abbé de Thorignie , dan Guillaume Mucre , prestre, procureur pour l'abbé du Mont Saint Michiel, Jehan de la Fosse, procureur pour l'abbé deSaint Andreu de Goufer, dan Robert Hallebout, procureur pour l'abbé de Caen, frére Robert de la Bonde, procureur pour l'abbé de Lessay, Morice Langevin, pour le prieur et chapitre de Séez, mons. Nicole de la Loge, procureur pour l'abbé du Bec Helouyn, frére Thomas de Crist, procureur pour l'abbé de Saint Lo, frére Robert de Cuillie, procureur pour l'abbé de Cerisie, frére Jehan Gouvin , procureur pour l'abbé de Saint-Evroul, frére Nicole Marie, procureur pour l'abbei d'Aunay , messire Richart de Creullv , chevalier , seigneur de Creully , messire Henry , sire de Coulombieres, chevalier, messire Guillaume de Villers, chevalier, seigneur du Hommet, messire Guillaume de Mangneville, chevalier , seigneur de Mangneville , le seigneur de Pirou, le sire de Courcy , messire Robert de Varigniez, chevalier, messire Raoul Tesson , chevalier , mons. Richart Coudran , chevalier , bailli de Pontourson , Jehan Gouvis, procureur de la

ville de Vernon , Estienne du Hazay, pour la ville de Louviers , Jehan de Putot , pour la ville de Lisieux, Massin Langevin, procureur pour la ville de Séez , Robert Aupois pour la ville de Faloise , Garin Auber, Raoul Rouillart , pour la ville de Caen, Colin la Gueline , pour la ville de Vire, Philippot de Caumont , pour la ville de Baieux , Thomas Varrot , pour la ville de Saint Lo , Jehan de Briqueville , Guillaume Gointry, Robert le Roux, pour la ville de Coustances, Guillaume des Pins, Jehan de Loucy , pour la ville de Saint Jame de Beuvron et pour la ville de Pontourson , et en leur présence le traictié fait avecques les dis ennemis des dis chastel et ville ait esté recité, et par euls approuvé, loué et tenu pour bon et prouffitable pour le dit pais de Normandie , et quant à la chevance des dis soixante mil frans recouvrer, pour faire le paiement pour ce promis aus dis ennemis, aitesté dit et délibéré par oppinion de tous accordablement que, pour ce que à present sur le dit pais de Normandie la dicte somme ne se pourroit lever ne recueillir si prestement comme besoing estoit , considéré les grans frais et mises que le dit pays a portez et soustenus , et encore porte de jour en jour pour le siège qui a esté et est devant les dictes forteresses, il estoit besoing et neccessité de traireetaler devers le roy nosdit seigneur , pour lui supplier et requerre à faire prest de la dicte somme de soixante mil frans; sachent tous que , après la dicte délibéracion ainsi faite et concluse , les persounes et procureurs pour l'église, les nobles et procureurs des dictes bonnes villes dessus nommées , pour ce presens par devant nous et les baillis de Caen et d^ Costentin, nommèrent, eslurent, ordenérent et establireut , pour euls et ou nom du dit pais, les personnes desquels les noms ensuivent leurs messagiers et procureurs générauls et certains messages especiaux, pour aler, pour euls et ledit pays, devers le rov nostre seigneur , et pour li faire emprunct ou à autres personnes quelconques de la dicte somme de soixante mil frans, ou de ce que prester li en plaira ou vouldra faire prester ,

c'est assavoir l'évesque de Coustances, messire Guillaume Paygnel, chevalier, sire de Hambuye, Robert Aupais, maire de Faloise, Guérin Auber, Jaquet Mosque et Robert le hoissoignoul, et leur donnèrent pooir , auctoritéet mandement espécial, à tous ensembles, aus cinq, aus quatre et aus trois d'euls, de supplier et requerre le roy nostre dit seigneur de faire ou faire faire le dit prest, et dele recevoir de li ou d'autres qui prester ]e vouldront , ou ceu qui presté en sera, et d'euls obliger pour le dit pais à rendre et paier le dit prest à un terme ou à plusieurs par la manière qui ensuit, c'est assavoir les gens d'église, en tant comme submettre et obliger se pevent seulement, oultre leurs personneset leurs biens meubles , les nobles pour euls et leurs hommes et subgez, par prinse et vendus de leurs biens, et les gens des bonnes villes et pays dessus dis par toutes les voves et manières que obligez pevent et doivent estre en tel cas, avoir ferme et agréable tout te qui ou negocez [et] voiage dessus dit sera fait, emprunté, promis et obligié par les messages et procureurs dessus dis ensemble, les cinq, les quatre et les trois d'iceuls. Et promistrent paier et restorer, tant en principal comme en despens , tout ce qui par les dis procureurs sera emprunté , promis et obligié pour euls à quelconques personnes que ce soient, soit à un ou à plusieurs, sens venir ou faire venir encontre. En tesmoing de ce, nous et les dis baillis avons mis nos seauls à ces presentes , en l'assemblée , en l'an et ou un* jour de juing mil trois cens soixante et quinze.

Par monseigneur le lieutenant : RIVIÈRE.

(Inséré dans un acte du 18 juin 1573, dont l'original est à la Bibl. Imp., fonds de Gaignieres, n. 560, t. I, f. 2.) .

170. MANDEMENT DE JEAN DE VIENNE RELATIF A UN EMPRUNT DE 20,000 FRANCS POUR LE FAIT DE SAINT-SAUVEUR.

6 juin 1375.

Jehan de Vienne, seigneur de Roullans , admiral de France et lieutenant du roy nostre seigneur, en la Basse Normandie , à Yvon Huart receveur des aides ordenés pour lefaitde la guerre en la ville et viconté de Caen , en la viconté de Faloise , ce qui en est ou diocèse de Baieux , salut. Comme, pour le prouffit du roy nostre dit seigneur et de son dit pais , nous aions traittié ovecques les ennemis qui ont occuppé et occuppent le chastel et ville de Saint Sauveur le Viconte ainssy que, pour eulx partir et delessier les diz chastel et ville , il arront pour une fois soixante mile frans d'or, et pour ce que la chevance ne peut de présent ne Sy tost [estre faite] comme il est besoing et neccessité de le avoir pour faire le dit vuidement , ne aussy ne se pourroit sur le pais cuillir ne lever particulièrement, avons ordené en plaine assemblée que l'en fera prest de présent de la somme de vint mile frans d'or. Pour ce est il que nous vous mandons et commettons , de par le roy et de par nous , que la somme de quatre mile et cinq cens frans d'or, à quoy est tauxée la ville et viconté de Caen , et aussi la viconté de Faloise , ce qui en est ou diocèse de Baieux , vous recevez des gens et personnes contenus en un roulle que vous bailleront le viconte de Caen ou deux ou trois des jurés de la dicte ville soubz leurs seaulx, lesquielx nous avons commis par noz autres lettres pour asseoir particulièrement la dicte somme sus les personnes puissantes de prester d'icelles vicontés, en baillant vozlettres de recongnoissance à ceulx qui les diz prests feront , par lesquelles rapportant ce que il arront presté leur sera rendu sus les aides qui pour rendre

les dis prestzet pour le dit fait acomplir seront mis sus ou dit pais, en contraignant à ce tous les désobéissans, etc. Donné soubz nostre see] , le vi jour de juing , l'an mil

(Comptes d'Yvon Huart , f. 228.)

171. OBLIGATION DES DÉPUTÉS DES ÉTATS DE NORMANDIE , A QUI CHARLES V FAISAIT PRÊTER UNE SOMME DE 20,000 Li- VRES DESTINÉE AU PAIEMENT DES ANGLAIS DE SAINT-SAU- VEUR.

15 juin 1375.

A tous ceuls qui ces presentes lettres verront , Hugues Aubriot , chevalier, garde de la prevosté de Paris, salut. Savoir faisons que par devant Guillaume du Vivier et Jehan duVivier, clers, notaires jurez du roy nostre seigneur, de par lui establis ou chastelet de Paris, furent présens en leurs personnes révérend père en Dieu monseigneur Selvestre, evesque de Coustances, messire Guillaume Paygnel, chevalier, Robert Aupois, maire de Falaise, Guerin Auber et Jaques Mouque , establis pour les personnes, gens d'église , nobles et non nobles, et pour les causes et manières contenues et exprimées és lettres procuratoires , seellées du seel de noble homme monseigneur Jehan de Vienne, admiral de France, et des seauls des bailliages de Caen et de Costentin , si comme par la teneur d'icelles apparoit, et si comme les dessus dis l'affermèrert et tesmoingnèrent , c'estassavoir le dit monseigneur de Coustances en parole de prestre , la main mise au picts, et les autres par leurs seremens pour ce fais, et lesqueles lettres les dis notaires virent sainnes et entières, contenans ceste fourme :

A tous ceuls qui ces lettres efc. (1) Lesquels monseigneur de Coustances, messire Guillaume Paygnel , Robert Aupois, Guerin Auber et Jaques Mouque, par vertu des lettres procuratoires ci dessus transcriptes et du pooirà euls donné en icelles , ès noms et pour les dictes gens d'église , nobles et non nobles, et pour tous les subgez , habitans et demourans és lieux , villes et pais dessus dis, et ovecques ce en leurs propres et privez noms , pour tant comme à chascun d'euls touche et pourra toucher etappartenir, recongnurent et confessèrent de leurs bons grez , sens force , fraude ou decevance , euls avoir eu et receu, des deniers des coffres du dit nostre seigneur le roy, par les mains de honnorables hommes et sages maistres Hue de Roche , Bertran du Clos et Jehan de Vaudetail , vallet de chambre du dit seigneur , Jasomme de vint mil frans d'or et de bon pois, du coing du roy nostre seigneur , en pur, vrai et loyal prest, pour tourner , convertir et appliquer entièrement ou paiement et solution des soixante mil frans dont mémoire est faite ci-dessus, et non ailleurs , et d'iceuls vint mil frans se tindrent à bien paiez, contens et agréez, et en quittèrent à tous jours, sens rappel, le dit nostre seigneur le roy, les dis maistres Hue , Bertran et Jehan de Vaudetail, et tous autres à qui il peut et doit appartenir ; et ycelle somme les dis establis, és noms que dessus, et mesmement en leurs noms , pour tant comme à euls et chascun d'euls peut et pourra compéter et ap;ártenir , gaigèrent és mains des dis notaires et promistrent , c'est assavoir le dit monseigneur l'évesque en parole de prestre , la main mise au picts, et les autres par leur foy pour ce nommeement et expressément baillée és mains d'iceuls notaires, rendre , paier , apporter et livrer franchement en la ville de Paris au dit nostre seigneur le roy, à son certain commandement pour li, ou au porteur de ces

(1; Voyez plus haut , p. 250, n. 169.

lettres, en ceste maniére, c'est assavoir le tiers en la fin du mois de juillet prochain venant, l'autre tiers en la fin du mois d'aoust aprés venant, et l'autre tiers en la fin de septembre prochain aprés ensuivant , sens autres termes demander, ne autre procuracion sur ce porter....... En tesmoing dece, nous, à la relacion des dis notaires, avons mis le seel de la dicte prévosté de Paris à ces lettres faites et passées le vendredi quinze jours de juing, l'an de grace mil trois cens soixante et quinze.