QUITTANCE DE JEAN DU MESNIL, DATÉE DE SAINT- SAUVEUR

11 juillet 1375.

Sachent tuit que je Jehan du Mesnil, escuier, confesse avoir eu et receu de sire Jaques Renart.... la somme de trente et deux livres tournois...., en prest sur les gaiges de moy et de sept autres escuiers de ma chambre.... Donné à Saint Sauveur le Vieonte, soubz le seel de monseigneur Loys de Sancerre , en l'absence du mien et à ma requeste , le xi* jour de juillet , l'an mil ccctx et quinze.

(Oriz. à la Bibl. Imp., Cabinet des titres , 1'* série des originaux, au mot Mesnil).

193. AUTORISATION DONNÉE PAR CHARLES V A JEAN LE MER- CIER D'ACCEPTER UNE SOMME DE 6,000 FRANCS QUE LES ÉTATS DE NORMANDIE LUI AVAIENT OFFERTE EN RECON- NAISSANCE DES SERVICES QU'IL AVAIT RENDUS A LA PROVINCE DANS LES AFFAIRES DE SAINT-SAUVEUR.

IG juillet 1375.

Charles, par la grace de Dieu roy de France , à touz ceulx qui ces lettres verront, salut. Comme les genz de nostre pais de la Basse Normandie , qui par nostre commandement estoient assemblez pour ordener de la finance qu'il devoient paier pour le vuidement du chastel de Saint Sauveur le Viconte, pour estre mis en nostre main et obéissance, par lequel chastel tout nostre dit pais estoit en subgection et en aventure d'estre desert et depueplé à touz jours més, et desja s'en estoient et sont departiz trés grant quantité dez

genz et habitanz d'icellui nostre pais , pour les grans grefs , durtez et dommages qui faiz leur avoient esté et estoient de jour en jour continuelment par noz ennemis estanz dedenz icellui, eussent advisé , veu et regardé la grant peine , diligence et travail, et aussi les grans fraiz , missions et despenz que nostre amé et féal conseiller Jehan le Mercier avoit fait, soustenu et porté, tant au siège qui a esté mis devant le dit chastel, comme en faisant le traittié qui par lui a esté sur ce commancié et fait, et aussi pour ce qu'il a aidié à mettre à fin et bonne conclusion le dit fait, telement que, la merci Nostre Seigneur, le dit chastel a esté et est mis en nostre main et obéissance, et avecques ce que nostre dit conseiller n'a voulu prendre ne mettre à son proffit, mais a du tout refusé , la somme de deux mille frans d'or que le capitaine qui pour lors estoit ou dit chastel de Saint Sauveur donna à nostre dit conseiller, depuis que la dicte finance lui fu paiée, bailliée et délivrée , mais voult que elle fust tournée et convertie au proffit du dit país , et en acquit de ce qu'il devoient paier pour le dit vuidement, laquele somme leur a tenu lieu ; aient, pour les causes dessus dites, et pour plusieurs autres qui ad ce les mouvoient, offert par plusieurs foiz à nostre dit conseiller et voulu donner la somme de six mille frans d'or, et pour ce que il ne les a voulu ne ne veult prendre , mais les a refusez du tout , soient venuz devers nous, aient supplié que nous voulsissiens commander à nostre dit conseiller commentil preinstet voulsist prendre de eulx ladicte somme de six mille frans, car il tenoient et encores tiennent que eulx et tout nostre dit pais sont tenuz à nostre dit conseiller en greigneur somme, considérées les choses dessus dictes et plusieurs autres qu'il nous ont dictes de bouche ; savoir faisons que nous , oyela requeste des genz de nostre dit pais, considéré ce que dit est, et considéré la grant. et bonne relation et le bon rapport qui de nostre dit conseiller nous ont esté faiz sur les choses dessus dictes par plusieurs dont nous nous confions à plain, et aussi ce que

nous sommes suffisaument acertenez et enfourmez que pour la dicte cause il a convenu à nostre dit conseiller faire trés grans fraiz , missions et despenz , plus qu'il ne lui eust convenu faire en un autre voiage , avons accordé aux genz de nostre dit pais et donné congié et licence à nostre dit conseiller que il ait et preigne de eulx en don la dicte somme de six mille frans d'or (1), non contrestant les mil frans d'or que nous lui avons autrefoiz donnés pour aidier à supporter les fraiz qu'il luifa convenu faire pour la dicte cause , etc. Donné en nostre chastel du boys de Vinciennes, le xv*jour de juillet , l'an de grace mil ccc soixante et quinze, et de nostre régne le douziesme (2).

(Orig. à la Bibl. Imp., fonds de Gaignières, n. 560, t. I, f. 4.)

194. ALLOCATION L'UNE INDEMNITÉ A RAOUL CAMPION, QUI AVAIT PAYÉ LA SOMME PROMISE AUX ANGLAIS POUR L'ÉVA- CUATION DE SAINT SAUVEUR.

QO juillet 1375.

Les commissaires du roy nostre seigneur sur le fait de la finance ordenée pour le vuidement et delivrance du chastel et ville de Saint Sauveur le Viconte, à Raoul Campion, conseiller de nostre dit seigneur et receveur général de la dicte finance , salut. Comme, de nostre commandement et pour la grant neccessité qui en estoit, vous soiez alez au dit lieu de Saint Sauveur pour faire paiement aus Englois de-

(1) Jean le Mercier donna quittance de ces 6,000 francs par un acte daté de Paris, le 31 août 1575, et conservé dans le fonds de Gaiznieres, n. 560, t LES.

(2) Une autre lettre de Charles V,relative au paiement de la méme somune , en date du 16 juillet 1375, se trouve au f. 5 du méme volume,

mourans lors au dit lieu des sommes qui acordées leur avoient esté pour vuidier les diz chaste] et ville, et pour conduire et faire porter en vostre compaignie, tant par vous que par les receveurs des empruns qui furent ordenez estre levez pour le fait du dit vuidement, lesquiex vous menastes avecques vous et avecques Garin Auber , l'un de noz compaignons, qui ala en vostre compaignie pour veoir faire le dit paiement et recouvrer les obligacions que les diz Englois avoient pour la finance qui leur fu acordée , et soiez alez par Baieux et par Saint Lo, pour mener avecqües vous les receveurs des lieux et faire pluz hastivement recueillir les empruns qui pour ce avoient esté ordenez ; auquel lieu de Saint Sauveur vous avez fait paiement aus diz Engloiz de la somme de cinquante et troiz mille frans d’or, si comme il peut apparoir par noz autres lettres sur ce faictes , et autrement ; et soiez alez au dit lieu de Saint Sauveur, vouz, vostre clerc et troiz varlés à cinq chevaux, et pour icelle finance conduire plus seurement , aiez mené en vostre compaignie six hommes d'armes, c'est assavoir Pierre d'Escageux, Johan et Guvot dit{s] deVersson, Bouret de Humerolles, Vigor Garin et Johan Sanson , cscuiers, leurs varlés, à douze chevaux , aux quiex vous aiez paiez leurs despens , et aiez vacquié au dit lieu, tant en alant, demourant là pour faire le dit paiement, comme en retournant à Caen, par neuf jours , nous vous avons tauxé et tauxons par ces presentes , pour les despens de vous, vostre dit clerc, varlez et chevaux , pour chascun jour, oultre lez gaiges, XXX sous tournois, qui font pour les diz neuf jours xm Jivres x sous teurnois ; et pour les despens des diz six hommes d'armes, leurs varlés et chevaux, avons tauxé, semblablement pour chascun jour , six livres tournois , qui font pour les diz neuf jours Lun livres tournois..... Donné soubz noz seaux , le xx°

jour de juillet, l'an mil ccc Lx et quinze.

(Orig. à la Bibl. Imp., Quittances, à la date du 20 juillet 1375.)

195. ORDRE DE LEVER DANS LE DIOCESE DE ROUEN UN TIERS DE FOUAGE APPLICABLE AU FAIT DE SAINT-SAUVEUR.

22 juillet 1375.

Charles, par la grace de Dieu roy de France, à, noz amez maistres Thomas Graffart, arcediacrej de Lisieux, nostre clerc et secrétaire , Johan de la Roche, chanoine de Rouen, nostre clerc et notaire , Robert Aupois, nostre conseillier ou bailliage de Caen et maire de Faloise, et Garin Ausber , bourgois de Caen, commissaires députez de par nous sur le fait des assiz ordenez de lever pour le vuidement du chastel et forteresce de Saint Sauveur le Viconte, detenu et occupé nagaires par les ennemis du royaume, salut et dilection. Comme, pour cause du vuidement du dit chastel et des ennemis estans en ycellui, qui par longtemps ont porté grant domage aux subgiez de nostre royaume, et par especial de notre pais de Normendie , ouquel ycellui chastel est assis, il ait convenu faire finance par emprunt et autrement de trés grant somme d'argeut, paiée et délivrée pour le dit vuidement, avant que ycellui chaste] ait esté mis en nostre main, laquelle somme d'argent a esté ordence estre recouvrée et levée sur les gens du dit pais de Normendie, selon certaine assièle qui sur ce a esté faite par pluseurs de nostre conseil et autres du pais députés à ce de par nous, et ycelle commandée à lever hastivement, pour estre emploiée et convertie en ce que dit est; et combien que par ycelle assiète les gens de nostre dit pais de Normendie de oultre la ryvière de Saine , c'est assavoir des diocèses de Evreux , Lisieux , Sées , Baieux , Coustances et Avranches, et autre pais voisin prenant proffit ou dit vuidement, aient et soient assis à telx et si grans sommes d'argent que à paines le poient et pourront .. porter ne paier , toutevoies par vcelle ancores ne puet estre eue ne recouvrée la somme dessus dicte paiée pour le dit

vuidement, pourquoy il convient avoir recours aux autres pais du duchié et province de Rouen estans deçà la ryvière de Saine ; et pour ce avons ordené, et par délibéracion de nostre conseil, que, pour aidier à paier la dicte somme, et pour contribucion à ycelle, soit levée jusques à deux moys à venir, c'est assavoir pour les moys d'aoust et septembre prochain venans, en tout le pais du diocèse de Rouen tele somme , tant és bonnes villes que ou plat pais, sur tous les subgiez de ycellui, pour chascun feu , comme eulx paient et ont acoustumé de paier pour un tiers des aides des feux ordennés pour les guerres du royaume, lequel tiers de feu se levera et paiera moitié au commencement de cest prochain moys d'aoust , et l'autre moitié au commencement du moys de septembre ensuivant ; et en nostre ville de Rouen et banlieue, oü l'en a acoustuiné de paier l'aide des diz feux par autre voie, se levera et paiera pour chascune queue de vin vendue ou despensée en ycelle , tant en gros que à détail, trois soulz tournois , et diz huit deniers tournois pour chascune queue de autre bevrage, et des autres de autre quantité ou moison de vin ou autres bevrages à la value, de tout ce qui en sera vendu ou despencé en la dicte ville et banlieue de Rouen, par les deux moys dessus diz d'aoust et septembre prochain venans tant seulement ; pour ce est il que nous, confians à plain du seus et loyaulté de voz personnes, vous mandons et commettons par ces présentes , et à troiz et à deux de vous, que, ces lettres veues , vous transportés ou pais dessus dit, et l'aide et assis dessus diz faites lever et exécuter tantost , sans del, par voz commis et deputez à ce de par vous efc. Donuc en nostre chastel du bois de Vincennes, le xxir* jour du mois de juillet, l'an de grace mil ccc soixante et quinze, et de nostre règne le douziesme.

Par le roy : J. GENEST.

( Vidimus du 29 juillet 1573 , à la Bibl. Imp., Lettres de Charles V, à la date du 22 juillet 1573 )

196. MANDEMENT RELATIF AU REMBOURSEMENT DE SOMMES QUI AVAIENT ÉTÉ AVANCÉES PAR LE ROI ET PAR JEAN DE MOY POUR LE FAIT DE SAINT-SAUVEUR.

10 août 1375.

Les commissaires du roy nostre seigneur sur le fait de la finance ordenée pour le vuidement et délivrance du chastel et ville de Saint Sauveur le Viconte, à Raoul Campion, conseillier du roy nostre seigneur, receveur général de la dicte finance, salut. Nous vous mandons et expressément enjoignons que , ces lettres veues, vous portez ou envoiez hastivement à Paris soubs seure et sauve garde, en la compaignie de Jacques Moque, l’un de noz compaignons, la somme de douze mil frans d'or ; et eu cas que vous ne airiez toute la dicte finance en or, si faictes porter monnoie pour icelle changier sur grant pont à Paris, en la présence de nostre dit compaignon , pour fournir icelle somme en or; et d'icelle somme de douze mil frans bailliés ou faictes baillier aus gens du roy nostre seigneur la somme de six mil frans, sur la somme de vingt mil frans prestés par nostre dit seigneur pour l'avancement du dit vuidement, par obligacion de reverent père en Dieu mons. l'evesque de Coustances, de noble et puissant seigneur mons. de Hambuye et de aucuns de nous.....; et lesautres six mil frans bailliez ou faictes baillier à Jehan de Moy , escuier , demourant à Loon, qui iceulx a prestés pour le fait du dit vuidement, en prenant l'obligation qui sur ce lui a esté faicte....

Donné soubs noz seaulx, le x* jour d'aoust, l'an mil CCC LXXV.

(Oriz. à la Bibl. lp , Quittances , à la date du 10 août 1575.)

197. ALLOCATION D'UNE SOMME POUR LES RÉPARATIONS 4 FAIRE. AU CHATEAU DE SAINT-SAUVEUR.

16 août 1375.

Charles ete. Nous vous mandons que par Colin le Prestel, receveur des aides pour la guerre ès cité et diocèse de Coustances , vous faciez payer, des deniers de sa recepte , à Jehan Vauchis le juenne, commis nagaires à paier les ouvrages des bastides et du sié[ge que nous] avons fait tenir devant noz ville et chastel de Saint Sauveur le Viconte, que occupoient noz ennemis, la somme (de...... ]frans d'or, pour tourner et convertir és reparacions du dit chastel et de la forteresce de la dicte ville , qui durant le [dit siège a esté] grandement démolie et empirie , en muraille, garites, pons, portes, barrières, paliz et autres édifices , par les ba.......... nons (1) et engins , par l'ordenance et conseil de nostre amé et féal chevalier Jehan , seneschal de Eu, cappitainne du dit Saint Sauveur , [de nostre] vallet tranchant Mahiet de Varennes , ou de l'un de eulx...... Donné à Saint Germain en Laye , le xvi? jour d'aoust , l'an de grace mil ccc soixante et qu{inze , et de nostre] règne le douziesme.

Par le roy : vvo.

(Orig. à la Bibl. Imp., Lettres de Charles V, à la date du 16 août

(4) 1 faut peut-être restituer les bateries de canons.

198. ORDRE DE LEVER SUR LES VINS PASSANT A PONT DE L'ARCHÉ UNE IMPOSITION APPLICABLE AU FAIT DE SAINT- SAUVEUR.

27 aont 1375.

Charles, par la grace de Dieu roy de France, à noz amez maistres Thomas Graffart , arcediacre d'Auge en l'église de Lisieux , nostre clerc et secretaire , et Jehan de la Roche, chanoine de Rouen, nostre clerc et motaire , Robert Aupois , nostre conseillier ou bailliage de Caen et maire de Faloise , Garin Auber, bourgois de Caen, et Jaques Mouque, bourgois de Baieux, commissaires députez de par nous sur le fait des assis ordenez de lever pour le vuidement du chastel et forteresce de Saint Sauveur le Viconte, detenu et occupé nagaires parles ennemis de nostre royaume , salut ct dileccion. Comme nagaires , par noz autres lettres et pour les causes contenues en icelles, nous eussiens ordené etc. (1); et par vertu desquelles vous ou aucuns de vous avez mis sus en la dicte diocèse [de Rouen] le dit aide par manére de fouage, jouxtele contenu en noz dictes lettres , si comme l'en dit; et pour certaines causes n'avez peu bonnement mettre sus pour ce moys d'aoust ès dictes ville et banlieue de Rouen l'aide dessus declairie ; et il soit ainsi que , de la dicte finance paiée pour le vuidement des dictes forteresces , nous aiens presté à noz diz subgiez du dit pais de la Basse Normandie certaine grosse somme de deniers, et aussi en ont presté nostre amé et féal chevalier et premier chambellan Bureau , seigneur de la Rivière , et pluseurs autres de nostre conseil autres sommes, lesqueles noz diz sub-

(1) Le roi rappelle ici le contenu des lettres du 22 juillet 137%, publiées plus haut , p. 281, n. 198.

giez de la Basse Normandie ne pourroient aucunement paier , si comme de ce [sommes] souffisaument acertenez , senz avoir sur ce aucun aide d'autre part, avecques le dit tiers de fouage mis sus en la dicte diocèse , comme dit est ; savoir faisonsque nous, attenduce que dit est, pouraidierànoz diz subgiez de la Basse Normandie à supporter les grans fraiz et charges qu'il leur a convenu et convient encores chascun jour pour ce faire el soustenir, avons voulu et ordené, voulons et ordenons par ces presentes un autre aide ou subside eslre mis sus, cuilli et leyé juques à deux moys à venir sur touz les vins appartenanz aux marchanz et habitanz du pais de Normandie qui passeront au Pont de l'Arche-par la rivière de Saine , duranz iceulx deux moys tant seulement , à compter depuis le quinziesme jour du dit moys de septembre prochain venant juques au quinziesme jour du moys de novembre ensuiant, c'est assavoir de trois sols parisis pour chascune queue , et pour chascun autre vaissel ou moison de vin à eulx appartenant à la value ; si vous mandons, efe. Donné en nostre chastel du boys de Vinciennes,le xxvu* jour d'aoust , l'an de grace mil ccc soixante et quinze , et le douziesme de nostre règne.

Par le roy : BLANCHET.

(Original à la Bibl. Imp., Lettres de Charles V, à la date du 27 aoüt 1573.)

199. QUITTANCE D'UNE SOMME VERSÉE PAR UN RECEVEUR DE LA FINANCE ORDONNÉE POUR L'ÉVACUATION DE SAINT-SAL- VEUR.

27 août 1375.

Sachent tous que je Raoul Campion, conseiller du roy nostre seigneur et receveur général de la chevance ordenée pour le vuidement et délivrance du chastel et ville de Saint

Sauveur le Viconte , ay eu et receu de Nicolas la Gueline, receveur en la ville et viconté de Vire de la chevance ordenée pour le fait du dit vuidement , la somme de quatre cens livres tournois.... Donnéà Caen, le xxvu jour d'aoust, l'an mil cccrLx et quinze.

(Orig. à la Bibl. Imp., Cabinet des titres, 1'* série des originaux, au mot Campion.)

900. ORDRE DE PAYER A JEAN DE VIENNE UNE SOMME QU'IL AVAIT DÉPENSÉE POUR LE FAIT DE SAINT SAUVEUR.

16 septembre 13765. Pd

Charles, par la grace de Dieu, roy de France....... Comme nostre amé et féal chevalier et conseillier Jehan de Vienne , seigneur de Roulans , admirail de France, nostre lieutenant en la Basse Normendie , pour lors capitaine des gens d'armes estans au siége de devant Saint Sauveur lé Viconte , désirant de tout son povoir la délivrance et »prise du dit fort, ait tenu en sa compaignie et siège Hain certain nombre de gens d'armes et arbalestiers, lesquelz avoient esté cassez , et plus grant qu'il n'avoit de retenue, pour la delivrance du dit lieu, et les ait paiez de ses propres deniers de leurs gaiges, pour le temps qu'il ont servi ; et avecques ce, durant le dit siége et aprés le vuidement du dit fort, ait mis et exposé pour l'acomplissement du traittié en plusieurs et diverses manières, et donné à plusieurs chevaliers et escuiers, qui bien et loyalment nous avoient servi en icellui siège , afin que le dit fait feust soustenuz en bon estat , pour venir à la conclusion à quoy il est venuz, grant finance du sien propre, laquele, pour toutes les choses dessuz dites, semonte à cinq mil six cens soixante et quinze franz d'or, ainsi que par l'assercion et serement du dit admirailet autrement nous

sommes souffisanment enformez , et nous tenons et reputons pour bien acertenez , et ne voulons que informacion ^ ou desclaracion quelconque en soit faite ou demandée par nous ne par autres d'ores en avant ; savoir faisons que nous à vcellui admirail, tant en recompensacion des fraiz, missions et despens dessus diz, comme pour les paires et travaux qu'il a eux à cause du dit fait, avons ottroié et ottroions qu'ilait et preigne pour une foiz sur la finance imposée, , oem et à recevoir , pour le dit [rachat] et vuidenge du dit lieu de Saint Sauveur la dicte somme de cinq mil six cens soixante et quinze franz d'or, laquele, se mestier est , et d'abondant, nous lui avons donnée et donnons de certaine À ience et grace espécial par ces presentes...... Donné à Pale xvi* jour de septembre , l'an de grace mil trois cens ante et quinze, et de nostre règne le douziesme (1). le roy : TABARI.

(Orig. à la Bibl. Imp., Cabinet des titres, 1"* série des originaux, au mot Vienne.)

ris sol

201. QUITTANCE WUUNE SOMME PAYÉE A HENRI DE COLOMBIÈ- RES POUR L'INDEMNISER DES PERTES QUE LUI AVAIENT OC- » RARE “En , CASIONNÉES LES ANGUS DE SAINT-SAUVEUR. |

Sachent tous que nous Henri 3 igneur de Coulombières, confessons avoir eu et receu de Raoul Campion, général esleu et receveur en la Basse Normendie sur le fait des aides de la guerre, la somme de deux cens frans d'or pour cause

(4) Le 2 janvier et le 1** février 1376, Jean de Vienne donna quittance de la somme que Charles V avait ordonné de lui payer ; !^5 deux quittances accompagnent le mandement royal.

de don à nous fait par le roy nostre seigneur, par ses lettres, en recompenssacion des bons et agréables services que nous lui avons fais en ses guerres etaillours , et aussi en recompenssacion des pertes et domages que nous avons euz et soustenus en nos terres de Costentin, pour cause des ennemis qui estoient ou fort de Saint Sauveur le Viconte , et aussi pourlui (1) aidier à faire redrecier et réparer son chastel de la Haie du Puis séant près du dit fort [de] Saint Sauveur , lequel, pour la seurté du dit pais, a esté ordené par monseigneur l'admiral de France, lors lieutenant du rov nostre dit seigneur au dit pais, estre refait et réparé...... Le xvir* jour de septembre, l'an mil cccLx et quinze.

(Orig. à la Bibl. Imp., Cabinet des titres, 1'* série des originaux , au mot Colombiéres. )

209. ALLOCATION D'UNE SOMME DE 90 FRANCS A GUÉRIN AU- BER QUI ALLAIT PORTER AU ROI UNE PARTIE DE L'ARGENT AVANCÉ POUR L'ÉVACUATION DE SAINT-SAUVEUR.

Les commissaires ordennés par le roy nostre seigneur sur le fait de la finance ordennée pour le vuidement de Saint Sauveur le Viconte, à Yvon Huart, receveur à Caen, sur le fait de la dicte chevance , salut. Nous envoions Garin Auber, l'un de noz compaignons, à Paris, devers le roy nostre seigneur et son conseil, en la compengnie des gens de Raoul Campion , receveur général d'icelle finance, porter la somme

(1) Ici le clerc a littéralement copié la lettre du roi portant donation des 200 francs à Henri de Colombieres ; il eût dû mettre : « pour nous aidier à faire redrecier et réparer nosue ckastel. » La lettre du roi, en date du 26 août 1573, est jointe à la quittance dans le dossier du Cabinet des titres.

de huit mille frans d'or, sur ce qui estoit deu au roy sur la somme de vingt mille frans que il avoit prestée pour le dit vuidement. Sy vous mandons , e/c. Donné à Caen, le xvir jour de septembre, l'an mil cccrx et quinze.

(Original à la Bibl. Imp., Titres scellés de Clairambault, vol. 157, p. 2577.)

903. LETTRES DE CHARLES V POUR LE BÈGUE DE FAYEL , QUI AVAIT PERDU QUATRE CHEVAUX AU SIÈGE DE SAINT-SAUVEUR.

18 septembre 1375.

Charles, par la grace de Dieu roy de Franco...... Pour considéracion et en recompensacion des bons et aggréables services que nostre amé et féal chevalier le: Bègue de Faiel nous à faiz , tant en noz guerres comme ailleurs , et fait ancores chascun jour, et en especial pour ce qu'il prenoit , quant il estoit capitaine pour nous en Normandie, deux cens frans chascun mois pour son estat, desquiex nous li ostasmes cent quant l'amirail ala estre capitaine ou dit pais, et pour ce aussi qu'il a perdu quatre chevaux ou siège de Saint Sauveur, si comme de ce nous tenons pour enformez , nous à icelui Dégue avons donné et donnons de grace especial par ces présentes Ja somme de quatre cens frans d'or.... Donné en nostre hostel de Saint Pol à Paris, le xvin jour de septembre , l'an de grace mil ccc soixante quinze, et de nostre règne le xn.

Par le roy : P. BLANCHET.

(Orig. à la Bibl. Imp., Cabinet des titres, 1'* serie des originanx, au mot Fayel.)

204. ALLOCATION D'UNE SOMME DE 30 FRANCS A GUÉRIN AUBER , QUI ALLAIT PORTER AU ROI UNE PARTIE DE L'ARGENT AVANCÉ POUR L'ÉVACUATION DE SAINT-SAUVEUR,

3 octobre 1375.

Les commissaires ordennez par le roy nostre seigneur sur le fait du vuidement de Saint Sauveur le Viconte..... Nous envoions Garin Auber, l’un de nos compengnons commissaires sur le dit fait, à Paris, en la compengnie des gens de Raeul Campion , receveur général de la finance ordennée pour le dit vuidement, porter la somme de six mil frans d'or pour la parpaie de la somme de vingt mil frans, lesquielx le pays de la Basse Normendie avoit empruntés au roy nostre seigneur, efc. Donné le im* jour d'octobre, l'an mil CCCLXXY

(Orig. à la Bibl. Imp , Titres scellés de Clairamlault, vol, 157, p. 3385.)

205. LETTRES DE CHARLES V POUR L'ÉVÉQUE DE COUTANCES , QUI S'ÉTAIT OCCUPÉ AVEC ZÈLE DU FAIT DE SAINT-SAUVEUR.

16 octobre 1375.

Charles, par la grace de Dieu roy de France, aux commissaires par nous ordonnez sur le fait des assis en nostre pais de Normandie pour le vuidement de la ville et du chastel de Sainct Sauveur le Viconte , naguaires detenuz et occupez par les ennemis de nostre royaume , salut. Comme, ou mois de février darrein passé , nous , par noz autres lettres , eussiens et aiens donné à nostre amé et féal conseillier l'é-

.vesque de Coustances mil frans d'or, à prendre et avoir sur les aides aians cours ou dit pais de Normandie pour le fait de la guerre, pour les peines, mises, coustemens et despenses par luy faiz et soustenuz ou fait du siège des dictes forteréces , au Pont l'Abbé et à Pierrepont, et dés le temps maismes que nostre amé et féal connestable deut entreprendre à metre le dit siège devant le dit lieu de Sainct Sauveur, pour lequel siège aussi il vint de Costentin par devers nous par pluseurs foiz avant le dit mois de février, sicomme plus à plain est contenu en noz dictes autres lettres , et dont il n'a eu aucuns gages ou recompensacion fors les mil frans desur diz , et par noz officiers et autres genz, auxquieux nous adjoustons plaine fov, nous ait esté tesmoigné et affermé que, depuis le dit mois de février dairreinement passé, que nostre admiral et noz autres genz alérent metre droitement le siège devant et près le dit lieu de Sainct Sauveur. le dit évesque s'est si bien et si diligeaument porté au dit siège, et à faire faire et enforcier les places d'environ le dit lieu de Sainet Sauveur, que sa peine et diligence ont assez valu à avoir et recouvrer les dictes forteréces et les metre hors de la main de noz diz ennemis, et aussi est venu le dit évesque du dit pais devers nous à Paris, pour la cause du dit siège, à ses fraiz et despens , sanz avoir pour ce, ne pour la peine et diligence desuz dictes , aucuns gages ou recompensacion , depuis yceluy don de mil frans en février darreinement passé; savoir vous faisons que nous, eue consideracion és choses desur dictes, et en recompensacion d'icelles , avons tauxé , ordonné et donné de grace especial , tauxons, ordonnons et donnons par ces presentes au dit évesque la somme de mil frans d'or, à prendre et avoir pour une foiz des deniers des diz assis par la main de Raoul

'ampion , receveur général d'iceulx , oultre les autres mil frans par nous à luy donnez ou dit mois de février, comme dit est, et non obstant touzautres dons que nous lu y aiens fai le temps passé ; mais nous voulons que [sur] la dicte somme

de mil frans, que nous luv taxons, donnons et ordonnons présentement, soient pris et retenuz trois cens frans , lesquieux , si comme il nous a dit, il doit ou veust prester ou donner pour aidier à paier la finance du dit vuidement, à l'aliegement du peuple du pais , et en faisant aide à ce faire, par lesquieux trois cens frans ainsi retenuz le dit évesque sera et demourra quitte du dit vuidement à touz jourz. Si vous mandons efc. Donné à Chasteau Tierry, le xvi* jour d'octobre , l'an mil trois cens soissante et quinze. et de nostre règne le xi, soubz le seaul royal ordené en l'absence de nostre grant.

Par le roy : BLANCHET.

(Orig. à la Bibl. Imp., vol. 133 de Gaignieres La quittance de l'évéque, en date du 18 mars 1576, est jointe à la lettre du roi.)

206. ORDRE DE PAYER DES DÉPENSES FAITES POUR LES OTAGES QUI AVAIENT ÉTÉ LIVRÉS A JEAN DE VIENNE PAR LES ANGLAIS DE SAINT-SAUVEUR.

QO octobre 15375.

Les commissaires ordenés de par le roy nostre sire sur le fait et délivrance du fort de Saint Sauveur le Viconte, à Gieffroy de Monfiquet, receveur sur le dit faiten la ville et viconté de Baieux , salut. Noble et puissant seigneur monseigneur Jehan de Vienne, amiral de France et lieutenant du roy nostre sire en la Basse Normendie , comme par le traitié fail entre lui, d'une part, et les Anglois qui tenoient le fort de Saint Salveour le Viconte, print et eut huit anglois en hostage pour rendre le dit fort à une journée termée et divisée entr'eulx , où il out grant espasse de temps, lesquiex huit hostages, dont les nons ensuivent , c'est assavoir mons. Thomas Trevet , mons. Jehan Aubourc , Hochequin Ynde ,

= A04 — Guillaume Maulevrier , Guillaume Chelleton , Vuillecoq Scandon , Janequin Noel et Janequin Herchie , furent en la ville de Baiex, en venant et retournant , par plusieurs journées, gouvernez et dépensez par Pierre Aubert, qui de ce a monstré roulle ou sedul à honnourables hommes le bailli de Caen et le vicontede Baiex, qui nous ont thesmoignié que les parties de ce sont vraies , qui se montent deux chens quatre vins sept livres chinq soulz et deux deniers tournois , et pour ce que icelle despense est du propre fait du vuidement du dit fort, vous mandons que, des deniers que vous avez recheus et à recevoir du dit fait, vous paiez au dit Aubertles dis deux chens quatre vins sept livres chinq soulz et deux deniers tournois, et par rapportant ces lettres, avecques quittance du dit Aubert et les diz roulles et certifications , la dite somme vous sera allouée en vos comptes et rabatue de vostre recepte sanz contredit. Donné soubz

nos seaux , le xx* jour d'octembre , l'an mil cccLxxv.

(Orig. à la Bibl. Imp., Titres scellés de Clairambault , vol. 215. p. 9637. )

907. QUITTANCE D'UNE SOMME VERSÉE PAR UN RECEVEUR DE LA FINANCE ORDONNÉE POUR L'ÉVACUATION DE SAINT-SAU^ VEUR.

Q4 novembre 1375.

Sachent tous que je Raoul Campion, conseiller du roy nostre seigneur et receveur général de la finance ordenée pour le vuidement et délivrance du chastelet ville de Saint Sauveur le Viconte, ay eu et receu de Colin Vatier, receveur de la dicte finance ou dyocése de Lisieux, la somme de deux cens cinquante livres tournois..... Donné à Caen, le xxuu* jour de novembre , l'an mil cccLx et quinze.

(Orig. à la Bibl. Imp., Cabinet des titres, 1'* serie des originaux, au mot Campion.)

208. pox DE 100 FRANCS A JEAN TABARI, QUI AVAIT. SIGNÉ DES LETTRES DE RÉMISSION POUR PLUSIEURS PARTISANS DES ANGLAIS DE SAINT-SAUVEUR,

28 novembre 15375.

Charles, par la grace de Dieu roy de France , aux commissaires par nous depultez sur le fait de la finance ordenée estre cuillie et levée en nostre pais de Normandie pour le vuidement de la ville et du chastel de Saint Sauveur le Viconte , salut. Savoir faisons que , pour le droit et collacion appartenanz à nostre amé et féal secretaire maistre Jehan Tabari deplusieurs chartres qu'il fist et signa nagaires, de nostre commandement, sur la remission de plusieurs personnes de nostre royaume qui avoient tenu et tenoient le parti de noz ennemis estanz lors es dictes forleresces , dont nostre dit secretaire n'aeu aucunesatisfaction, si commeil dit, nous à vcellui secretaire avons tauxé et ordené....]a somme de cent frans d'or, à prendre et avoir pour une foiz des deniers de la dicte finance , par la main de Raoul Campion , receveur général d'icelle. Si vous mandons ete. Donné à Paris, en nostre chastel du Louvre , soubz le seel royal ordené en l'absence du grant , le xxvii* jour de novembre, l'an de grace mil ccc soixante et quinze , et de nostre régne le xut. .

Par le roy : T. GRAFFART.

(Oriz. à la Bibl. Imp , vol. 907. à de Gaignieres, f. 23.)

du don dessuz dit. Ce faites par telle maniére que par vous n'y ait deffaut. Mandons et commandons à touz les justiciers officiers du dit seigneur , prions et requerons touz autres , que à vous , en ce faisant, obéissent et entendent diligemment. Escript à Paris le x* jour de décembre , l'an mil CCCLXXV (1).

(Trésor des chartes, registre CX.)

211. DON DE 50 FRANCS A JACQUES. MOUSQUE, L'UN DES COM- MISSAIRES SUR LE FAIT DE SAINT-SAUVEUR.

6G février 15376,

Charles, par ]a grace de Dieu roy de France , à nos ámés les commissaires ordenés sur le ait et la finance ordenés pour le vuidement des chastel et ville de Saint Sauveur Te Viconte , salut. Savoir faisons que, pour les bons et agréables services que nous a faiz Jaques Mousque , l'un des diz

1) Le 20 janvier 1576 (n. s.) Nicolas Marie , vicomte de Coutances ; délegua , pour faire l'information demandée par la chambre des cotmptes, Jedu Mahault , vicomte des baronuies de Saint-Sauveur et de Néboa. Le 23. mars, il adjugea à Guillaume le Marchant , de Saint-Pierre-Eglise, « une place séóante en |a dicte ville de Saint Pere Eglise, sur la rivieie qui vient devers le hamel de Haconville , et qui vient des sourses, des. fontainnes d'entre la dicte ville de Saint Pere Eglise à Quoqueville , aboulante du bout où soloit estre la reue du moulin qui y souloit es've sur la dite. rivière, et de l'autre but à le quemune d'entre la dicte. place du dit moulin et ledil hamel de Haconville, d'autre ; joiut d'un costé à la dicte quemune et de l'autre au chemin passant par devaat le dit moulin alant. de Saint Pere Eglise à Quoqueville, à vcelle tenir à fin de heritaige , par lui, ses hoirs, successeurs ou ajans cause , par paiant et rendant chascut an àu vOv tiostre dit seigneur et au dit messire Bureau en exuffruit la somme de. xt sous tournois de rente à la feste saint Michiel ou mois de septembre , ainsi et par telle condicion que le dit Guillaume, ou eellui à qui la diete place demourra, feront faire en la dicte place un moulin. »

commissaires eu fait de la finance du dit vuidement et en l'avancement d'icelui , et autrement en pluseurs manéres , à icellui avons donné et ordené , donnons et ordenons par ces presentes , de grace especial et de certaine science , la somme de cinquante frans d'or à prendre sur la finance ordenée pour le fait du dit vuidement , oultre et par dessus ses gaiges que à cause du dit office luiavons ordené. Si vous mandons etc. Donné à Paris, le v* jour de février , l'an de grace mil cccLx et quinze, et denostre règne le xn°. Seellé le xxi" jour du dit mois, soubz le seel royal ordené en l'absence du grant.

Par le roy : vvo. .

(Original à la Bibl. Imp., Lettres de Charles V, à. la date du 6 février 1578, v. 5.)

212. poN pE 100 FRANCS A GILLET LE MOINE, QUI AVAIT SECONDÉ AVEC BEAUCOUP DE ZELE JEAN LE MERCIER DANS LES OPÉRATIONS DU SIÈGE DE SAINT-SAUVEUR.

OG février 1:376.

Charles , par la grace de Dieu roy de France... Pour con sideracion des grans paines, charges et travaux que Gillet le Moine, clerc de nostre amé et féal conseillier Jehan le Mercier, a euz et soustenuz en plusieurs manières pour le fait des bastides, du siège et du vuidement du chastel et ville de Saint Sauveur le Viconte , pour laquelle chose il a esté par plusieurs fois de Paris au dit lieu de Saint Sauveur, et illecques vaquié et demouré par plusieurs journées et par long temps , en la compaignie de son dit maistre et autres foiz que il l'envoioit au dit lieu pour lui rapporter le certain de l'estat des dictes bastides et siege et des gens d'armes et arballestiers qui là estoient, pour pourveoir sur le fait

= ABB se mestier en fust, pour lesquelles choses il a grandement frayé et despendu et n'a pour ce eu aucun don ne recompensacion , nous.... lui avons donné et ordené.... la somme de cent franz d'or... Donné à Paris, le vi° jour de février, l'an de grace mil cca soixante et quinze, et de nostre règne le xir. Seellé le xxir jour du dit mois, soubz le seel royal ordené en l'absence du grant.

Par le roy : vvo.

(Orig. à la Bibl. Imp., Cabinet des titres, 1'* série des originaux, au mot Moine.)

243. LETTRES DE CHARLES V POUR L'ÉVÉQUE DE BAYEUX, QUI S'ÉTAIT OCCUPÉ AVEC ZÈLE*DU FAIT DE SAINT-SAUVEUR.

O février 1379.

Charles , par la grace de Dieu roy de France, à noz bien amez les généraux commissaires sur le fait des aides et assis ordennez de lever pour le vuidement de la forteresse de Saint Sauveur le Viconte , salut. Comme , pour considéracion des paines, labeurs, despens et travalx que a feiz et souflers nostre amé et féal conseillier l'évesque de Baieux* pour le fait du dit vuidement , pour le bien, proufit et avancement du dit fait, nous ayons donné et donnons par ces présentes à nostre dit conseillier la somme de six cens livres tournois (1), nous vous mandons et enjoignons estroitement que la dicte somme de six cenz livres tou :::3 vous lui faites paier, baillier et délivrer par le receveur général, ouautres receveurs sur icellui fait, des deniers de la contribucion faite par le clergié du dit éveschié de Baieux pour cause du

(4) L'évéque de Bayeux donna quittance de cette somme par lettre date* de Paris le 20 février 1376 (n. s.j. Vol. 151 de Gaignieres.

dit vuidement..... Donné en nostre hostel de Saint Pol à Paris, le ix* jour de février, l'an de grace mil ccc soixante quinze , de nostre règne le xu*.

Par le roy : vvo.

(Orig. à la Bibl. Imp., fonds de Gaignieres, vol. 360, t. IT, f. 11.)

914. LETTRES DE CHARLES V POUR RENIER LE COUTELIER, QUI S'ÉTAIT EMPLOYÉ AVEC ZÈLE DU FAIT DE SAINT-SAUVEUR.

14 février 1376.

Charles , par la grace de Dieu roy de France , à noz généraulx commissaires ou pais de la Basse Normendie sur le fait de la finance ordenée pour le fait de la délivrance ou vuidement de Saint Sauveur le Viconte , salut. Comme nostre bien amé Renier le Coutelicr, bailli de Caen, ait esté, lui et ses gens, continuelement au fait de l'entreprise des bastides qui furent faites au Por.t l'Abbé et à Pierrepont pour le fait du vuidement du chastel et ville de Saint Sauveur le Viconte, el y avoir fait pourvoiance et chevance de vivres, de genz tant de mestier comme manouvriers de braz, de charrètes, chevaux , charpentiers , machons et autres personnes nécessaires et. corivenables pour le fait dela dite entreprise de icelles personnes assembler et faire assembler et labourer avec pluseurs grandes diligences, de nuiz et de jours, tant sur les passages comme autrement , et aussi quant la dite forteresche de Saint Sauveur fut aprochée de siège, le dit bailli et ses gens y ont esté continuelement, et y ont fait encorez greigneur diligence que il n'avoient faite par avant des choses dessus dites , et avec ce il a faiz pluseurs voiages par devers nous et nostre court à Paris , en Bretaigne et ailleurs, et par especial pour pourchacier le traittié du dit

vuidement , et en continuant le dit fait et chevauchant pour icellui , lequel a duré l'espasse d'un an et plus, et si a nostre dit bailli receu grans paines et labours pour le fait de finances assembler, tant pour le fait des empruns particuliers qu'il convint empreunter sur les gens puissans de nostre dit pais, pour plus briefment faire partir les anemis qui estoient et tenoient le dit chastel et ville, comme suz les aides ordinaires , pour poier les gens d'armes et les ouvriers qui estoient devant le dit lieu de Saint Sauveur, perdu pluseurs chevaux qui ont esté les uns mors, les autres affollés, qui valoient la somme de trois cens florins et plus, si comme de ce avons esté adcertenez par pluseurs personnes de nostre conseil dignes de foy ; pour lequel fait, et aussi pour les dites pertes , paines et travaux le dit bailli n'a eu aucune recompensation de nous, fors seulement de la somme de cinq cens frans , que nous lui donnasmes nagaires pour les dites causes , laquelle somme est bien petite, considéré les erans missions, fraiz et despens , pertes et domages que il a fais, euz et soustenuz au fait dessus dit. Si nous a humble ment supplié que sur ce lui vuillons pourveoir de telle grace que il puist avoir encorez de ce aucun recouvrier. Pour ce est il que nous, ces choses considérées , avec le bon rapport qui nous a esté fait de la grant diligence que le dit bailli a mise ou fait dessus dit, de nostre grace especial lwi avons donné et octroyé, donnons et octroions par ces presentes la somme de trois cens frans d'or, à avoir et prendre pour une fois sur les deniers cuillis et levez pour le dit fait en nostre dit pais, oultre et par dessus les dis cinq cens frans. Si vous mandons, efc. Donné à Paris, le xun° jour de février, l'an de grace mil trois cens soixante quinze, et le doziesme de nostre regne. Par le roy : vvo.

(Original à la Bibl. Imp., fonds de Gaignieres, vol. 907. 2, f. 25}

MS. LETTRES DE CHARLES V POUR RAOUL DE BEAUCHAMP QUI AVAIT BIEN SERVI LE ROI AU SIÈGE DE SAINT-SAUVEUR.

15 février 1376.

Charles , par la grace de Dieu roy de France, à noz amez et féauls les généraux conseillers sur le fait des aides ordenvez pour la guerre , salut et dilection. Savoir vous faisons que, comme les habitans des parroisses de Beauchamp, d'Esquillie, de la Murdraquiere , de Foligny et de Saint Sauveur de la Pommeroye , hommes et tenans en tout ou en la greigneur pattie de nostre amé et féal chevalier Raoul de Beauchamp, fussent et soient tenus à nous , tant à cause des fouaiges comme pour les assis faiz ou pais pour le fait de Saint Sauveur le Viconte, en la somme de dix huit cens soixante et une livre, six solz, huit deniers tournois, c'est assavoir e/c....; et du temps que Nicolas le Prestrel en estoit receveur, les habitans de la dicte parroisse de Beauchamp , tant pour cause du dit fouage, que pour les deux tiers de frans ordennez y estre levez pour la fortification de la bastide du Pont l'Abbé, [en] deux cens frans, e£c..; et d'autre part pour autres assietes faictes és dictesparroisses pour le fait du dit Saint Sauveur le Viconte , et pour le vuidement d'icelui, Len] cinq cens doze frans ; et au dit chevalier soient deuz mil frans d'or, dela somme de six mille cinq cens cinquante (rans d'or, restans de la somme de dix mille frans d'or, à laquelle nostre connestable composa avec nous pour cause des gaiges des gens d'armes que i! ot souz son gouvernement es parties de Guyenne l'an mil GCCLXxtI( ....; nous, pour considéracion des bons et agréables services que le dit chevalier nous a faiz ou fait du siège du dit Saint Sauveur et ailleurs en noz guerres, et espérons que encores fera ou temps à venir, lui avons octroyé de grace especial et octroions par

ces lettres que les mil frans d'or à lui deuz dessus diz soient deduiz et rabatus de la dicte somme de xvm* Lxr livre vi sous vin deniers tournois , èsquelles les diz habitans nous sont tenus comme dit est , et le demourant d'icelle somme lui donnons de nostre dicte grace.... Donné à Paris, le xv jour de février, l'an de grace mil trois cens soixante et quinze , et le doziesme de nostre régne. Souz le seel roval ordenné en l'absence du grant seellée.

Par le roy : vvo.

( Orig. à la Bibl. Imp., Cabinet des titres, 1'* série des originaux, au mot Beauchamp.)

9416. MANDEMENT DE CHARLES Y RELATIF AU REMBOURSEMENT D'UNE SOMME QU'IL AVAIT AVANCÉE POUR LA GARDE DU CHATEAU DE SAINT-SAUVEUR.

29 mars 1376.

Charles ete. Nous vous mandons et enjoignons.... que la somme de six cenz franz d'or, laquelle somme nous avons eue et receue de nostre bien amé Raoul Campion , receveur général du fait du vuidement de la forteresse de Saint Sauveur, par la main de nostre amé sergent d'armes Richart de Brumare , receveur de l'assiz ordené pour le dit fait au Pont de l'Arche, laquelle somme nous estoit deue pour cause de certain prest que nous feismes pour le paiement des genz d'armes qui furent en la garde de la dicte forteresse depuis ce que elle fu mise en nostre main jusques au temps que la garde en demoura à noz despenz , vous alloez és comptes du dit receveur général ete. Donné en nostre chastel du boiz de Vincennes , soubz le seel royal ordené en l'absence du grant , le xxix* jour de mars, l'an de grace mil troiz cenz

v Dl s soixante et quinze, et de nostre règne le xir.

Par le roy : vvo.

(Original à la Bibl. Imp., Lettres ce Charles V, à la date du 22 mars 1576.)

917. LETTRES DE CHARLES V RÉGLANT L'INDEMNITÉ DUE A L'ÉVÉQUE DE BEAUVAIS, POUR LA MISSION QUE CE PRÉLAT" AVAIT REMPLIE A SAINT-SAUVEUR.

23 avril 1376.

Charles, par la grace de Dieu roy de France , à noz amez et féaulz conseillers les généraulz sur le fait des aides ordenés pour la guerre, salut et dilection. Comme jà piéca nous eussions envoyé nostre amé et féal conseiller l'évesque de Beauvaiz ou paiz de Normandie, en la compaignie de nostre améet féal chevalier et conseiller Jehan deVienne, admiral de la mer, pour le fait de Saint Sauveur le Visconte, et lui eussions ordené prendre etavoir par jour dix franz d'or , oultre sa pension, à compter du jour qu'il parti pour aler au dit voyage jusques au jour de son retour, si comme ces choses pevent apparoir par noz autres lettres sur ce faites , données le 1x° jour de septembre wcccrxxuu, et le dit évesque soit parti de la dicte ville de Paris le xv° jour d'aoust derrainement passé (1), et ait vaqué et demouré en nostre service pour le dit fait de Saint Sauveur, tant ou fait des bastides du Pont l'Abbé , de Pierrepont et de Beuseville , qui premiérement furent emparéez et fortifiéez pour destraindre noz ennemiz demeurans lors au dit lieu de Saint Sauveur, comme és places qui furent fortifiéez devant le dit lieu de

(1) Le roi entendait parler du 15 août 1574.

Saint Sauveur, pour poursuir le siège , jusques au nr jour de juillet wcccLxxv , ouquel jour les chastel et ville du dit Saint Sauveur furent renduz et miz en nostre obéissance , si comme de ce sommes acertenez par le dit admirai] ; sauf que durant le dit temps le dit évesque a esté par devers nous à Paris par deux foiz, pour nous dire et rapporter le fait des dictes bastides et siège , et ait demouré en la dicte ville par aucun tempz , et en icellui tempz ait tenu pluseurs de ses genz d'armes, qu'il avoit de retenue de nouz pour le dit fait de Saint Sauveur, si comme par noz autres lettres , données le xi* jour de may MCCCLxxv, peuet apparoir, nous voulons nostre dit conseiller estre payé entièrement dez diz dix franz d'or pour jour, jouxte et selon nostre ordenance , considéré les bons et aggréables services que le dit évesque nous a fait ou fait dessus dit ; vous mandons et commandons expressément que vous li faciez payer , baillier et délivrer sanz aucun délay , des deniers de noz aides, la dicte somme de dix franz pour jour, à compter du dit xvr jour d'aoust milccc Lxxim jusques au dit m° jour de juillet M CCC LXEY, et huit jours pour son retour, non obstant que durant le dit tempz il soit venuz par deux foiz par devers nous à Paris, etc. Donné à Paris, le xxii* jour d'avril, l'an de grace mil CCC LX et seize, le treziesme de nostre règne. Par le roy :

Yvo.

( Orig. à la Bibl. Imp., vol. 152 de Gaignieres. )

918. LETTRES DE CHARLES V RELATIVES AU RÉLIQUAT DES IMPOSITIONS LEVÉES EN NORMANDIE POUR LE FAIT DE SAINT SAUVEUR. ^

14 juin 1376.

Charles , par la grace de Dieu roy de France, à noz amez les commissaires de par nous ordennés sur le fait de la