DUT

finance ordennée pour le vuidement et delivrance du chastel et ville de Saint Sauveur le Viconte, salut. Comme jà pieca nous vous eussions mandé par noz lettres patentes, que tout ce qui encores estoit deu à cause du dit vuidement vous feissiez hastivement cuillir, assembler et porter à Raoul Campion, nostre conseiller , receveur général de la dicte finance, pour paier ce qui povoit encores estre deu des empruns faiz pour le dit vuidement, et pour les fraiz , missions et coustages qu'il a convenu faire pour cause de ce , et que tout ce qu'il demourroit dé la dicte finance, oultre les empruns, fraiz et coustages paiez, vous feissiez par nostre dit conseiller apporter devers nous, lequel y soit venuz et ait fait apporter en sa compaignie Ja somme de six mille frans en or, et quatre mille livres en blans de cinq deniers lournois pièce, laquelle somme de monnoie il ait, par nostre commandement, fait changer et convertir en or sur grant pont à Paris, pour ce que nous voulons ycelles sommes mettre en nostre trésor, et ait cousté chascun cent de flourins contre la monnoie xvm sous parisis, qui font en somme xLY livres tournois, et ait ycelle monnoie esté apportéesur six chevaux delouyer, et pour ycelle monnoieet flourins aporter seurementait admené en sa compaignie de Caen à Paris avecques lui son clerc, deux varlez, Bleyves le Vavasseur , Gieffroy Seron, Guillaume Villart , Pierre Droulin, Guillaume le Saunier, et Regnault de Misonart , lesquelx il ait renvoiez si tost qu'il furent venus à Paris, et que le dit argent fu à sauveté, et en ce aient les dessus diz vacquié tant en venant que en retournant par huit jours, nous lui avons taxé et taxons par ces présentes pour les despens d'iceux Lx sous tournois pour chascun jour, qui font en somme xxi livres tournois; et nostre dit conseiller soit demouré par nostre ordennance et commandement par soixante jours, c'est assavoir du xxn° jour d'avril inclus darrain passé que il parti de Caen , jusques au xx* jour de ce présent mois de juing inclus, semblablement compris

c AM II

ens quatre jours pour son retour, tant pour attendre la venue de Jehan le Mercier, général conseiller sur le fait de noz aides, qui a gouvernée en chief le fait de la finance du dit vuidement, lequel estoit hors à Avignon, et a demouré à venir à Paris depuiz que le dit Raoul y fut venu xxv jours, que pour faire changer la dicte monnoie et pour faire contraindre plusieurs receveurs du pais de Normandie par decà Saine, qui devoient encores grant argent du fait de la dicte finance, et aussi la ville de Pontoise qui en devoit six cenz frans, laquelle a esté exécutée pour la dicte somme, et aussi pour monstrer le fait des arrérages deuz par les receveurs particuliers de nostre pais de Normandie oultre Saine du temps qu'il en a esté receveur général , et lui avons taxé et taxons par ces présentes , pour la despense de lui et de ses genz, xL sous tournois par jour, oultre les gaiges qu'il a de nous, qui font en somme six vins livres tournois, et aussi avons taxé pour les voituriers et chevaux qui ont apporté le dit argent, pour chascun cheval et le vallet qui l'a conduit cent sous tournois, qui font en somme trente livres tournois, valent toutes les parties et sommes dessus dictes , tant pour le change de la dicte monnoie, pour les despens de ceulx qui l'ont admenée seurement, que pour les voituriers et chevaux qui l'ont apportée, deux cenz dix et neuf livres tournois, laquelle somme nous voulons qu'il ait et prengne par sa main des deniers de sa recepte. Si vous mandons etc. Donné au bois de Vincennes, le xmir jour de juing, l'an de grace mil ccc Lxxvi, et de nostre règne le xui,

Par le roy : TABARI.

( Orig. à la Bibl. Imp., fonds de Gaiznieres, n. 860, t. I, f. 7.)