PIÈCES JUSTIFICATIVES, XVIÜ SIÈCLE

vrance et deffense des droits du dict Jully et aultrement.

Et là où il a payé plus de ving cinq à trente mille francs, depuis le temps qu’il a possédé et joy du dict Jully, soubs son tiltre du dict office de cellérier de Molesme.

fOrig. Arch. de l’Yonne, prieuré de Jully , H.)

CXXXYI

REQUÊTE DES HABITANTS DE JULLY POUR PRIER LES RELIGIEUX DE MOLESME DE RENOUVELER LES BAUX DE LEURS FERMES OU MÉTAI¬ RIES. (Pages 74, 75.)

(xviü siècle)

Supplient humblement vos humbles et obéissants subjets grangiers de la terre de Jully ; comme ainsi soit que le revenu d’icelle seignorie consiste la plupart en domaines et terres labourables, et lesquelles ont estez par cy devant données à vies aux prédécesseurs des dicts supplians, et de si longtemps, que, par le cours de nature, ou aultrement, les dictes vies sont expirées, pourlagrenyeur (la plus grande partie) des dictes granges, même des granges appelées la Bergerie, la Maigne, les Pouissarts des Forges et la Baratte ; et que, sans y pourveoir promptement, les dictes granges demoureront de nulle ou petite valleur, et les dicts supplians, qui sont enfens et descendus des premiers et derniers détenteurs, despourveus, sans "avoir moien ailleurs gaigner leurs poures vies.

Ce considéré et qu’ils sont origènes subjects de vostre église, ayans consumé toute leurs jeunesse et servis leurs pères et mères, sans en avoir aucune rémunération, ains l’expoir seullement de vous nos dicts seigneurs, et ayant égard à ce que dit est, et que de' votre bénignes grâces les colloquez auant tous aultres ; en paiant oultre au seigneur cellérier et ses successeurs, et en augmentant la rente et revenu de chascune d’icelles granges, par

chascun an, de vingt bichetz de bled de rente, par moiltié froment et aveyne; et paiant le vingtiesme pour le disnie sanctuel de toutes choses croissans et provenans,qui peult valloir, par an, de trente à quarante bichetz, sans les menuz dismes ; avesques ce ung bichet de l’ung (1), par moiltié poix et febves, deux gras moutons revestus, ung bon veau, six bons chappons, demy douzaine de bons fromages (ou pour iceulx dix sols tournois), deux livres de cire, deux pinctes d’huille et pour les prés vingt solz tournois. Item, de faire par chascun an, et par chascun des dits supplians ou leurs fermiers, et à leurs despens, trois jours de corvée, -tant de leurs bras que de leurs chevaulx, ou pour les dictes corvées, quarente solz tournois, et faire les réparations nécessaires auxédiffices des dictes granges dedans trois ans prochains. Plus pairont le cas advenant, pour le droict de mortuaire et pour chascun chief d’ostel, quinze solz tournois, les non mariez, sept solz, six deniers tournois, et les petis enfans, cinq solz, dont leurs curez prendront la tierce partie seullemenl.

Item seront tenuz les dicts supplians paier, par chascun an, au dict cellérier et à ses successeurs cellériers, pour povoir cuyre leurs pastes en leurs fours, estant ès dictes granges, et pour avoir aussi permission et usage en tous vos (leurs) bois mors et abbatuz, le chasne réservé, en votre (leur) forest de Frasse, la somme de dix solz tournois.

Et chascun des dicts supplians seront tenuz mener, par chascun an, en la maison seignorial du dict Juilly, six voitures de bois ; le tout paiable aux termes et jours qui seront déclarez et spécifiiez en faisant et despêchant les lettres. Et ne pourront les dicts suppliants ny leurs successeurs faire ou tenir que chascun deux feux et deux cheminées, et s’obligeront l’ung pour l’aultre, et ung seul pour le tout, de chascune des dictes granges. Lesquelles granges et labourages ne pourront vendre ne alyéner,

(1) Peut-être un bichet de chaque grange ou ferme.