LE DUC ET ARCHEVESQUE DE RAIHS

Moy archevesque souverains Touchant aux douze pers de France , Ainsi que doict le duc de Rains , Du roy sacrer , et en substance C'est le mien droict et ordonnance , Et après de le couronner De ce faire j'ay la puissance, A ce m'ont voulu ordonner.

LE DUC DE BOURGON Gif E.

Moy qui suis le duc de Bourgongne , Et doyen des pers en arroy, C'est ma souveraine besongne , Au notable sacre du roy , Que de porter sans nul desroy Sa couronne, puissant et riche , Son espée ceindre lui doy, Et foy porter, c'est mon service.

l'évesque de laon.

Moy évesque de Laon et duez De la saincte ampoule porter Au sacre du roy , suis tenuz , De ce ne m'en puis déporter ,

Je m'en veux très-bien rapporter A mes bons frères en substance , Que chacun de nous comme per A son service en ordonnance.