Affaires générales, carton 701, d
Un prix d’entrée uniforme, fixé à 6 deniers tournois, serait exigé
de tous les spectateurs. Les comédiens s'offraient à verser
4 livres parisis par représentation, au profit des pauvres. Voici cet intéressant document :
A très honorez nos Seigneurs, Mayeur, Eschevins, Conseil et Huict Hommes de la ville de Lille. Remonstrent humblement Jaspar Flameng, Ulaude Gambié, François Desquermes, Pierre Despinoy, Jehan Du Hamel et George Du Gardin, tous ioueurs de ieux et comedies de ceste ville de Lille, que -pour distraire la ieunesse et peuple d'icelle ville des tavernes et cabarets les iours de dimenches et festes et le tenir lesdits iours en ladite ville, sans s’absenter hors d'icelle et aussy aflin déviter a noises et questions qui adviennent souvent esdits iours a raison de la boison, iceux supplians seroient intentionnés avec l’ayde et l’assistence de leurs confrères ioueurs, moyennant le congié de vous, très honorez Seigneurs et mesme pour donner exemple édificatoire de salut audit commun de, aux Pasques prochainement venant, monstrer et exhiber en ladite ville de Lille, esdits-iours de dimenches et festes aux heures accoustumées come d’anchienneté a esté {aict la passion de Notre Saulveur et Redempteur Jesu Christ come l'on a faict du passé en la cour du roi Notre Sire et aultres lieux, promettant lesdits supplians au préalable icelle exhiber la faire visiter et approuver par Monsieur le docteur Cupette et en faire exhibition a vous mesdits Seigneurs, et en ce lieu et place quilz trouveront comode, quy feront aussy au contentement de vous mesdits Seigneurs. Et prétendant a cause des mises et despens qu'ilz se poldront pour ce faire ensuivre de chacune personne six deniers tournois offrant moijiennant à payer et furnir au prouffit des poures de ceste dite ville, quatre livres parisis pour chacune iournée qu'ils ioueront, ce que lesdit supplians n'oseroient ni ne vouldroient faire sans le congié de vous, mesdits Seigneurs; quy est la cause que iceulx supplians se retirent vers vous, prudents et discrets Seigneurs, vous suppliant bien humblement ce que dessus leur vouloir permettre et accorder. Et aussi que en iceulx ieux, ilz se conduiront et maintiendront comme ilz ont faict du passé en tout honneur et honnesteté sans aucune repréhension. Cy ferez bien..
Les échevins accordèrent « congé » le 5 Janvier et acceptèrent le prix d'entrée, mais la redevance fut portée, par représentation, à 100 sols parisis, soit 5 livres au lieu de 4, à partager par moitié entre la Bourse commune et l'Ecole dominicale.
En 1593, les mêmes acteurs, sans doute, donnent aux conditions susdites un nombre égal de représentations de la Passion. En 1598, le receveur perçoit d’abord 32 1., puis 46 1. 125.
