CHAPITRE TRENTE NEUFIESME

Une femme morte apparoit à sa fille et luy commande de dire à son pere qu’il vienne en ce Mont et y face dire une messe pour la délivrance des peines qu’elle enduroit.

L’an mil six cens trente et un, le trenliesme jourde mars, veinrent en voyage en cette eglise Lonys Canard aagé d’environ soixante ans, et Marin Canard son fils, aagé de vingt huict ou trente anjS, tous deux de la parroisse St Ouen de la Rouerie en l’evesché

* On lit aussi Gavaud,

de Rennes, lesquels firent dire une messe à l’autel St Michel pour le repos de l’ame d’Estiennette L’abbé, en son vivant espouse du susdit Louys Ganard, laquelle estoit passée de ce monde en l’autre depuis cinq ans. Et furent induis à ce faire, à cause que le jeudy de la sexagesime vingt septiesme du moys de febvrier, ledit Louys Ganard, encor qu’ extrêmement sourd, estant au lict entendit auprès de soy comme quelque personne frapant deux ou trois fois sur son lict. Ce qui fut cause que se levant sur son séant et regardant par la place il luy fut advis voir sa femme laquelle disparut tost après. Ce vieillard n’ayant parlé de celte vision à personne, le jeudy de la my-caresme vingt septiesme de mars, en plein jour et tirant sur le midy, cette vision apparut derechef à une sienne petite fdle aagée de sept à huict ans, laquelle gardoit les vaches en un champ proche le susdit village. De quoy toute espouvantée elle s’encourut au logis et raconta cette vision, disant qu’elle ressembloit à sa mère. Le lendemain estant encor au mesme champ pour garder son bestial et son pere et frere estants là auprès à la charrue, elle eut derechef la mesme vision et la voyoit marcher sur le buisson prochain. De quoy espouvantée elle s’escria et s’enfuit auprès de son pere et son frere, lesquels sçachants la cause de cette frayeur la rasseurerent et ramenèrent tout proche du buisson. Et là luy commandèrent de demander à sa mere qu’elle disoit voir ce qu’elle vouloit. A quoy obéissant, cette vision luy respondit qu’elle estoit sa mere et qu’elle dit à son pere qu’il allast en voiage au Mont-St-Michel

et y fit dire une messe à l’autel du St Arcange pour elle, et par ce moyen elle seroit délivrée de peine et ne reviendroit par après les espouvanter. Cette fille dit à son frere cela, et luy fit entendre à son pere le tout le mieux qu’il put, et tous trois veinrent en cette eglise accomplir ce voyage où ils dirent aux religieux tout ce que dessus.