CHAPITRE QUARANTIESME

A Pont-Orson, les habitants de la rue St-Michel sont préservez de peste par l’invoeation du même Arcange.

La mesme année, le bourg de Pont-Orson estant fort affligé de peste, tous ceux de la rue St-Michel, se confians plus particulièrement, et avec plus de foy, en la tutelle d’un si grand protecteur, se tournoyent fort souvent du costé de cette saincte montagne, addressans leurs vœux et ferventes prières à Dieu par l’entremise du glorieux Arcange, à ce qu’il les preservast de l’espouvantable fléau qui les environnoit de tous costez. Chose admirable! Pas un de laditte rue ne mourut et ne fut pas mesme frapé de laditte maladie, quoy qu’il n’y eut aucun autre lieu en tout le bourg où il n’en mourut plusieurs, tant a de pouvoir envers Dieu l’in-

tercession du Prince de toute l’eglise ! Tous les habitans de Pont-Orson sont tesmoins de cette merveille, laquelle a été rédigée par escript au mesme temps, comme aussy le contenu du chapitre precedent, par des religieux de nostre congrégation, dignes de foy, demeurans lors en ce Mont.