i'« série, XI, 2^ partie

il morurent, les autres font ardoir les cors. Et encore voz di que quant cesti ydres sunt portés de lor maison au leu o il doient estre ars entre voies en auquant leus, les parens dou mors ont fait emi la voie une maison de fust coverte de dras de soie et de dras doré. Et quant le mort est porté devant ceste maison si aornés, ils s'arestent et les homes gitent devant le mors vin et viandes assez, et ce font-il por ce que il dient que à tiel honor sera-t-il recevu en l'autre siècle ; et quant il est aportés au leu où il doit estre ars, ses parens font entaillier homes de carte de papir et chevaus et gamiaus et monete grant come bizans, et toutes cestes couses funt ardoir avech le cors, et dient que en le autre monde le mors aura tant esclaif et tantes bestes et tantes moutons com il font ardoir de charte. Et encore voz di que quant le cors sunt porté à ardoir, tuit les stormenz de la tere vont sonant aunte (devant) le cors. Et encore voz di d'oun autre chousse, que quant cesti ydres sunt mors, il mandent por lor astrolique et dient elz la nasion dou mort, ce est quant il nasqui, de quel mois et quel jorno et l'oire; et quant les astroilique le a entandu, il fait sez endevinaile por arz di?-bolique, et dit puis qu'il a fait sez ars, le jor que le cors se doit ardoir. E voz di que de tielz fait demorer que ne Tard une semaine, et de tielz un mois, et de tielz six mois, et adonc convient que les parens dou mort les tegnent en lor maison tant con je voz ai dit : car il ne firoient jamès ardoir jusque atant que les endevinz lor dient qu'il soit bien ardoir. Endementier que le cors ne s'arde et demore en lor maison, le tenent en tiel mainere, car je vos di qu'il ont une cassie de table grosses un paumet, bien conjunte ensenble, tote enpointe noblemant, et hi metent le cors dedens, et puis le covrent de tielz draz et si ordre et con canfara et con autre espèces que le cors ne poute point à celz de la maison. Et encore voz di que les parens dou mors, ce sunt celz de la maison, ongne jor tant quant le cors hi demore, li font mètre table et hi metent viande da mangier et da boir ausi con c'il fust vif, et le metent devant la cascio où le cors est, et le laisent tant come l'en pensse avoir mengiers, et dient que s'arme menjue de cel viande. En tel mainer le tenent

TCHINGUIZ KHAN 2O3

jusque au jor que il se vient à ardoir; et encore voz di qu'il funt un autre chouse, que plosors foies cesti endevi dient as païens des mors que il ne est buen que il traient por la porte de la maisson le cors mors, et trovent caison ou de stalle ou d'autre choussc que soient encontrée à celle porte, et adonc les parens dou mors le funt traire por autre porte et maintes foies font rompir les mur, et d'iluec le funt trare, et tuit les ydules dou monde iront por la mainere que je voz ai dit. Or voz laison de ceste matière, et voz parleron d'autre cité que sunt ver maistre joste le chief de cest dezert. » ^