XXIII. De/ feon
Lo leon ha quatre propriotas e naturas. La prumiera de las- (juals es aital que quant el deisent de la cima de li aut mont, si el sent li caçador, el cuebre las soas peas au la soa coa que li caçador non trobon lo seo luoc ni lo poissan saber ni conoisser. Dont per aquesta natura es entendu dio quant el deisende del cel. ço es en la vergena Maria, el resconde lo seo annament que lo diavol non pogues conoisser lo seo annament ni la maison, ço es la vergena. Nos deven far enaysi e ensegre la doctrina e l'eisemple del nostre redemptor que nos deven usar enaysi las cosas mondanas que lo caçador. ço es lo diavol non sega li nostre annament.
La 2" propriota del leon es qu' el nais morl e ista 3 jorn mort e pois ven lo paire de lui e gieta grant bram en la boca de lui e vivifica lui. E adonca pren li 5 sentiment. Dont Crist fu enayma leon loqual iste mort per 3 jorn al sépulcre e pois per la vertu del payre celestial resucite al tercz dia de li mort. A l'eisemple del quai nos quant sen mort deven resucitar del judici a las veilliez qu'el resucite nos de la vileça d'aquest mont al seo eternal goy de paradis.
La 3a propriota del leon es que domentre qu'el dorm unqua non clau li seo olh. Loqual leon es meseyme dio loqual non dorm en neun temp, mas ubert li seo olh garda nos tota via. Segont ço que dis Augustinus : « Dio nos garda de tôt mal non que nos non sufl'ran alcuna cosa d'adverseta, mas que la nostra arma non sia naO'ra per aquellas adversetas.
La quarta propriota del leon es aquesta; car quant el vol penre las bestias el cerconda prumierament tota la selva e pois intra en la selva e pren ço qu'el vol penre e las animanças non ausan issir, poisque lo leon lii es passa o poisque ellas troban l'annament de lui. Per aquest leon es entendu lo diavol loqual cerconda li luoc en liqual istan li peccador, liqual son cerconda de li annament diabolic e laça de li lacz mot dur enaysi qu'ilh non pon eisir de la selva. ço es del pecca, mas permanon en la cadena del diavol. (d. 21 .)
