LIVRE IL

mesmes ! Qui estcoluy, qui pourroit prendre un tel oyseau, contre lequel nul filet, ny aucun tresbuchet a puissance? Cœsar, qui subjugua le monde, estoit si vertueux ; une femme vilaine le rangea soubs le joug de l'Amour. Alcide, qui dessus ses fortes espaules relevoit, en façon de pilastre, le plancher du ciel prest à tomber, se vestit d'une chemise de femme, ayant quitté pour icelle sa peau de lyon; et, mettant bas sa massue, print entre ses mains le fuseau. Une vile putain a rasé le poil au fort Sanson, lequel soul oit à belles mains escarteler les mâchoires d'un sanglier, d'un tygre, et d'un lyon. Voicy aussi Guy, lequel, rejettantson honneur et celuy du Roy, et prestant l'oreille aux blandices d'une tendre sienne fille, la ravit, et le pont du chasteau abbaissé, s'eschappe, emportant comme un facquin sur son eschine une pesante charge, laquelle il ne voulut jamais ester de dessusses espaules, jusques à ce qu'ils eussent, eux deux, passé les limites du royaume de France. Mais nostreComine a desjà soif, et demande le verre, et ce premier livre a vuidé mon carnet d'ancre.