LIVRE XXI

cer : comme une vache qu'un bouclier Iraîne, plus recule en arrière, qu'on ne la sçauroit faire aller devant, voyant de loing ses compagnes escorcher, et leurs membres pendans à des crochets ensanglantez.

Cingar avoit fait à son espée plusieurs dents avec ses cailloux, tellement qu'elle ne sembloit plus une espée, mais une scie: si ne laissoit-il toutesfois de continuer ce fusil, ei de donner un peu de clarté à ses compagnons. Le Dragon, se sentant desjà mort, se change en une autre forme; et, chose merveilleuse, ce qui estoit n'agueres serpent se présente comme une belle jeune fille, et se nommoit Smiralde, de la race des louves. Moscquin se trouve par terre, n'ayant plus entre ses cuisses ceste longue eschine; Falcquet s'estonne grandement. Tous admirent ceste femme vestuë de blanc depuis les pieds jusques à la tesle, et porloit en ses mains un livre, et marmunnoit quelques parolies, et se cachoit, fuyant de peur d'estre prinse par ces Barons. Falcquet touteslois la print hastivement par la cotte ; mais aussi-tost elle luy eschappa. Il la prend derechef par les cheveux, et quant et quant luy arrache du sein son livre. Gecy sembla à tous une chose merveilleuse; car, aussi-tost que Falcquet l'eust ainsi arrestée, et luy eut prins ce livre, chasque animal se perdit dedans ces ténèbres, et s'en vont tous à grand haste. Mais Smiralde crie, et se plaint amèrement, et prie et supplie Falcquet, le flattant, et le gagnant par douces parolles : « Ha pitié ! Ne me souciant de la compagnie des hommes, je passe icy en ces grottes et cavernes ma vie en toute chasteté, gardant ma virginité. Aye pitié de ta réputation, Falcquet, et ne pense point que cette soit une belle louange d'offencer une tendre lillettc! Que feras-tu de moy, qui ne suis qu'une petite femmelete? de moy, qui suis une des Nymphes de Pallas? Partant, je te prie que tu veuilles me rendre le livre que tu m'as osté, et me permets de m'en aller mon chemin? » Ceste truie, abusant par telles caresses Falcquet, luy print avec les deux doigts la main, ainsi qu'est la coustumo de prendre et pipper les simples et idiots. Balde estoit là présent Cingar, tous les autres s'estonnans de la beauté de ceste fille, l'un dit : « Ce seroit une grande meschanceté de tuer une si belle fille! » Un autre dit : « Est-ce une meschanceté d'assommer une vilaine putain? » Pendant toutesfois que Falcquet esmeu de pitié vouloit la laisser, et luy permettre d'aller où elle

voudroit, et qu il souhaittoit de la tenir auprès de soy en quelque autre lieu, voicy de loing une voix, qui tonne, et avec icelle apparoist une lumière, jettant de loing ses rayons, laquelle s'escrie: « Prenez derechef, ô Barons, ceste orde et sale putain; car tout le monde est ruiné par une telle peste. » Lyron la reprend soudain par le collet, et la tient plus ferme que n'avoit fait Falcquet: et lors arriva un barbasse de vieillard, qui en gravité ressembloità Gaton. Iceluy, avec un joyeux regard, salue tous ces compagnons; puis leur commande de luy bailler ce livre magique. Icelle incontinent crie: « Ne donnez point mon livre, ô Falcquet? Ce meschant vieillard a envie de vous tromper. » Ce bonhomme, se tournant vers elle, luy dit : « 0 meschante sorcière, desjà le temps s'approche, auquel tu doibs rendre compte de tant d'ames qui se sont perdues en enfer pour l'amour de toy, et pour tes semblés, issus de la race des sorcières! Dis-moy, putain de Satan, dis-moy, concubnie de Chiapin, dis-moy maintenant, qui es-tu? Tu dis que tu, es une des Nymphes de Pallas, veu que tu es ceste vilaine truye Comasne de Milan, pour laquelle tant de gens vont et reviennent si souvent. Ha! la vengeance divine a trop patienté de toy, qui maintenant doibs estre punie, et qui clevrois desjà estre au fond de l'enfer! Jette le livre, ô Falcquet : jette maintenant ceste peste, et ceste charongne de tout le monde, et l'infection de l'air. » Falcquet regarde Balde, lequel luy fait signe d'obéir à ce vieillard. Falcquet jette à terre ce livre, et aussi-tost qu'il l'eust jette, incontinent advint un grand bruit et tremblement de terre, accourans tous les diables, pour gripper et enlever ceste ribaude, laquelle misérable, en criant horiiblement, fut entraînée en enfer, et, avec six mille autres putains, à chaque heure sert de viandes aux diables.