LIVRE XXV

tailler en long tout ce qui a besoing d'estre taillé. 0 gens fols et inseasez, et sans soavoir! Ne voyez-vous pas bien comme je remplis l'Enfer de telles âmes perdues, mieux que /ous? Et si a davantage; car je ne laisse accroistre la Religion et foy de Jesus-Ghrist, laquelle autrement s€ fust assujetti tout le monde, et eust ruine les Turcs, si cest assassinateur de Guelphe et ce voleur de Gibelin n'eussent espandu parmy le monde ceste semence pestiféré. C'est donc bien raison de nous resjouyr, et faire feste avec toutes sortes de danses en cest Enfer obscur, pour le moyen seur que j'ay trouvé, tendant enfin peu à peu à la ruine du Christianisme; pendant que les Italiens, suffisans à suppediter le monde, se divisent ensemble, et se rendent eux-mesmes serfs, vassaux et vils serviteurs de ceux qui, au temps passé, estoyent leurs vassaux, leurs serfs et leurs vils serviteurs, par leurs vertus et vaillances. »

Pendant qu'Alecto, toute enfambée de cholere, tenoit tels superbes propos, Thesiphone, poussée d'un grand desdain, se levé en pieds, et ainsi commence son discours, enterompant les dernières paroles de sa sœur : « Vous estes toujours trop arrogante, outrecuidée, téméraire et babillarde, Alecto, et vous ne vous mesurez point en vos propos. Ce seroit mieux pour vous, si dès longtemps je vous eusse coupé la langue près le palais : nous aurions peut-estre de toy des propos plus raisonnables ; et non si fols, ny si legiers, ny si peu balancez. Dis-moy, qu'est-ce qu'un peuple, une populace, un vulgaire, en comparaison de gens sages illustres et pleins de bon gouvernement : il n'y a rien plus léger qu'un peuple ; il n'y a rien plus muable en tout le monde, que le vulgaire. Quiconque se vante d'estre Guelphe ou Gibelin, dites hardiment cestuy-là eslre un villain, nay d'une infecte et puante fiente, combien qu'il porte bonnet et escarpins de velours. S'il s'ingère de suivre un parti, et regarde l'autre de travers, vous luy pouvez dire qu'il n'est point de sang illustre, qu'il n'est ny Seigneur, ny Duc, ny Marquis, ny Baron, ny Gentilhomme : car pas un d'iceux en cent ans ne suivroit telles villaqueries. Voilà de belles conquestes, et dignes de grandes louanges ! Et tu t'oses vanter, par dessus mes triomphes, de ce que tu as totalement aiusimis le monde sans dessus dessous, comme tu dis; et neantmoins voilà Cipade, qui s'est eneor' garantie de tes serpensl Mais, moy seule, j'ay fait maintenant, et fais qu'i-

celle s'est bandée cruellement contre soy-mesme, et s'est fourré d'elle-mes me le couteau en son ventre : laquelle ny vous, ny eeste louve de Megere n'avez peu aucunement desmembrer. Qui croit que j'aye peu rompre par cntr'eux la paix : la paix, dis-je, tant ferme, et le lien si solide, qui retenoit en amitié ceste grande, illustre et vénérable Gipade, laquelle, après avoir rangé sous ses loix toutes les villes du monde, est venue ça bas pour déposséder Pluton de son Royaume. Balde, Balde esticy, ce Héros Renaldicque, auquel, comme estant de cœur royal et franc, autant plaist le parti des Guelphes que celuy des Gibelins, pourveu que l'un et l'autre aiment la bonne et belle réputation, et soyent affamez de l'honneur. Ceux qui osent dire le Roy de France estre Guelplie,et l'Empereur Gibelin, n'ont pas grand entendement, pensant que tels piinces se lient à telles folies. »

Or Balde, ayant eu patience pour escouter tous ces beaux discours, soudain prend son espée, rompt les portes et entre dedans. Le voyant tous entrer en telle furie, incontinent toute ceste infâme assemblée se départ, s'enfuit, quittant là chascun sa chaire. Comme quand l'Aurore, reluisant avec ses belles rouges couleurs, se descouvre au matin et vient revoir le monde, tous les chathuans se cachent, et font soudain retraite, de peur de veoirla clarté du jour: ainsi ceste compagnie infernale escampe à la veuë de Balde, et ne peuct souffrir l'aspect et le regard d'un si grand personnage. Il demeure là seul, voyant toutes les chaires vuides; et, s'en courrouçant, brise et decouppe tout avec son espée. Pendant qu'il s'amusoit à cela, il aperçoit la gratieuse personne de Seraphe, qui souvent vient et revient voir Balde : les Compagnons duquel il avoit jà trouvez comme ils estoient ainsi poussez en furie l'un contre l'autre, et lesquels il avoit réduits et remis en bonne cervelle, et les avoit là amenez bien rassis et paisibles ; et puis soudain disparut, et s'en retourna en haut.

Or les Compagnons recommencent à poursuivre leur chemin par ces lieux ténébreux. Fracasse marche le premier, ayant un courage tel, qu'il bouilloit d'envie d'arracher les corn"s aux Diables; et ne parloyent tous par entr'eux que de tels exploits. Boccal recite les follies inventées par les Poëfes, lesquelles ils disent estre aux Enfers. Il raconte ce qu'il avoit leu autrefois du guerrier Meschin; pendant