LIVRE XXV

qu'aussi Cingar rapportoit à son amy Falcqaet le sixiesme livre de Virgile. 0 chose merveilleuse ! qui la pourroit croire, si on ne l'avoit veuë de ses propres yeux? Cingar demeure court au milieu de son conte, sans pouvoir plus parler, et s'imagine tout autre chose que le contenu de ce sixiesme livre, et ne se resouvient en avoir parlé.

Falcquet ne sçait aussi ce que Cingar luy avoit dit, et estoit tout alourdi fantastique après toute autre chose, sans se resouvenir de ce qu'il avoit entendu de ce sixiesme livre. Le Centaure brouille sa cervelle de plusieurs choses, tantost veut celle-cy, tantost celle-là; et ne sçait que choisir. Fracasse fait beaucoup de chasteaux en l'air. Sa langue se taist autant comme si ellen*eust jamais parlé. Hippolyte n'a voit plus de sel en la teste ; son entendement embrouillé passe à travers de plus de cent chimères. Lyron, ravi de plusieurs imaginations, tenoit ses yeux eslevez en haut, se riddant le front. Moscjuin esloit fol, et Philoforne plus fol: car le soing de plusieurs affaires fait devenir les hommes fols, Fanet et Grillon marchoient ensemble, sans parler l'un à l'autre, et se regardoient avec les yeux fichez l'un sur l'autre. Boccal en humeur fantastique marchoit seul devant, remuant les lèvres sans proférer aucun mot, et avec les deux mains joûoit à la morre tout seul, s'escriant quelquefois, sans prononcer une parole. Mais Balde, ayant la parole à commandement, blasmoil fort le silence qu'il voyoit en ses compagnons, et, parlant à eux, il leur demandoit response: mais iceux, estans devenus muets, le regardoient seulement pour toute response. « Ho! dit-il, voicy une chose bien nouvelle : ô Cingar, que veux-tu dire? ô Lyron? Hippolyte, vousne parlez point? Et d'où vient cela? Voulez-vous garder silence comme enun cloistre? Dites-moy quelque chose, afin que le long chemin ne nous ennuyé. Ne daignez-vous rendre response à vostre Balde ? » Iceluy usoit de tels mots à ses compagnons ; mais il eust plustost ouï parler des murailles. Partant, estant las de leur faire tant de demandes, ne voulut plus essaïer à les faire parler.

Ainsi marchoient-ils à pas mal asseurez, comme font les Lansquenetz quand ils ont en l'estomach du vin plus crud que cuict. Balde enfin veut spavoirla cause de cecy : il s'ad vance avant les autres, et ti'ouve une autre chose nouvelle; car il sent la terre manquer soubs ses pieds, et ne luy semble plus veoir terre sur laquelle il puisse affermir ses pas,

S72 HISTOIRE MACCARONIQUE.

et comme s'il estoit suspendu en l'air, manie les jambes, et ne sent aucun travail à marcher. Il se tourne vers ses compagnons et les voit marcher de mesme comme luy avec pareille légèreté. Ils veulent bien parler à luy, mais ils ne peuvent que remuer les lèvres, et, comme muets, ne parlent que de l'œil et des mains. Ghascun sent son corps se porter legierement, et aller comme à nage, et se resjouissentde marcher ainsi sans aucune peine. Cecy leur dura jusques ^ ce qu'un vent les poussa dedans un creux. Là estoit le séjour deFantasie, accompli d'un murmure de silence, d'un mouvement permanent, et d'un bruit taisible, par un ordre confus sans reigle, sans proportion et s.ms art. On y oit les Fantasies volleter sans cesse : les eslourdis esprits, les songes, les pensers esmeus sans aucune raison, le'soing nuisible à la teste, la sollicitude fantastique, l'espèce et image diverse de l'entendement. Entin, c'est la cage des fols ; chascun en icelle se piccotte la cervelle, et pesche des mousches en l'air. Du nombre de ces gens icy sont les Grammairiens et la race des maistres-ès-arts. Là est le Nom et aussi le Verbe, le Pronom, le Particijicet toute leur séquelle, à sçavoir : la, icy, delà, deçà, en bas, en haut, à gauche, a droit, avec toute la bande de qui et de quels. Les argumens dialectiques y volent çà et là, mille sophismes, mille sottises, pour, contre, en niant, en prouvant. La Matière ne défaut point icy non plus que la Forme. L'Homme, l'Eus, la Quiddité, l'Accident, la Substance avec le Solécisme. Toute ceste bande assaillie les compagnons, ainsi que les mousches donnent l'assaut à un coing de beurre, ou à un fromage frais. Je me suis trouvé quelquesfois, je le confesse, estant bien repeu de vin, et estant à cheval, pendant que le soleil estoit en sa vigueur, lors que la cigale chante', que six mille moucherons volloyent autour de ma teste, comme ils ont accoustumé de voler environna pot de beurre et un vaisseau de moust. Ainsi ces légères fantasieset appréhensions biserres assaillent ensemblement ces Compagnons et leurpiccottent la cervelle, et, entrans en leur teste, mettent sans dessus dessous le silence.

Balde, n'estant point atteint de ce mal, les regarde, s'estonne, et enfin s'en rit, voyant Gingar, lequel pendant que telles fantasies le provoquoient tantost deçà, tantost delà, les poursuivoit, les prenoit avec les mains; mais il n'avoit 1q dextérité de les retenir, et voïoit qu'enfin il ne tenait