II. E. 106. (Registre.) — In-folio ; 57 feuillets, papier

\ 604- 1 606. — Huitième compte du même, présenté, le 26 juillet 1606, aux gouverneurs de l’Hôpital, Julien de Wissocq et Oudart de Lens, maïeur de l’an passé. — « La Teste d'Or sur le grand marchié, tenant, d’une liste, à Jehan Grousel, d’aultre, à la ruelle menant du marchié au chasteau... ». — « Maison du Pied de Boeuf, tenant d’une liste, a la maison des archiducqz, nommée la maison du roy...». — « La Verde Maison, faisant le coing de la rue du Change...». — « ... Maison au Viel Brusle, joignant west a monsr. de Wendeville, seigneur de Marnez... ». — « De Daniel Peru, fournier, pour sa maison nommée l'Agneau d'Or, en la rue de l’Escucherie... ». — « De Guillaume de Scodt... pour sa maison nommée 1 ' Angel", au Brusle bas... ». — « De monsieur Guislain de Fiennes, chevalier, visconte de Fruges, seigneur dudict Biencques... ». — «Vingt mesures de preys... présentement occupées par la mère et relligieuses dudict hospital pour la nourriture de leurs vaches et aultrement... ». — Reliefs et droits seigneuriaux « Aulcuns droix ny reliefz ne sont escheus, du moings venus a cognoissance... ». — « De Philippes Widebien... six livres... assignéz sur trente six mesures de terres prinses en cincquante huict mesures prèz Moncqueboeure, pays de Langle, dont les listes et aboultz sont reprins es lettres de constitution de ladicte rente passées pardevant bailli et eschevins de la Srie que messrs. de S1 Bertin ont a Moncquebeure...». — « Du corps et communaulté de... St-Omer, sur les impostz des fortifications at esté acquis... xn 1. xi s. vi d. ob. de rente... ». — « Anthoine de Haulteclocque, naguerres maieur d’Aire...». — Dons gratuits des maïeur et échevins de la ville, xxv I. et vm rasières de charbon ; des gouverneurs de la maladrerie, par l’entremise du receveur, Philippe Follie, xl 1. — Recette totale : viii'lv 1. x d. ob. t., plus, xlvi rasières de blé, mi rasières de pois et vm rasières de charbon. — Dépenses : pour « fagotz, bourrées et aultre gros bois... icxxi 1. xv s. t. ». — A la mère Marguerite Doublet, en quatre fois, quatre cent quatre livres. — Au compteur, « pour sallaire d’avoir...

faict venir ens deuix cens florins, pardessus les six cens livres de revenues portés par son premier compte duquel il avoit sallaire de quarante livres... requiert, tant pour l’année de ce compte que cestuy rendu le jour d’hier, a raison du x® denier, la somme de x 1. t. »

« Habeat dix florins, tant pour ce compte que pour le passé, à charge de s’acquiterde son debvoir, en conformité du pouvoir qu’il at par escript... et à cherge aussi de faire venir ens ce qui poeult estre deub d’arriérages des grains, et faire wider les procès ou causes intentées pour les rentes couchées en remises, et, sy à l’advenir la reeepte augmente, y sera prins regard tel qu’il convient. » — Total des mises et remises viiFxxxv 1. vin s. ni d. ob. pite. t. (( Oy, clos, arresté et par le compteur accepté... le joeudi, xxvn® jour de juillet, seize cens et six... »

A la suite du compte, se trouve un état de divers travaux et améliorations dont l'hôpital a bénéficié depuis 1573. « Soeur Marguerite Doublet, mère de l’hospital... désirant renseigner les ouvrages et grandes commodités faictes audict hospital depuis l’an quinze cens soixante-treize, d’aultant que l’heritage en est de beaucoup eslargyet regrandy, n’aiant toutteffois, pour cest effect, riens esté prins du revenu ordinaire, ny couché ou alloué es mises des comptes dudict hospital a faict recoeuller et coucher par escript ce que s’ensuyt :

Premièrement, que, en l’an quinze cens soixantequatluorze, at esté ediflîé, tout de nouveau, le réfectoire, à cause qu’il esloit fort petit, vief et caducq ; et s’extendoit en longueur, depuis le costé de la cuisine, thirant vers le jardin de Ph[i]I[ipp]es Maton, de environ vingt sept piedz ; au lieu duquel at esté faict le nouveau réfectoire, s’extendant, en longueur, depuis le costé de zud, où est présentement la nouvelle montée pour aller au dortoir, jusques au boult noort, du costé de la brasserie, où est ediffié la nouvelle cheminée, a laquelle sont poséz les armories de Messire Jullien de Wissocq, chevalier, seigneur de Bomy, et de Madame Marie de Flechin, sa compaigne : ayant ledict nouveau réfectoire présentement longueur de cincquante deux piedz ou environ, entre les murailles ; pour laquelle reediffication, at convenu faire fonder de nouveau les deux murailles de ladicte longueur : scavoir, celle du costé de l'herilage dudict Philippes Matton, et celle du costé de la cuisine et court, devant la nouvelle despence. At aussy convenu faire deux nouveaulx planchages, pour accomoder le dortoir deseure ledict réfectoire, auquel dortoir at aussy cheminée nouvelle, allencontre de celle

du réfectoire, avecq une chambre pour servir d’ouvroir. Ladicte montée nouvelle, large et bien accomodée avecq fenestres et cassis nouveaulx, remplys de belles voirières. Ensemble les aultres choses necessaires pour accomoder [et] agencir le tout, sy comme une garderobbe, tables, bancqz et sieges d’allemarche [bois du Danemark] allentour du réfectoire, et une aultre garderobbe au dortoir. Et a le tout cousté la somme de douze cens florins, voires plus. » — Acquisition, le 14 avril 1600, de « Franchois Gaultran, Sr de Blancheinotte, et de Marie Gaultran, sa soeur », d’une « belle maison, jardin et héritage, pour regrandir ledict hospital (allendroit et contre la vielle maison, ediffiée, doiz a longtemps, pour se rethirer en temps de malladie contagieuse)... Et a la maison dudict Gautran esté démolye et abbatue, pour faire bastir et édiffier une estable nouvelle, tant pour les vaches que une beste chevaline, les veaulx et porcqz ; ayant le surplus de l’héritage esté accommodé à ragrandir le jardin, contre et tenant ladicte maison servant en temps de mal contagieux ; pour lesquelles eslablesediffier, at este payé : asscavoir, a Alexandre Le Neu, machon, pour sa manoeuvre, la somme de soixante noeuf florins, y comprins quelques journées qu'il aulroit vaqué et esté employé a besoigner en choses audehors desdictes ouvrages ; à Philippes Lansel, Carpentier, pour avoir livré le bois desdictes estables, en longuer de quarante et huict piedz, et quinze piedz de large, avecq ung appentis, pour le dracquier, et la fachon de mettre le tout en oeuvre, a esté payé la somme de cent et cincquante florins ; à Jehan Dermesen, couvreur de thieulles, at esté payé la somme de vingt florins ; et à Pasquier de Crépy, pour avoir livre les thieulles, cappes et vanneaux de ladicte estable, at esté payé soixante dix florins et dix pattars : revenans lesd. parties à mcix 1. x s. » — Autre acquisition, le 22 mars 1600, des héritiers de Pierre Roulpot, de « deux petittes maisonnettes scituées en la Grosse Rue, tenants west une aultre maison... présentement occupée en louage par Anthoine de Haultoie, routtier et machier de messieurs du chapitre, et d’aultre costé oest a la ruelle quy conduisoit de la Grosse Rue au jardin dudict hospital », moyennant deux cent cinquante florins, « et le cincquiesme jour de mars seize cens et deux, at esté encoires acquis une petite maison et héritage, scituée en ladicte ruelle au lez west, quy fust appartenant a deffunct Anthoine Oudart et Marguerite Le Hardy, sa femme », moyennant cinquante six florins. Ces maisons ont été démolies et,

du consentement de messieurs du Magistrat, « at esté bastie et errigée une grange, avecq une bonne forte porte, par moyen desquelles grange et porte, at esté clos ladicte ruelle, quy conduisoit de la Grosse Rue a l’hospital, lequel, par ladicte clôture, demeure garrandi et assceuré contre les larrons et malvoeullans, lesquelz avoyent grand accès par ladicte ruelle. » Pour l’exécution de ces travaux, il a été payé: à Mathieu Hermel, maçon, cxix florins, « et depuis, audict Hermel, pour deux murailles qu’il at encoires faict, l’une contre le jardin du routier et l’aultre pour la clolture du petit jardin de Gérard yne Le Witlre, vefve de Charles Boudenot, at esté payé la somme de soixante deux florins, à cherge de livrer le mortier pour lesdictes deux murailles ; à Philippe Lansel, pour avoir faict et livre tout le bois, pour le comble de ladicte grange, avecq huys, fenestres et la porte, a esté payé ... deux cens florins ; a Jehan Dermensen .. soixante cincq florins » ; e‘ à Pasquier de Crépy, « pour livrison de thieulles, cappes et vanneaux... », lx florins, xii sols ; à Pierre Tonnoire, « pour les ancres, serures, doux, lachetz et aultres ferailles qu’il at livré, pour ladicte porte et grange », xxx florins vu sols vi deniers ; ô la « vefve J :ôme Ricquart... pour plusieurs parties de doux qu’elle at livré », xiv florins vu patards. — La même année 1600, a été faite « une despense (servant pour mettre le laict) en la court, devant le réfectoire ; et est l’entrée de ladicte despense prinse par la cuisine. Sy esticelle despense vaulsée, avecq une chambre deseure, ou y at trois lictz pour accommoder les servantes. Ont a issy esté faictz deux murailles, pour ragrandir la chambre des passans et les enfermer sur la salle. At encoires esté faict une grande ferneslre sur le flegart, p nur avoir ayr en la chambre des passans. Pourquoy at esté payé : à Mathieu Hermel, machon, cincquante florins ; à Philippes Lansel, Carpentier, pour le bois qu’il at livré pour le comble d’icelle despence, avecq les sommiers pour vaulser, livrer les huys, fernestres et cassys, ensemble ung grand huys sur la court, et accommoder ladicte despence de gauthiers pour mettre les telles...», xxxvi florins x sols; au serrurier, ix florins ; à Jean Cahier, «pour lattes», vi florins ; à Jean Dermensen, « couvreur de thieulles, tant pour sa mainoeuvre que livrison », xvii florins vin sols. « Sy at esté payé, tant à Adolf Carpentier que à Flour Martel et Jehan Martel, pour caulx et sablon qu’ils ont livré, employéz esdictz domages », cxxn florins x patars. — « Ont aussy esté faictz, en la chambre des

passans, unze couches nouvelles, tant pour hommes que pour femmes, dont le bois at esté donné par Monsr. l’Abbé d’Auxy. » — Acquisition, le 21 novembre 1600, de Gérardine Le Wiltre, veuve de Charles Boudenoot, d’une « maison, jardin et héritage, scituêe en ladicte ruelle, au lez oest, tenant nort au jardin à herbe dudict hospital, zud à une petite maisonnette, appartenant à la table des pauvres de Saincte Aldegonde et Saincl Denys... laquelle maison est fort commode audict hospital, pour y loger aulcunes personnes, quand l’occasion se présente ; ayant esté payé pour ledict achapt... deux cens cincquante florins, et depuis, pour une couche, six florins ». — Acquisition (22 août 1602) d’une « aultre petite maison, et héritage, scituée au lez oest, en ladicte ruelle quy conduisoit delà Grosse Rue au jardin dudict hospital... ayant appartenu a Jacques de Hazembourg et Jehenne du Val, dicl [sic J Louffelte, sa femme,... le tout pour agrandissement, augmentation et commodité très nécessaire dudict hospital, et ce, par moyen de la fondation fuicte... par messire Simon Boudenot [22 août 1602]... En laquelle maison ont esté faictz aulcuns ouvrages fort nécessaires pour le mettre en estât suflissant, ayant le tout porté, tant en deniers paiez aux mâchons que carpentiers, à la somme de huict florins ou environ. — Et au mois de juing dudict an mil six cens et deux, Thomas Ghys et Jehenne as escachcs, sa femme, auroient quicté, cédé et résigné, au prouffict dudict hospital, le droict qu’ilz avoient de povoir ériger une chambre sur ladicte ruelle conduisant de la Grosse Rue au jardin dudict hospital, ensemble aussy accordé et consenty de faire clorre et boucher pour tousjours, certain huys par lequel ledict Ghys avoit entrée du costé west en ladicte ruelle, servant pour wider la basse chambre commune entre iceluy Thomas et la maison de Augustin Quetelare; mesmes, ledict Thomas et sa femme se sont submys de laisser wider ladicte basse chambre par l’huis quy sert ordinairement pour entrer et sortir en leurdicte maison. Le tout moiennant six florins une fois que la mère at payé et furny audict Thomas et que at esté faict, dressé et eslevé, aux despens dudict hospital, ung pignon de bricques, contre la maison dudict Ghys, laquelle estoit pour la pluspart seullement close d achelles ; et que, aussy aux despens dudict hospital, at esté mys et assis ung nouveau cassis de bois sur front de rue, en ladicte maison, et que icelle at esté recouverte de nouveau, du costé vers l’hospital, après y avoir faict aulcunes

nouvelles ramures, lattes etaultres choses nécessaires et faict couvrir et accommoder l'esseau servant pour laisser couller les eauwes procédans tant de la cour- ■chelle desdictz Thomas et sa femme que dudict Quetelare; aiant aussy esté emprins de payer par ledict hospital, en l’acquict et descherge delà maison dudict Thomas et sa femme, à tousjours, huict solz dix deniers parisis de rente, que leur dicte maison debvoit à la ville de S* Orner, première année eschéant au jour de sainct Jehan mil six cens et trois ; lesquelz ouvrages, faictz en la maison dudict Thomas, poeuvent avoir porté à la somme de [un blanc], et sont comprins en ce que at esté payé aux mâchons, Carpentier et couvreurs ès articles reprins cy devant. — Et, comme les tabliers des pauvres des églises de Saincte Aldegonde et Sainct Denys ont une petite maisonnette en ladicte ruelle, au lez oest, aultreffois occupée en louage par Magrite boileuze, tenant noord à la maison et héritage que ledict hospital at acquis le XXIe de novembre mil six cens, de Guerardyne Le Wyttre, zund à une aultre maison et héritage, que ledict hospital at acquis, le vingt deuxiesme d’aoust mil six cens deux, de Jacques de Hazembourg, ladicte mère at tellement faict vers lesdictz tabliers, pour avoir moien de tenir tousjours ladicte porte close et serrée, que iceulx tabliers ont accordé audict hospital, en louage, ladicte petite maison, moiennant soixante solz chascun an ; et pour ce que icelle maisonnette estoit en fort pauvre estât, les parois d’argille et le tout fort deschalabré, ladicte mère, du sien accord et consentement desdictz tabliers, at faict mettre en bon et suffisant estât ladicte maisonnette, pour quoy elle a payé : à Mathieu Hermel, machon, suyvant son billet, comprins livrison de bricques et mortier, et d’avoir pavé ladicte maison, la somme de trente quattre livres ; et à Guillame Moncke, Carpentier, douze livres cincq pattars, lesquelles sommes se rabatteront et rethireront sur le louage. — Pour subvenir au paiement de tous lesquelz achaptz et ouvrages, pardessus bon nombre de chaulx et sablon que messieurs du Magistrat de la ville de Sainct Orner ont •donné audict hospital, la mère d’iceluy hospital a receu -de messire Jullien de Wissocq, chevalier, seigneur de Bomy, et de madame Anthoine de Wissocq, sa soeur, abbesse du couvent de Bourbourg, hoirs des fondateurs d’iceluy hospital, la somme de sept cens florins. — At esté vendu, par ladicte mère et religieuses, certaine petite maison et héritage, scitué près la grange du seigneur de Noircarmes, icelle maison 'donnée à cest hospital par Philippes Gautran, en son vivant

mTe portier de la porte Boullizienne, pour avoir sa demeure et nourriture audict hospital, où il est décédé ; ladicte vente faicte à Charles de Lattre, recepveur dudict seigneur de Noircarmes, le xvme de may mil et six cens, moiennant la somme de cent quatre vingtz dix florins. — Une aultre petite maison et héritage, scituée sur la chimentière de Sainct Sépulchre, donnée à cest hospital, par dame Marguerite Baston, depuis vendue a Andrieu de la Chappelle, moiennant la somme de cent trente cincq florins. — Une aultre maison, scituée sur la chimentière de S* Denis, donnée

a cest hospital par Jacqueline [ ], icelle maison

depuis vendue à Josse Le Maistre, moiennant la somme de cent et huict florins. — Et le surplus qu’il a convenu avoir pour sattisfaire ausdictes ouvrages, est procédé du gaing et prouffict que ladicte mère et religieuses ont faict par leurs labeurs et industrie. — Ceste déclaration at esté exhibée et communiquée à messieurs les gouverneurs de l’hospital de S* Jehan, le vingt-sixième de juillet seize cens et six, aprèz l’audition du compte dud. hospitale, et ordonné estrejoinct a icelluy compte, moy présent comme greffier principal de Sfc Orner : Vargelot. »

Suit un « Inventoire des ornemens et aultres meilleurs moeubles, servans tant pour la chapelle que aultres commoditéz de l’hospital de S4 Jehan en la ville de S1 Orner, selon le recoeul que en at faict faire soeur Marguerite Doublet, mère dudict hospital, environ le Noël de l’an mil six cens et quattre. Primes :

Ungne chasule de vlour cramoisy, parcidevant achetée en la vente des biens moeubles du seigneur de Nieuwerlet, sur laquelle sont les armories de Halewin escartelées avec Latrimouille.

Ungne aultre chasule de damas figure d’or cramosy, venant des fondateurs dudict hospital.

Ungne aultre de camelot noir, servant pour l’office des trespasséz.

Ungne aultre de satin blancq royé d’or, donnée par madame de Norem, avecq ses armories.

Depuis que le nouvel usaige de Rome at esté ordonné estre observé par decha, at esté faict ungne chasule de vlour noir avecq l’effroy de vlour cramosy.

Ungne aultre de dama violet.

Ungne aultre de caffa blancq.

Ungne aultre de camelot rouge.

Ungne aultre de satin de Bruge vert, donnée par le chappelain Mre. Anthoine Martin.

Ung drap d’autel de drap d’or.

Ung aultre de velour noir.

Un g aultre de vlour'cramosy, avecq le nom de Jésus environné d’ung solleil d’or, et deux images S* Jehan et Ste Barbe : le tout donné par mademoiselle de Fiennes, velve de monsieur de Haurel.

Ung aultre de salin blancq royé d’or, donné par madame de la Tramerie.

Ung aultre de diverses couleurs, avecq des oiseletz.

Ung aultre de tapisserie.

Ungne chappe de satin cramosy, l’offroy de vlour cramosy, brodé de thoille d’or.

Deux tuniques de caffa cramosy, données par feu sr. Jehan de Silly, religieux de S* Berlin.

Deux tuniques de caffa blancq.

Deux noires pour l’office des trespasséz.

Ung calice d’argent doré, donné par le fondateur, monsieur de Bomy, auquel at esté donné pour changer ung petitte calice rompue {sic) par anchienetté, venant des premiers fondateurs.

Ung calice d’argent pour s’en servir journellement, donné par mre. Paul Turbet, vice-curé de l’esglise S1 Sepulchre, avecq ungne boite de corporal de satin cramosy.

Ung reliquierre d’argent, avec ung cristal et des dignitéz.

Ung plat d’argent, pesant dix unces, donné par soeur Maicke, la moictié, et soeur Marie Denys.

Deux pintelettes d’argent.

Ung chapelet long de pater nostres d’argent, avecq ungne poire d’argent doré, pendant au boult, donné par Marie Doublet à la Vierge Marie.

Ung aultre, de coral, avec des grains d’argent, donné à S* Anne par ladicte Doublet.

Ung long chappelet de coral.

Ung chappelet de cristal.

Ung aultre chappelet de gros coral, avecq ungne image et enseignes d’argent doré.

Sixvachelles d’argent, les piedz boullonnez.

• Six cuillières d’argent.

Deux sallières d’argent.

Ung gobelet d’argent.

Ungne garderobe, achetée par la mère soeur Marguerite Doublet.

Avecq deux beaux chemineaux d’arain fontys.

L’an seize cens et cincq, soeur Lamberde de Sailly, mère Marte audict hospital, a donné ungne couppe d’argent doré pour ung vasseau servant au vénérable S4 Sacrement, au dessus de laquelle couppe, il y at ung cristal, avecq ung croissant, pour y mectre et poser

le corps domini, ladicte couppe vallissant cent soixante cincq florins seize solz.

Cest Inventaire at esté exhibé par soeur Margrite Doublet, mère de l’hospital de S4 Jehan, le xxvie de juillet seize cens et six, aprèz l’audition du compte dudict hospital, et ont les gouverneurs ordonné icelle inventoire estre joinct audict compte, tesmoing t Vargelot. »