DJ2 CHAIRE GARNIE D ARGENT DORE

bride est de ladicte devise. Et poise tout l'argent de la selle et bride xxxvi mars.

grans chaieres, appellees faudesteufs, de bois couvertes d'argent doré.

3465. Une grande chaiere faite de quatre arcs, sur le tour et façon de chaiere de prélat, toute couverte d'argent doré; dont les deux arcs bas, qui font les jambes, sont patez dessous comme de quatre pâtes de chien qui font les pies de la chaiere : et sont tous les quatre arcs dessusdis fais chascun à viii quarrés encavées; et les pièces de l'argent sont cloées au bois de la chaiere à petis clous à testes roondes, passans comme parmi souages plas et estrois qui queuvrent les Joinctures et assemblées desdictes pièces d'argent. Et aus costez bas de la chaiere, a deux pièces larges et plates qui se loient aus deux arcs bas de ladicte chaiere pour la tenir ferme, lesquelles pièces sont toutes couvertes d'argent doré, et l'assemblée desdis quatre arcs est, devant et derrière, assés grande et large. Et sur le millieu, devant et derrière, tant sur le dedens comme sur le dehors de la chaiere, a une grande rose emboutie à doubles fueillages, garnie autour, sur les costez, d'un souage greneté; et ou millieu d'icelle a un roont esmail de nos armes. Et ainsi y a partout iiii pareilles roses à tels esmaus, comme dit est. Et sur le travers de ladicte chaiere sont deux pièces plates, dessus et dessous, à une boutée quarrée saillant, couvertes toutes d'argent, qui se assemblent aus arcs d'en haut et sont pour les appuiées des costez. Et sur les bous haut et de devant de ladicte chaiere, sont comme deux piliers, plas dessus et enarchiés tout autour, et ou millieu est un assés gros pommel. Et tout autour, sur le bas et sur le haut, sont garnis les deux piliers de deux souages grenetez, dont le bas est cloué; et sur le haut desdis piliers §ont deux lions d'argent, tous enlevez, assés grandez, qui regardent bas et ont leurs queues retournées pardessous entre leurs jambes de derrière, qui vont jusques sur leurs dos. Et sur les bous haus de derrière, qui montent plus que ceuls de devant, sont deux pommeaus garnis, autour de leurs sièges,

chascun d'un souage greneté et cloueté de haus clous; et autour de Tenarcheure dudit siège du pommel a un autre petit souage greneté. Et sur lesdis deux pommeaus sont tous enlevez deux assez grans aigles d'argent dorez, à esles levées et à assés longues queues, et à leurs becs tiennent deux chaiennes ausquelles pendent deux escuçons emailliés d'un costé à noz armes à une seule fleur de lis, et de l'autre à nostre Ordre de la Croix. Et est ladicte chaiere garnie, pour le siège et pour l'apuiée derrière, de drap d'or et desfrenges qui y appartiennent, attachiés à clous d'argent et parmi pièces d'argent plates et estroiies. Et l'argent dont elle est couverte, avec les lions, aigles et autres choses d'argent dessus devisées, ppise xxxv mars.

JOYAUS ET AUTRES CHOSES ESTRANGES, D OR ET D ARGENT, EN EXTRAORDINAIRE, POUR CE QU'iLS NE SE PUEENT APPARIER.

3466. Une chantepleure d'argent, blanche, portée d'un pie ront doré à pluseurs souages et orbevoies à jour; et a un gros ventre ront, ou milieu duquel a un souage doré, greneté et crénelle, et dessus a un autre souage haut, doré, greneté; et a un lonc col, ou bout duquel a deux biberons dorez issans de la bouche de deux marmousés. Et au plus haut a une pommete ronde en guise d'une sommete, ceinte d'un souage doré crénelle. Et poise un mars une once vi deniers.

3467. Une pomme à chauffer les mains, d'argent, dorée et ronde, à pluseurs compas tailliés à fueillages perciez entre deux. Et se euvre par le milieu, et dedens a une plataine de fer tournant à mettre le feu. Et en yst la chaleur par les compas. Et poise tout I marc ni onces ix deniers.

3468. Une boiste d'argent, dorée, à mettre poudre pour geter sus escripture fresche, dont le pie est fait au tour d'une orbevoie à jour; et ou fons a un serpent qui tourne et fait tourner le fons et ouvrir, pour mettre la poudre dedens; et le ventre de la boiste est en manière d'une pomme roonde à branches de chesne, à glaons, à lyons et autres bestes et divers oyseaus : et entre ycelles est blanc, greneté à menus grains, et dessus a un tuel à un pommel ouvré à jour ; et dessus a comme un entonnoir, crénelle

par les hors, à creneaus renversiés : et ou fons dudit entonnoir a un compas de petis pertruis, par là où la poudre se giete. Et poise en tout vu onces un deniers.

3469. Une boiste d'argent, blanche, plate par dessous et roonde par dessus, pour mettre tirade, à laquelle a deux anses toutes plaines, quarrées, à deux costez; et dessus ladicte boiste a un estoupail roont, dedens lequel a une vis qui le ferme, sur lequel estoupail a une petite anse quarrée. Et poise '.

3470. Un hennap d'argent blanc à couvercle, assis sur un pié d'or de la façon d'un pié de hennap de madré, lequel hennap est cizellé ou fons et par le corps à vingnete et à branches de fueilles de trèfle; et ou mileu de la cizelleure du fons a trois fleurs de lis et une rose. Et est ladicte cizelleure emboutie dedens. Et le bort dudit hennap est d"or tout plain, et le couvercle a semblablement les hors d'or; et entre lesdis bors et le haut, qui est d'argent plain, est cizellé de la devise du hennap. Ou fons a un petit esmail d'or roont des armes de France ^ Et le fretel est garni par le bas d'un souage d'or, et le pié, qui se monte en façon d"un chapel agu dessus, est d'argent esmaillié comme à demis girons d"asur. Et dessus a un pommel d'or plain, sur lequel siet une marguerite d'or à doubles fueilles, esmailliée par le bas de vert, par le mileu de blanc et sur le haut de rouge cler. Et puet ledit hennap peser, tant en or comme en argent '.

3471. Un hennap d'or et d'argent, couvert, bien parfont, du tour d'une tasse, dont par le pié, par là où il se tient, est d'or plain, hautelet, et le fons et le corps dudit hennap sont d'argent cizellez dedens à arbres de vingnette et de fueillage de treffle, mais ou milieu du fons a trois fleurs de lis et une rosete. Et les bors dudit hennap sont d'or plain. Le couvercle dudit hennap est bien parfont sur le roont, et en sont les bors d'or plain à un souage par le bas ; et le dessus est d'argent cizellé par dehors de la devise d'un hennap ; le fretel est du tour d'un chapel esmaillié, entre l'argent blanc, à triangles d'asur, et dessus siet un pommel