Le poids n'a pas été marqué

d'or, sur lequel a une marguerite d'or esmailliée de ses couleurs, et le rouge en est cler. Et ou fons dudit couvercle a un csmail roont petit des armes du sire de la Rivière. Et poise en tout III mars xviii esterlins.

3472-3473. Deux boestes d'argent assés longuetes, faites en manière de poires pour mettre poudres, dont le souage de dessous est à orbevoies perciées à jour dorez que m petis lionceaus portent. Et sont les couvercles desdictes boestes à tels et semblables souages comme sont seuls de dessous, lesquels couvercles se ferment à vis, et sur chascun a un petit lyon. Et poisent i marc.

3474. Un coffret d'argent, doré et esmaillié de noz armes, quarré et plus lonc que large, ouquel sons pluseurs balances et caras d'argent pour peser perles et toute autre manière de pierrerie. Et en sont les esmaus assis par la manière qui s'ensuit ; c'est assavoir que sur le couvercle en a vi tous quarrez en manière de table, garnis de très grans et haulz souages doubles, férus de croizettes d'une part et d'autre; et à chascun des bous dudit coffret en a deux autres de pareille devise ; et ou devant en a trois et aussi trois ou derrière ; et sur ledit couvercle a une anse quarrée, qui est un pou enarchiée par le millieu à un petit bossel de quatre quarrés pointues; et sont les quarrés de ladicte anse hachiées à petis rainceaus de Hz. Et est le fons dudit coffret par dehors tout blanc; et le dedens dudit couvercle est hachié tout autour par manière d'une liste à lettres moresques, dedens lesquelles listes a une beste qui a quatre piez et deux corps et testes de hommes qui tiennent aus mains une corbeille. Et dedens ledit couvercle, auprès de là où est le moraillon, a une viz à vi pans, en laquelle se met un lonc baston d'argent à vi quarrés, dont les unes sont hachiées de croisettes en manière de lozenges, et les autres de fueillages, lequel baston a pié et demi et trois dois de lonc; et ou millieu a un pommel petit à VI quarrés. Et ou bout d'icellui baston a un triangle pour pendre une assés grandes balances en une petite mortaise qui y est; dedens lequel triangle a un osteau de vi demis compas perciez, garni aus deux costcz de trois fourmetes perciées à jour. Et puis, dedens ledit coffret, a une table d'argent dorée, qui est d'un doit d'espesseur, hachiée tout autour de chaiennes à

lettres moresques, ou milieu de laquelle a une vuidenie bien creuse sur le roont, à x demi compas, en quoi sont unes assés petites balances pour peser pierrerie, dont les bacins sont d'argent dorez par les bors, et le fléau, la languette et la garnison d'icelles sont de fer. Et la tenue desdictes balances est d'une matasse de assez bonnes perles roondes, laquelle matasse et aussi lesdis fléau et languette se mettent en une enchasseure. Et en l'un des costez de ladicte table a un petit escrinet à couvercle pour mettre les caras, et à l'autre costé a une place bien encavée dedens ladicte table pour mettre une pille où seront [sic) les mars et les onces : laquelle table n'est pas soudée dedens ledit coffret, ainçois elle se oste quant l'en veult. Et ou dedens d'icellui coffret a une autre table d'argent dorée qui est atachiée et rivée encontre le fons, sur laquelle s'asiet l'autre table rivée, laquelle ainsi est ouvrée et hachiée comme celle dont mencion est faite devant; en laquelle se herbergent unes plus grandes balances dont les bacins sont d'argent et dorez par les bors, et le fléau et la languette de fer; et la tenue en est d'une matasse de perles qui sont forment de la sorte à la matasse des autres balances. Et aus deux bous de ladicte table sont deux estuis, dont en l'un est une pille garnie de marcs et d'onces, qui est d'argent, et en l'autre se mettent les caras, lequel est couvert du couvercle où il a un anelet pour l'ouvrir : et y a XIII pièces de pois de caras de pluseurs nombres; et aussi pour mieuls et plus proprement prendre lesdis caras, il y a une pincette d'argent dorée, grande et longue, sur le bout de laquelle a un saint Michel qui, à une main, tient un escu esmaillé de vert, en quoy est nostre ordre de la Crois, et en l'autre main tient une lance. Et poise en tout, compté ens lesdictes balances, marcs et caras, xxxiii mars '.

3475-3480. Six gobelés d'argent, blans, tous plains, pour pille, entrans en une aiguière d'argent escripte dedens ce livre ', l'un plus petit de l'autre, pesans, le plus grans et le second , le

1. Le poids a été inscrit par une main autre que celle qui a écrit la description.

2. Sans doute il s'agit de l'une des aiguières décrites plus haut sous les n"' 2076 et 2077.

tiers ,1e quart ,1e quint et le siziesme Somme

pour tout '.

3481. Un couvercle d'argent, sans hennap, à larges bors par dedens, et est cizellé à divers ouvrages entrelaciés. Et ou fons a un esmail d'azur ouquel a une M couronnée ; et dehors est à creneaus. Et sur le couvercle a pluseurs esmaus, dont il en y a vi grans asurez, esquels a M couronnées. Et ou millieu a un grant fretel esmaillié d'asur et de vert par bendes entuerses ; et ledit fretel, sur le bout, est de vi fueillages dorez, et dessus a un gros bouton roont esmaillié d'asur, goûté de blanc et de vermeil. Et poise iiii mars 11 onces.

3482. Un couvercle d'argent, sans hennap, à larges bors, dorez dedens; et ou mileu a un esmail azuré ouquel a un A doré, couronné, esmaillié de vert, et par dehors est crénelle et doré tout plain. Et ou millieu a un haut fretel de fueillages, et dessus a un bouton esmaillié d'asur. Et poise 11 mars xii deniers.

3483-3486. Quatre grans clouz d'or et deux petis, fais comme pour une ceinture ; et sont lesdis clous fais de entrelaceys l'un dedens Tautre, et en sont deux commenciés à esmaillier et non achevez. Et les autres ne sont esmailliés ne achevez. Et y a plusieurs autres petis ouvrages, dont les uns sont esmailliés et les autres non. Et poisent tout i marc vu onces xxi denier,

3487. Uns petis tableaus de deux pièces, d'argent doré, à quatre chapiteaus, et le dedens des tableaus est quarré et encavé, garni sur les bors descendans dessous, et aus costez d'une orbevoie d'oteaus à Jour, et tout autour, sur le bas, d'un souage féru à croisetes. Et ou milieu de chascune pièce d'iceuls tableaus est enchâssée une pièce quarrée de jaspe : et sur l'une est Notre Seigneur en croix et à ses costez Nostre Dame et saint Jehan; et sur l'autre Nostre Dame droite sur un petit entablement, qui tient son enfant, et deux petis angelos sans esles à ses costez, tenans deux cierges dessous deux tabernacles ouvrez de maçonnerie et de piliers bouterés, et tout d'albâtre et d'ouvrage enlevé parant sur le jaspe. Et autour sont lesdictes pièces parées, chascune de vm petites perles atachiées à brochetes sur le plat et de iiii esmeraudes et un autres pierres sur couleur