ÉPÉES GARNIES DOR

près de demi caras la pièce ; et des deux costez desdictes losenges, auprès des pointes, pour emplir le champ, a deux ovsellés de perles qui tiennent au bec une couronne d'orfaverie, qui est boutée par les pointes d'icelle. Et le bout de ladicte espée est esmaillié, d'une part de noz armes à la bordeure de rouge cler, [et] à une tablete blanche où est nostre Ordre. Et le dessous dudit fourrel est bordé de perles par les deux costez tout du lonc à fueillages. Et sont les tissus de la renge et du fourrel de veluiau asuré. Et poise l'or qui est en ladicte eepée, renge et

fourrel '. Et aussi y a de perlles de celles qui sont les plus

grosses , et des autres qui sont plus menues \

3509. Une autre espée plus petite, garnie d'or, sans perles, dont la pongnié est de fil d'or trait, tuers, lyé en manière de losenges, dont le pommel est hachié par le mileu, tout autour, à lettres où il a : « Je le doy » ; et autour des esmaus a fleurs de lis ; lesquels esmaus sont mis en boullions haus enlevez, es quels sont nos armes à la bordeure de rouge cler; ou millieu desquels esmaus a un esmail blanc bellonc, roont sur les pointes, ouquel est la crois de nostre Ordre. Et est la crois de ladicte espée assés longue, enarchée contreval par les deux bous, et hachiés dessus à fleur de lis, et par les costez en deux lieux de lettres où il a : « Je « le doy ». Et la renge de ladicte espée est de tissu de soie asurée, ferrée de fleurs de lis assises sur le travers, environ chascune desquelles a un petit anelet fait de fil trait, tuers, tout senglé, en laquelle il a partout lxxvii clos et vi autres clos perciés en guise de fers de molin, qui font fermeures; et est la boucle de deux gros filz tuers tous plains, sans ouvrage, et le mordant de semblable façon, fors tant que ou milieu a une fleur de lis à jour ; et sus la chape dudit mordant a une fleur de lis à jour. Et sont les deux garnisons où tiennent ladicte renge, esmaillées de noz armes à la bordeure de rouge cler, ou milieu desquelles a une losenge blanche, roonde sur les bous, et la crois de nostre Ordre dessus. Et la garnison du bout de ladicte espée est esmailliée d'autelle et semblable devise. Et est le fourrel de veluiau azuré,