I. Le poids n'a pas été inscrit

ÉPKE GARNIE d'oR 551

duquel arbre est assise une fleur de lis, duquel arbre partent deux branches sur quoy sont, des deux costez, deux aigles netement plumetées qui s'i soustiennent chascune sur un pié, e^ de l'autre pié tiennent les deux flourons de ladicte fleur de lis : laquelle est couronnée d'une assés grant couronne faite sus le font, dont les flourons sont perciés à jour et vuidés par dessous, que lesdictes aigles tiennent au bec; et sus ladicte couronne a un croissant de la devise et de telle hacheure comme est le croissant qui fait la chappe de la boucle de ladicte renge; en laquelle renge a xiiii granz cloz d'or entre le mordant et l'anelet où s'atache la garnison qui tient au fourreau de l'espée, fais de gros filz tuers en manière d'oteau, dedens lequel a un petit fermail ront tout plain à bizel, en quoy il a une aigle toute droite, bien plumetée, qui regarde derrière soy ; et est ledit clou tout esmaillié de rouge cler ; et autour du petit fermail a petites fueilles blanches. Entre lesquels cloz a xv ouvrages de perles de XV croissans l'un contre l'autre, entre lesquielx est la crois de nostre Ordre. Et pour amplir le champ de entre les croissans et les cloz, a fueillages d'autres perles; et oultre y a cinq cloz petis, rons, pour fermeures. Et entre la boucle et la garnison dudit fourrel a un clo d'orfaverie et deux ouvrages de perles, où est la crois de nostre Ordre, de la devise et façon de ladicte renge; et de l'autre part est la pâte delà renge faite de deux pièces qui tiennent contre la garnison dudit fourrel, à telz croissans, de telz clos et de telle broderie de perles comme est le tirant de ladicte boucle, fors qu'il y a en oultre, sur le premier croissant qui tient à la garnison dudit fourrel d'amont, une crois de nostre Ordre. Ainsi a en la garnison de ladicte renge xvii clos d'orfaverie et xx ouvrages de perles à croissans. Et les deux garnisons dudit fourrel où se tient à aneaux ladicte renge, sont bien netement esmailliés de nos armes dont la bordeure est de rouge cler, ou milieu desquelles a une tablete longue, quarrée, esmailliée de blanc, sur laquelle est la crois de nostre Ordre, laquelle table deux aigles renversées tiennent au bec. Et est le fourrel ouvré de broderie à perles à losenges, dont es unes sont nos armes et es autres la crois de nostre Ordre, faites de perles noires ; et le champ sur quoy elle est assise, est de menus perles : et entre les branches de la crois a quatre bonnes perles roondes,