Le poids n'est pas marqué

ARMURE ET ÉPÉE GARNIES d'oR 555

ront bellonc, sur la chape desquelles a une fleur de lis hachié dedens un oteau. Et les clos qui tiennent les souspiez sont de telle devise et hacheure comme la chape desdictes boucles; et le mordant du tissu qui ferme lesdis espérons sont roons, esmailliés de rouge cler à une fleur de lis netement enlevée dessus : et la chape dudit mordant est quarrée, et hachie'e de deux petis lis; et entre les fermeures et ledit mordant a trois petis anelez de fil d'or tuers, dedens chascun desquels a une petite fleur de lis bien tailliée et enlevée ; et aussi depuis lesdictes fermeures en alant au couplet qui tient à l'esperon, a trois telz anelez, et fleurs de lis comme sont les trois d'auprès du mordant; sur lequel couplet a une fleur de lis hachée dedens un oteau. Et a en chascune molete desdis espérons viii pointes. Et sont les tissus desdis espérons de soye bleue. Et poise l'or '.

35 1 5. Une boucle d'or tenant en nostre cote d'acier pour fermer la courroie du bacinet, laquelle est quarrée sur le bellonc et toute plaine, sinon que elle est toute dessus hachiée à lettres où il a en pluseurs lieux : « Je le doy ». Et poise \

35 1 6. Uneespée de Bordeaux, dont le fourrel est couvert de velueau azuré, garnie d'or comme il s'ensieut. C'est assavoir sur les plas du pommel, de chascune part d'un roont esmail d'azur dedans un gros et haut souaige d'or, aune couronne d'or enlevée sur le millieu. Et le fourreau de ladicte espée est garni par le haut d'une pièce d'or assez large, qui ceint la gueule dudit fourreau, et haut et bas est garnie autour de haus souaiges ; et dessous le bas souaige fine comme en endenteure à demis fenestraiges, dont les entredeux sont menuement haichiez. Et entre les dessusdiz deux souaiges est ladicte pièce, sur la part qui se monstre, haichié à un cercle ouquel a une couronne, et dudit cercle partent de chascune partie deux branchettes entrelaciées, qui ont chascune un lis à leurs bous; et sur l'autre part a comme une couronne, de dedens laquelle partent deux grans fueilles descendans, qui se reploient sur le haut tout féru à petis poins. Et assez près de ladicte pièce d'or en a une autre, plus bas un pou, qui ceint aussi ledit forreau, laquelle est plus