Le poids manque

556 ÉPÉE GARNIE d'oR

estroitte que l'autre et comme de la devise, fors que, tant sur son haut comme sur son bas, elle est garnie d'endenteures comme à demis fenestraiges, ainsi que dessus est devisé; et à la pièce haute tiennent à sez deux costez deux anelez, et à la basse un seul à un costé. Et à l'un des anelés de la haute pièce se acouple la partie du tissu devers la boucle, à un anelet qui tient à la pièce d'or, là où est rivée ycelle partie du tissu à laquelle tient la boucle de la ceinture de Tespée, qui est haichée sur sa monstre et faicte comme à un demi fenestraige, et sur l'autre part toute plaine. Et entre ladicte pièce et la bouche sont, sur ladicte partie du tissu, rivez m clous d'or qui sont, de branchettes entrelaciées, tournées ou millieu, comme à neus sur tour de fleurettes de iiii fueilles à Jour. Et aus bous qui s'extendent et finent les dictes branchettes hors lesdiz neus, a quatre lis à chascun clou. Et la boucle est sur le longuet d'or tuers assez large sur le devant, et sur le milieu du devant d'icelle a comme un fueillaige extendu qui est à jour, sur lequel se gist la pointe de l'espinette d'icelle boucle qui est toute plaine; et la fin de ladicte boucle où entre le tissu est, sur le plat, haichiée sur sa monstre à deux lis entrelaciés et plainne d'autre part. Et aus deux anelez de l'autre part desdictes deux pièces d'or, se acouplent deux petites pièces de tissu à anelez, lesquelles sont garnies de chascun bout, ainsi comme est ladicte pièce de tissu, là où tient la bouche devers la pièce d'or d'amont. Et sur le tissu haut des deux dessusdiz sont rivez deux clous, et sur le bas trois, de la devise des dessus escrips. Et yceulz deuxpetis tissus se acouplent à un anel roont, là où se acouple semblablement le lont tissu qui fait la ceinture de l'espée, sur lequel sont rivez XXXVII doux d'or de ladicte devise ; et y a entre iceulz un rosettes d'or embouties persiées ; et le mordant est d'une pièce d'or, comme sur le tour d'une longue lozenge à jour, dedens laquelle est une couronne, et sur ses parties^de dehors sont enlevez à jour comme fueillages sur tour de crettes; et sur le bout est le plus grant; et devers le tissu est ledit mordant plat, haichié sur sa monstre à deux petis lis entrelaciés. Et le bout de là garnison d'icelle espée, appelle le corpel, est d'or garni sur le haut d'un haut souaige et dessus de demis fenestraiges; et sur sa monstre est haichié, et d'autre part pointé de la devise des pièces d'amont,

COURONNES d'or SSj

et son bout est sur le rooiit. Et puet peser l'or de la garnison de ladicte espée environ '.

3517. Ci commence la devise de nostre très riche couronne, laquelle est garnie de rubis, de balays, de saphirs, de dyamans et de perles très fins, devisées de chascune pierre et perle la couleur, l'eaue et la façon, avec les pois d'icelles particulerement, par l'ordenance qui cy après s'ensuit.

Premièrement ou milieu de la première grant euvre du grant cercle de nostredicte couronne a un très grant balay, quarré sur le lonc, très vivement et très finement alumé de très fine et très vive couleur, et a la face très nette. Et poise xlviii caras et demi. Audessus de la haute quarré, et au plus près dudit balay a deux très gros et très fins dyamans estimez peser chascun 11 caras \

Ci après s'ensuit la devise des alonges de nostredicte couronne.

Sur la première alonge ^ a ou millieu une très grosse perle longue, assise sur le roont, qui est dessus blanche et clere et sur les costez est un petit esclatée ; et poise xvii caras moins i viii«.

AUTRES COURONNES MENDRES.

35i8. Une couronne d'or dont le cercle est de x euvres de deux manières quant à l'orfaverie et de trois quant à Tassicte de la pierrerie \