O CORSET BRODÉ DE PERLES

des aigles d'amont a, sur chascune esle, une voie de perles de compte, et sont lesdis aigles deux et deux Tun contre l'autre; et ont leurs becs et piez d'orfavrerie d'or férus en estampe, et ont chascun un œil d'une pierre de voirre noir ; et entre deux desdis aigles, c'est assavoir de deux d'iceulz, ainsi comme ils sont l'une contre l'autre, a partout un neu de perles; et dessus et dessous lesdis neuz a deux treffles, chascune de trois grosses perles de compte ; et des entrelaceiz d'iceuls neuz partent de chascun quatre branches, qui ont chascune pluseurs fueilles d'espine et aucuns bous de rainceaus tournez tout de perles, et sur aucunes a plus fueilles que sur les autres ; et se tournent et ploient lesdictes branches et fueilles pour emplir etchampoier à droit la broderie. Et pluseurs desdis neuz sont tous de perles grosses de compte, et en especial sur le haut du corset ; et dedens chascun est assise une couronne d'or férue en estampe ; et à pluseurs bous des rainceaus desdictes branches de perles pendent à aucuns ancolies et aus autres pommes de pin tout d'or férus en estampe ; et sont tant ancolyes comme pommes de pin assises en aucuns lieux trois ensemble, en autres deux ensemble et en autres une seule. Et est assavoir que en l'euvre de broderie dudit corcet a perles de trois sortes : les aucunes bien grosses, qui sont de compte, et pueent peser chascune, l'une par l'autre, environ i carat, mais bonnement ne se pueent nombrer, les autres assés grosses et les autres mains grosses, toutes bonnes, blanches et fines, oultre aucunes menues perles qui sont sur le bas des fueilles; et pueent peser, en somme toute, toutes lesdictes perles qui y sont, tant de compte comme de moiennes et autres, environ xxxvi mars. Et sont en nombre sur ledit corcet, ii'^ lxxvhi aigles et environ cxl neus avec leurs branches et fueilles dessus devisées et avec les treffles de trois perles qui y tiennent ; et avec ce y sont partout environ CXL couronnes d'or, vi^x xii ancolies et ix^^ un pommes de pin d'or, qui poisent ensemble, avec les pies et becs des aigles dessusdis environ iiii mars v onces un deniers d'or. Et pour mettre dessous ledit corset y a menches de pareil veluiau, et brodées de la devise et de semblables et aussi bonnes perles comme ledit corset, tant comme il en pert ; mais l'ouvraige qui y est, tant de broderie de perles comme d'orfavrerie, est plus

CORSET BRODÉ DE PERLES 6oi

petit. Et sur lesdictes deux menches a xxx aigles et xvi neuz avec leurs treffles et branches et fueilles de perles; et de perles de compte y sont environ xv^ x perles dont les vii^ et x, qui sont les plus grosses, sont extimées peser chascune, l'une par l'autre, I carat et demi, et les viii^ qui ne sont si grosses chascune, l'une par l'autre, i carat ; et d'autres de toutes sortes y puet avoir environ ii mars m onces. Et ainsi de toutes ensemble, tant de compte comme d'autres, y a environ iiii mars de perles. Et ainsi sont partout, tant sur ledit corset comme sur lesdictes menches, de toutes perles, tant de compte nombrées et à nombrer comme d'autres, environ xl mars. Et oultre sont sur icelles menches xvi couronnes, xvi ancolies et xxii pommes de pin d'or, qui poisent ensemble, avec les becs et piez d'aigle qui y sont et avec le til d'or trait qui y est, dont la broderie de perles se tient et afferme sur les esles des aigles desdictes menches tant seulement, environ i oncexxii deniers obole. Et ainsi appert que toutes les couronnes, ancolies et pommes de pin d'or dessus nombrées qui sont sur ledit corset et sur lesdictes menches, avec les becs et les piez de tous lesdis aigles de perles qui y sont, pueent peser environ iiii mars vu onces ii deniers et obole d'or. 3591. Un autre corset court, de veluiau sommaquin ' sur le roze, brodé à ancolies de perles; et les perles des bas fueillages sont plus menues que celles des haus; et sur les bous d'amont a aucunes perles plus grosses des autres. Et entre les fueillages desdictes ancolies a fils d'or trait en tuers, qui soustiennent et afferment l'euvre : et partout sont sur ledit corset environ iiii'^ Liiii ancolies. Et pour mettre dessous ledit corset y a menches d'escallate vermeille, brodées, ce qui en pert, de ladicte devise ; et sur icelles a lxii pareilles ancolies, et sont lesdictes ancolies, tant du corcet comme des menches dessusdictes, de trois sortes. Et ainsi y a partout v^ xvi ancolies de ladicte devise,

I. Mon obligeant collègue M. Blochet a bien voulu me signaler qu'il faut entendre ce mot au sens de rouge; le fruit du sumac (ou sommac d'après un texte donné par Littré dans son Dictionnaire de la langue française) est en effet d'un rouge éclatant. V. R. Dozy, Supplément aux dictionnaires arabes, t. I, p. 686. Cf. Littré, Dictionnaire de la langue française, Supplément, Dictionnaire étymologique de tous les mots d'origine orientale, par Marcel Devic, p. 64 B,