CORSET BRODÉ DE PERLES ET GARNITURE DE BOUTONS

esquelles, de toutes perles, puet avoir en somme environ xv mars ; et es fils d'or trait qui y sont, puet avoir d'or environ viii mars.

3592. Un autre corset court d'escarlate mourée, brodé à grandes fueilles d'espine bien espessement, dont les tiges passent parmi couronnes tout de perles. Et sur les fins et coustures dudit corcet y a aucunes couronnes, esquelles perent tiges d'espine et aucuns fueillages d'espine seuls qui y sont, pour champoier à droit la broderie ; et sont lesdictes fueilles d'espine et couronnes de trois sortes de perles ; les plus menues sur la plus basse euvre, les moiennes sur le milieu des fueillages et les plus grosses sur les fleurons des couronnes, là où en a trois treffles en chascune et deux entre iceuls fleurons. Et en tout sont sur ledit corcet environ iin^ fueilles d'espine à tiges couronnées et entières, environ xxxv fueillages sans couronnes et xix couronnes sanz fueilles. Et pour mettre dessous ledit corcet y a menches brodées, ce qui en pert, de ladicte devise, sur lesquelles a environ XLvi tant fueilles entières à tiges et couronnés comme non entières, environ v fueillages sans couronnes et vi couronnes sans fueilles. Et ainsi appert que partout sont sur ledit corcet et sur les menches environ iiii^ xlvi fueilles entières et couronnées de ladicte devise, xl fueilles sanz couronnes et xxv couronnes sanz fueilles. En quoy puet avoir de toutes perles, en somme toute, environ xviii mars.