BOUTONNEURES DE CORCEZ DE BRODERIE ETA PERLES

3593. Une boutonneure à corcet court, de xiiii cerfs assés grans, qui se monstrent à demis corps, tous couvers de perles de once ataichiées sur une pièce comme de fil assamblé qui soustient l'euvre, laquelle est fourrée dedens de sendail noir; et sur lesdictes perles de once sont semées et ataichiées assés à loing l'une de l'autre, tant sur les testes et les jambes desdis cerfs comme sur leurs corps, pluseurs perles de compte assés roondes et plus sur les uns que sur les autres ; et sur le corps de chascun cerf, l'un par l'autre, en a environ lxi, et les pies desdis cerfs sont de fueillc d'or et a chascun cerf 11 yex de voirrc vermeil en chaastons ; et d'entre ses oreilles, sur le haut de sa

GARNITURES DE BOUTONS 6o?

teste, partent de chascun deux cornez d'or assés longuez dont la dextre a vi corns et le senestre v ; et sur le bout de chascun est rivée une perllede la grosseur de celles qui sont semées comme dessus est devisé : et ainsi sont xi perles sur les cornes de chascun cerf. Et sur le plat de chascun cerf sont atachiées à fil deux petites pièces d'or quarrées, l'une près de la gorge et l'autre près de la queue; et sur la pièce, qui est vers la gorge du cerf, tient une longue espinete à charnière et sur l'autre pièce se ferme à un crochet d'or près de la pointe, pour attachier au corcet. Et sur les xini cerfs dessusdis sont partout environ mil et VIII perles de compte, qui pueent peser chascune, l'une par l'autre, environ m quars de caras, et de perles de once y a bien environ ii mars et demi. Etpoise en tout ladicte boutonneure, perles, or et la garnison sur quoy l'euvre se tient, iiii mars une once xixesterlins.

3594. Une autre boutonneure à corcet court, de xix papeillons, dont chascun a quatre esles couvertes de perles menues de once sur le bas; et sur les hors haus de chascune esle a une voie de perles grossetes, qui sont sur le roont le plus ; et dessus les petites perles en sont aucunes de compte plus grosses que nulles des autres, serrées assez près l'une de l'autre; et sur chascun papeillon en puet avoir xxiiii ou environ, l'un par l'autre. Les corps des papeillons sont dessus de fil d"or et de soie vermeille et noire, et a chascun deux yex de deux petites roondes pierres noires, et quatre jambes d'or reploiées et fourchiées aus bous, c'est assavoir deux haut et deux bas ; et a oultre chascun d'iceuls papeillons barbe de deux fils d'or retournez sur les bous à crossette, et au bout de sa queue deux pointes de fil d'or qui se lievent amont. Et sur le dedens de la garnison qui soustient l'euvre des perles et les corps des papeillons, qui est fourré de sendail noir, sont en chascun cousues à fil deux petites pièces quarrées d'or : et sur l'une se tient une espinete à charnière, et sur l'autre a un crochet d'or, là où le bout de l'espinete se ferme à atachier le papeillon qui fait bouton au corcet. Et sur les dessusdis xix papeillons sont environ partout iiii^' lx perles de compte, qui pueent peser chascune, l'une par l'autre, i carat et un quart ; et des perles moyennes, qui sont sur les bors des esles, y a environ