Inventaire de l'orfèvrerie et des joyaux de Louis I, duc d'Anjou

335. Un reliquiaire d'argent doré, dont l'entablement est haut, soustenu de six lions et cizellé par les hors à feuillages et diverses bestes ; sur ledit entablement a devant deux petis angres à genoux qui tiennent chascun un chandelier, et derrière yceuls en a deux autres drois plus grans qui tiennent à une main chascun un reliquiaire de cristal lonc, garni d'argent doré; et est ledit reliquiaire porté d'un piller de belle maçonnerie à fenestrages esmailliez d'azur, à compas et oteaus et à petis piliers à pinacles et autres ouvrages. Et dessus le pinacle du reliquiaire a fenestrages cizellez, et dessus a un couronneys à fenestrages à jour sur lequel siéent comme trois clochiers de maçonnerie, dont les deux des bous sont petis : et en chascun a trois fenestres esmaillées d'azur; et cellui du millieu est plus grantet se assemble aus deux autres par deux arches à fenestrages à jour et à clochiers dessus ; et ou plus grant clochier a fenestrages esmailliez d'azur, l'un devant, l'autre derrière : et sur le haut a une crois esbochiée en laquelle est Nostre Seigneur; et sur deux branches aus costez est Nostre Dame et saint Jehan. Et poise en tout xxvii mars une once xii deniers.

336. Un reliquiaire petit d'argent doré, dont le pié est à VI pointes où il a petis rondeaux sur chascune et compas enlevez et enfossez par dedens le pié ; et y a reliques dedens du sépulcre Nostre Dame, de ses vestemens, de saint Jehan Baptiste, de saint Père et saint Pol apostres. Et du milieu part un piller hachié, et dessus une pommette ronde de cristail creuse où il a des reliques et escripteaux liez de qui y sont. Et dessus la pommette a un haut clochier haichié à fenestraiges, et dessus une croix où est le crucefix. Et poise en tout vi onces xiiii estellins.

337. Un reliquiaire d'argent doré assis sur un entablement bellonc que soustiennent quatre lions, et devant et derrière est esmaillié d'azur à angres Jouans de divers instrumens; et sur les deux bous de l'entablement a deux angres à elles esmailliés, tenans sur leurs bras chascun un reliquiaire de cristal ; et derrière lesdis deux angres a deux piliers qui apuient contre le tabernacle. Ledit reliquiaire est comme d'une porte de cristal dedens laquelle a unes aumoires à xvi arches à mettre reliques, et sur ycelles est Nostre Dame à un lez gisant, et saint Joseph et la cresche où est Nostre Seigneur ; et à l'autre lez est

146 RELIQUAIRES d'aRGENT DORÉ

l'Annunciacion et y a un pot duquel yst un lis; et sur le haut est le couronnement Nostre Dame ; et sont lesdictes aumoires à ymages comme en une porte ouvrant, en laquelle a un arbre, et devant a une double porte de cristal. Ledit reliquiaire est garni autour d'argent doré à piliers et chapiteaux, et sur VI piliers a vi angres jouans de divers instrumens; et sur le haut a une crois garnie de fausse pierrerie et y a saphirs et XVI petites perles ; et ou milieu de ladicte crois a un oteau de cristal, et du pié d'icelle partent deux branches sur lesquelles sont Nostre Dame et saint Jehan. Et poise en tout xxi marc vi onces.

338. Un reliquiaire comme Agniis Dei^ estant sur un entablement comme bellonc, porté de quatre lions gisans sur leurs piez, et sont les bors à pluseurs souages ; et sur ledit entablement a un autre crénelle, et environ ycellui a esmaux asurez esquels a testes de sains, et aus quatre cornez du plus haut entablement sont en estant les quatre Ewangelistes, et sur le plat du bas entablement sont en esmaux lesdis Ewangelistes. Sur le dos de VAgnus Dei a un piller en manière d'une tour à deux estages et en ycelle tour a pluiseurs piliers et chapiteaux; et a ledit Agnus Dei un diadème à une croiz vermeille, et à son pié destre porte un penon à une croiz vermeille. Et sur le bout de ladicte tour est une crois assés large en laquelle est Nostre Seigneur crucifié, et aus deux costez, sur 11 branches, sont Nostre Dame et saint Jehan. Et es quatre bous de ladicte crois a quatre esmaux asurez, esquels sont les quatre Ewangelistes. Et poise en tout XVIII mars.

339. Un reliquiaire 'ou sépulcre, ouquelest Nostre Seigneur ressucité, et à destre de lui a un angle et àsenestre un autre qui tiennent deux reliquiaires de cristal, et aus picz a trois hommes armez dont l'un tient une mace et les deux autres tiennent deux glaives; et sur le chapitel dudit sépulcre a trois clochiers. Et poise XVII mars 11 onces.

340. Un reliquiaire d'argent doré et esmaillié ^ en manière d'une crois, estant sur un pié, semé d'esmaus à demis apostres,