RELIQUAIRES D ARGENT DORÉ I

et est fait de maçonnerie ; et par le haut a un gros tuel de cristal roont et sur le bout d'en haut est Nostre Seigneur en la crois, Nostre Dame d'un costé et saint Jehan de l'autre ; et aus deux bous dudit tuel a ii esmaux, dont en l'un est saint Pierre et en l'autre saint Pol. Et poise en tout xv mars une once xii deniers.

341. Un autre reliquiaire, fait en manière d'un tabernacle, sur l'entablement duquel, aus iiii coins, a iiii fleurs blanches de lis sur le bout; et le piler est porté de deux fleurs dorées de lis couchiées sur ledit entablement, et ledit piler est quarré sur le plat et aus deux costez a deux petites chapelles sur chascune desquelles a un petit clochier : et aus ii costez dudit tabernacle sont saint Andrieu à destre et saint Berthelemi à senestre, et porte chascun en une main un reliquiaire de cristal; et sur le reliquiaire de saint Andrieu a une crois de bihais, et sur cellui de saint Berthelemi a un coutel, et es autres mains tiennent chascun un livre. Ou millieu dudit tabernacle a un reliquiaire de cristal quarré, et audessus a une tournelle roonde de cristal, audessus de laquelle a un petit clochier sur lequel est Nostre Seigneur en la crois ; et au bas, sur ii pilliers, sont Nostre Dame d'un costé et saint Jehan de l'autre. Et poise xiii mars vi onces.

342. Un reliquiaire d'une chasse faite en manière d'un coffre quarré d'argent dorée, portée sur chascun coing de trois buefs; et environ ladicte chasse sont xii apostres entailliés, et est le couvercle doré et cizellé à vignete et crénelle, et va en montant comme la couverteure d'une maison ; et dessus a une pomme ronde dorée. Et poise en tout xii mars m onces.

343. Un reliquiaire de cristal ront ', fait en manière d'une tour, et dessus ycelle a piliers de maçonnerie qui boutent contre un clochier; et dessus le haut est Nostre Seigneur en la crois. Et siet ledit reliquiaire sur un pié semé de quatre esmaux esquelz est Nostre Seigneur et trois apostres; et entre le cristal et le pié a fenestrages de maçonnerie où il a ymages entailliez, et est par dedens esmaillié d'azur. Et poise en tout xi mars un onces.

344. Un reliquiaire d'argent doré, dont l'entablement, porté de cinq lions, est en manière de treflfle ; et sur ycellui, ou devant, a