PERLES

479. Uns tableaux de trois pièces de bois assez petites sur le quarré, acouplées à charnières, lesquelz sont couvers sur leur monstre et sur leurs bors d'argent doré; et tout le champ de leurdicte monstre, tant en bors comme en descendanz et ou dedens des tableaux est esmaillié sur la couverteure d'argent aus armes de Cécile. Et sur les quatre cantons de chascune pièce desdis tableaux sont iiii roses armoiés de barres d'argent et de gueules; et dedens la moyenne pièce desdis tableaux est Nostre Seigneur à demi corps, droit, paint comme mort sur le sépulcre, lequel a dyademe d'or tout plain, à trois bras de crois haichiez menuement, sur lesquelz a pierrerie et perles : c'est assavoir sur les deux des costez, sur chascun une grosse perle rivée sur sa face, lesquelles sont assez roondes, de bonne eaue et clere et de jaune pel, qui pevent peser chascune, l'une parmi l'autre environ vi caras; et aus costez d'icelles deux perles sont entour chascune 11 petis rubis d'Alixandre enchastonnez; et sur le croiseron haut qui est le moyen, est assis sur un chaston entre un crampons un balay longuet à haute face, lequel est percié du lonc, de couleur sur le violet et de bonne eaue et clere et sur son costé dextre a une fosse, et est glacié dedens à celi endroit, et puet peser environ xv caras; et aus costez dudit balay sont en deux petis chaasions 11 petites esmeraudes rondes. Et sur le haut dudit dyademe a une espace encavée en laquelle a escript dessus : «.Jliesus Christus », et dessous a autre escripture bien ancienne de lettres Jaunes. Et dedens la première pièce desdis tableaux qui adextrent la dessus devisiée, est painte Nostre Dame à demi corps afublée d'un manteau noir, qui tient son enfant sur son bras senestre, lequel est vestu bien anciennement. Et sont les dyademes de Nostre Dame et de sondit enfant entretenans tous d'or plain; et autour du dyademe de Nostre Seigneur sont sur le haut une grosse perle rivée sur sa face laquelle est obscure et jaune, et puet peser environ III caras et demi. Et aux deux costez dudit dyademe sont sur

TABLEAU GARNI d'aRGENT DORÉ ET DE PIERRERIES IQI

II chaastons deux petites esmeraudes, l'une sur le quarré assez clerc, et l'autre longuette obscure. Et sur le tour du dyademe de Nostre Dame a garnison de pierrerie et perles comme il s'ensuit : c'est assavoir sur les deux costez bas, sur chascun d'une esmeraude et de deux petis rubis d'Alixandre tout sur chaastons; et sur lesdis costez haut, sur chascun d'une grosse perle rivée sur sa face lesquelles sont assez roondes, de bonne eaue mais sont jaunes et un pou obscures, extimées peser chascune l'une par l'autre environ iiii caras et demi; et aux costez de chascune desdictes deux perles sont sur deux chaastons II petis rubis d'Alixandre. Et sur le haut dudit dyademe est sur un chaaston entre un crampons un lonc balay, droit sur un costé, et sur l'autre à demi roont, à haute face, de couleur sur le vyolet, fort glacié dedens, et puet peser de xvr à xvii caras; et dessus et dessous ycellui sont dedens ii chaastons ii petites esmeraudes. Et dedens la tierce pièce desdis tableaux ' qui asenestre la moyenne, est paint saint Jehan Baptiste à demi corps de couleur et vesture bien brune, à grans 'cheveux et à grant barbe, et est son dyademe d'or garni de pierrerie comme il s'ensuit : c'est assavoir sur ses costez bas à dextre d'une petite esmeraude sur le quarré et de deux petis rubis d'Alixandre d'une part et d'autre, tout sur chaastons, et à senestre d'un petit rubis grasset assez cler sur le pale, extimé peser environ m caras, et de ii petites esmeraudes à ses costez tout sur chaastons; et sur le haut, de deux costez dudit dyademe, est de chascune part une perle grosse rivée sur sa face, assez sur le roont, et de bonne eaue sur couleur Jaunette, qui pevent peser chascune, l'une par l'autre, environ iiii caras et demi : et aus costez de chascune sont deux petites esmeraudes sur chastons. Et sur le dessus d'iceli dyademe a un longuet saphir assis sur un chaaston entre un crampons, lequel a haute face et est percié du lonc et est de belle couleur sur le cler azur et de bonne eaue, extimé peser de vu à viii caras; et dessus et dessouz icelli sont sur ii chaastons ii très petis rubis d'Alixandre. Et sur le dehors est le bois desdiz tableaux garni et couvert de drap d'or blanc. Et aus pièces des ii costez d'iceulz sur le haut, tiennent deux anelez d'argent dorez à les pendre et ataichier. Et puet peser l'or des dyademes dessus devisez, qui sont en