TABLEAU GARNI D ARGENT

yceulx tableaux, de vu onces à i marc d'or. Et lesdiz tableaux en tout, tant en pierrerie et perles, comme en or et argent, esmail, painture, drap d'or, bois et autres choses, poisent IX mars v onces xviii esterlins et demi.

TABLEAUX GARNIS D ARGENT A YMAIGES EMBOUTIEES.

480. Un grant tableau de bois sur le quarré, garni d'argent doré autour et sur le haut, comme il s'ensuit après. Et est sur le milieu dudit tableau paincte une ymaige de Nostre Dame à demi corps, qui tient son enfant sur son bras senestre. Les bors dudit tableau sur le devant sont hauciez tout autour et couvers de plates pièces d'argent doré, toutes férues en estampe et ouvrées par quartiers à lettres anciennes dedens encavées et à ymaiges emboutis, dont les quartiers sont garnis de souaiges en tuers tout autour; et sur les descendans devers le tableau y a viez fueillaiges emboutis, et sur le dehors des bors dudit tableau sont lesdictes pièces d'argent rivées à cloues d'argent doré et y sont toutes plainnes et finent comme sur le milieu d'iceulz bors. Et les ymaiges de dessus yceulz bors sont en nombre xv : c'est assavoir sur le bort d'amont quarre {sic) ' et sur le bas v comme apostres à demis corps, et sur les bors des costez en a vi, trois de chascune part, qui sont tous entiers. Et sur le haut est l'Annunciacion Nostre Seigneur, sur les milieux sont deux roix sains, et sur le bas deux apostres. Et sur le milieu du haut bort droit, dessus la teste Nostre Dame est comme un autel à un orillier couvert d'un drap, sur lequel est une croix de très ancienne façon et lettres d'un costé et d'autre. Tout le plat dudit tableau est sur le haut, à l'environ des testes et espaules de Nostre Seigneur et de Nostre Dame, couvert d'argent qui est tout ouvré à cercles et branches et divers fueillaiges emboutis de bien ancienne façon; et sur les deux parties hautes sont en deux osteaus deux demis angles haut emboutis, dessous lesquelz a deux petis osteaux à diverses lettres; et dessous chascun d'iceulz a une voye de lettres très