C'est le n» 272 de l'Inventaire publié par M. de Laborde

2. Le texte de M. de Laborde ajoute ici les mots : « à fueillages. »

RELIQUAIRES d'aRGENT DORÉ l5l

grenetez à petis archez renversez, en quoy est enchacée un vaissel de cristal assés long, garni par amont d'autels souages comme il est par dessous. Dedens lequel vaissel a deux petis angelos à genous qui tiennent en leur main un demi ront à mettre Corpus Domini; lequel vaissel est revestu de vi pilliers quarrez, vuidiez et bien netement ouvrez, qui se appuient par petis archez boutans contre le bort d'icellui ; et est le couvercle dudit tabernacle de cristal, garni en manière d'un clochier de XII pilliers de maçonnerie bien ouvrez à petis archez boutans que grans que petis, entre lesquels il a vi ymages d'apostres, dont les uns tiennent en leurs mains leurs livres et les autres roleaus, assis sur petis piliers cours ; et dessus chascun ymage a un chapiteau de maçonnerie, et derrière lesdis ymages a envoirremens d'asur, de vert et de pourpre; et le corps dudit clochier est de vi fenestrages Ions de maçonnerie, envoirrez comme les dessusdis; et l'aguile d'icellui est hachée en manière de pierres de taille à vi quarrés grenetez contremont, sur laquelle aguille il y a un crucefix et Nostre Dame et saint Jehan aus costez. Et poise en tout xx marsvi onces.

353. Un reliquiaire d'argent doré à une grant rondele de cristal, garni de maçonnerie et de archez bouterez en quoi elle est assise; et autour, des deux costez de ladicte rondele aune bordeure à jour faicte en manière de ondes; et sur le haut de ladicte virole a une manière de clochier sur quoi est une petite crois de cristal sans crucefix, et aus deux costez dudit clochier a deux petites banieres; et est l'entablement dudit reliquiaire bellonc à vi quarrés, hachié de grans fueilles que quatre pâtes portent. Et poise m mars v onces.

354. Un reliquiaire d'argent doré, dont l'entablement est quarré sur le lonc, porté de quatre pâtes, ouquel a tout plain de maçonnerie fais en manière de fenestrages, dedens lesquels sont esmailliés saint Jehan, saint Pierre, saint Pol et saint Jehan l'Ewangeliste; et entre deux pilliers est un cristal garni de maçonnerie où est un demi croissant pour mettre Corpus Domini; et sur le haut de ladicte maçonnerie est une crois de cristal garnie d'argent où est le crucefix, et aus costez, sur deux branches, Nostre Dame et saint Jehan. Et poise m mars un onces xv esterlins.

l52 RELIQUAIRES d'aRGEXT DORÉ

355. Un autre reliquiaire d'argent doré, dont l'entablement est quarré, hachié de rainceaus de lis, porté de quatre lions; sur lequel entablement a deux piliers à deux arches bouterés, entre lesquels a un piller de maçonnerie sur le quarré, à deux salies par les costez, et dedens les fenestrages dudit pié a esmaus d'asur où sont deux rosiers. Et dessus ledit pillier a un cristal bellonc garni de maçonnerie où sont deux tournelles, et sur la couverture desquelles sont deux banieres verdes à roses bleues et yndes. Et sur la fin dudit tabernacle, qui est fait en manière d'une tour couronnée au costé de laquelle sont deux panons de la devise des banieres, est le crucefix et Nostre Dame et saint Jehan. Et poise v mars v onces xii estellins et obole.

356. Un reliquiaire d'argent doré, dont l'entablement est assés large sur tour comme de rose, soustenu de quatre lions qui sont sur petis entablemens, et autour est garni de pluseurs souages, dont l'un est à flouretes férues ; et sur le plat a en quatre esmaux roons et haus trois escuçons des armes de la duchesse. Et du millieu part un pillier de maçonnerie du tour d'un clochier à pluiseurs pilliers bouterés et à pluseurs chapiteaus de maçonnerie, entre lesquels a pluseurs fenestrages esmailliez, dont les vi plus grans sont les trois à nos armes et les autres trois à la crois de nostre Ordre. Ledit pillier est couronné sur le haut'à creneaus, et du dedens d'icellui couronnement partent comme deux demies arches getans dehors, qui sont garnies d'alerons hachiez à un fueillage double chascun; et entre icelles demies arches a d'un lez et d'autre envoirremens à un oteau esmaillié d'une rose de couleur d'une pourpre; et sur lesdictes demies arches siet un reliquiaire de cristal assés grosset, du tour d'un tonnel, garni aus deux bous de deux pingnons comme de chapelle à pilliers et espys de maçonnerie, entre lesquels, sur le bas, a deux esmaus roons assés haus et effaciez, en l'un desquels est Nostre Seigneur assis comme en son throne et en l'autre Nostre Dame qui tient son enfant sur son giron, lequel se puet lever à charnières pour mettre reliques en cristal qui est garni de pluseurs bendes et souages pour le tenir ferme. Et sur le millieu dudit reliquiaire siet un clochier de maçonnerie à pluseurs piliers bouterés et chapiteaus, entre lesquels a fenestrages esmaillics, et en quatre qui sont sur le bas sont quatre apostres,

RELIQUAIRES d'aRGENT DORÉ l53

ei les autres sont plains de vert et d'asur; et est ledit clocliier appuie de deux arches qui partent desdis pingnons ouvrez à demis fenestrages à jour renversez, et sur le bout dudit clochier est Nostre Seigneur en crois. Et poise en tout xv mars X estellins.

357. Un autre reliquiaire d'argent doré, dont l'entablement est comme de tour d'un fueillage à quatre fueilles pointues et à quatre petites roondes entre ycelles; et est garni autour de pluseurs souages entre lesquels en a un à croisettes férues, et sur le plat est hachié vers les bors tout autour à demis fenestrages et à fueilles. Et du millieu part un piller de façon d'un clochier de maçonnerie à pluseurs piliers et chapiteaus entre lesquels a fenestrages esmailliés de vert et d'asur, et dessous a VI oteaus à envoirremens esmailliez pareillement; et d'entre le couronnement dudit piler part une jambe qui soustient le reliquiaire, lequel est du tour d'une fierté à deux pignons de maçonnerie hachiez sur le plat, en l'un desquelz est Nostre Dame assise tenant son enfant sur son giron et un rosier en sa main, et en l'autre est Nostre Seigneur assis sur son throne ; et sur le devant et le derrière est ledit tabernacle de cristal enchassié en argent de tous lez et couronné dessus à creneaus; et sur les costez a quatre fenestrages de maçonnerie dedens lesquels sont quatre sains enlevez. Et le dessus qui queuvre ledit tabernacle se monte à quatre pointes, et sur les costez a hautes fueilles enlevées, et sur le plat est hachié, et d'une part est Nostre Seigneur droit en son sépulcre et d'autre part sa Resurreccion, et sur les lez sont deux angles, et sur le bout dudit reliquiaire siet une crois hachiée de quatre croiserons entre lesquels a un cristal roont et plat enchacié en argent pour mettre Corpus Christi. Et poise en tout xiii mars 11 onces.

358. Un autre reliquiaire d'argent doré, dont le pié est de VI fueillages, trois agus et trois petis roons, tourné en manière de tréfile garni autour de pluseurs souages entre lesquels en a un féru à croisettes; et sur le plat est hachié à fenestrages et à aucuns fueillages reploiés et autres. Et du millieu part un pillier de maçonnerie à pluseurs piliers bouterés et chapiteaus et espis, entre lesquels a trois fenestrages esmailliés d'azur, devant lesquels sont trois apostres enlevez; et entre lesdiz fenestrages a

I 54 RELIQUAIRES d'aRGENT DORÉ

archieres esmailliées de vert, et de dessus part une jambe entre lesdis chapiteaus, estroitte sur le millieu et couronnée à créneaux, laquelle porte le reliquiaire qui est de cristal roont sur façon d'un tonnelet court assis sur le fons, lequel est paré autour de trois beaus fenestrages de maçonnerie à jour saillans sur le dehors à doubles chapiteaus; et a une tournelle dessus couronnée auprès de la couverture, qui est esmaillié de vert et garnie de deux garites levées, laquelle siet en un autre couronnement là où a III tourelles petites roondes. Et dessus est ledit reliquiaire couronné autour d'une orbevoie d'oteaus à jour à fleurons dessus qui font manière de couronne ; et dedens ledit couronnement a comme un clochier à vi fenestrages de maçonnerie enlevez et esmailliés dedens, là où sont les ymages de saint Jehan Baptiste, de saint Pierre, saint Pol, saint Andrieu et

II autres apostres. Et autour de la couverture du clochier, qui est à vi quarrés esmaillés d'azur à escailles en orbeur. a un couronnement de creneaus; et sur les costés a vi tournelles saillans couronnées dessus et esmailliées d'asur. Et sur le bout dudit clochier est Nostre Seigneur en crois et aus costez de lui Nostre Dame et saint Jehan. Et poise en tout xii mars v onces X estellins.

359. Un autre reliquiaire d'argent doré, dont le pié est bien pâté tourné en manière de crois et garni autour de pluiseurs souages là où en a un greneté; et sur le plat est hachié à vingnete et à autres divers feuillages assés grans parians du haut; et du millieu part un pillier quarré garni par le bas d'un souaige greneté, ou milieu duquel pillier a un gros pommel à quatre quarrés, sur chascune desquelles a en une losenge un esmail d'azur et dedens un escu des armes des Trousseaus, et sur les pointes dudit pommel a viii fueilles d'cspine, quatre dessus et quatre dessous. Oudit piller, dessuz icellui pommel a une reprinse d'un haut souage dont partent quatre fueilles de chesne qui se lient à l'eslargissement du piller en haut, sur lequel siet une chapelle croisée, soustenue de viii lionceaus et garnie autour de pluseurs souages des pingnons dehors à aucuns boutons roons ; et aus costez d'iceuls pingnons a doubles piliers bouterés de maçonnerie à haus espis et sur le chapitel de chascun a un autre espy, et sont lesdis pingnons à deux fenestrages doubles à

RELIQUAIRES d'aRGENT DORÉ I 55

jour en chascun, et a oteaus dessus ; et l'un s'eneuvre à charnières pour mettre reliques dedens. Et es costez de la nef de la chapelle a de chascune part doubles fenestrages à jour à trois fenestres chascun, et a oteaus dessus; et au bas de la couverture la chapelle est crenellée, et sur le feste a fueilles d'espine enlevées ; et sur la crois de ladicte chapelle a un clochier de maçonnerie à pilliers, et a quatre fenestrages à jour chascun de trois fenestres et à oteaus dessus et chapiteaus enlevez sur le haut, et sur le bout du clochier a un espy de un fueilles et un bouton dessus. Et poise en tout x mars v onces x esterlins.

36o. Un reliquiaire d'argent doiéjldont le pié, qui est soustenu de quatre lionceaus gisans sur petis entablemens, est fait au tour de compas et garni autour de pluseurs souages, entre lesquels en aun féru à croisetes ; et sur le plat est ledit pie hachié à un compas, ouquel a quatre branches descendans, à fueillages pointus doubles et deux fleur de lis et deux lis sur leur droit. Et du millieu part un piller garni d'un gros souage trenchant, sur lequel sont assis quatre fenestrages à piliers bouterés et chapiteaus de maçonnerie avec leurs espis à jour, lesquels fenestrages sont esmailliés et es esmaus sont saint Père, saint Pol, saint Jehan l'Ewangeliste et saint Berthelemieu ; et dessus lesdis chapiteaus, sur le dedens, a fenestrages d'envoirremens esmailliez de vert et d'asur, qui sont couronnez dessus à creneaus. Et d'entre ledit couronnement partent deux demis archez tournés sur le dehors et parez de demis oteaus saillans dessous ; et sont iceuls arches garnis autour de pluiseurs souages là où en a un féru à croizetes ; et entre iceuls, d'un lés et d'autre, a un envoirrementd'un triangle à trois fueilles en manière d'oteau esmaillié, d'une part d'asur et de l'autre de vert ; et entre lesdis arches, sur le haut, est assis un reliquiaire de cristal roont, du tour d'un gobelet, archié, enchacié et garni autour de souaiges férus à croisetes. Aus bous dudit reliquiaire a comme deux pingnons à piliers et chapiteaus de maçonnerie et à fueilles enlevées dessus, sur le dehors desquels a deux haus esmaus roons garnis de pluseurs souages, et en l'un est Nostre Seigneur assis qui beneit et tient le monde et en l'autre Nostre Dame qui tient son enfant sur son giron et li présente la tetté; et ycellui esmail se euvre à charnières pour mettre reliques oudit cristal, et dessus icelli cristal du lonc siet

l56 RELIQUAIRES d'aRGENT DORÉ

comme un pingnon ouquel a un oteau à jour garni de trois œuvres; et sur les costez dudit pingnon, en montant, a fueilles d'espine reploiées dedens et sur le bout est Nostre Seigneur en crois. Et poise en tout viii mars ii onces v estellins.

36 1. Un reliquiaire d'argent doré, dont le pié est tourné en façon de compas garnis autour d'un souage féru à fleuretes, et sur ledit pié siet un piller de maçonnerie à pluseurs piliers et chapiteaus, entre lesquels a vi fenestrages esmailliés d'asur à branches d'espines et d'autres arbres avec leurs fueilles de diverses couleurs ; et le haut dudit piller qui se estroissist entre le haut desdis chapiteaus est à piliers et à vi fenestrages hachiés dedens, et sur le haut est couronné à creneaus ; et dedens icelui couronnement partent deux demis archez tournez sur le dehors, entre lesquels a un oteau de trois fueillages à jour, lesquels demis archies soustiennent le reliquiaire qui est roont et couchié sur le lonc, aus bous duquel a comme deux pingnons de chapelle à piliers et fueillages enlevez, et sur chascun d'iceuls, ou dehors, sont en un haut esmail roont les armes de la duchesse, et Tun des esmaus se lieve à charnières à mettre reliques ou cristal; et dessus icellui cristal du lonc siet comme le feste d'un pingnon, ouquel a un oteau à jour qui a une rose ou millieu, et est environné de ii autres oieaus à triangle et sur les costez dudit pingnon en montant a fueilles d'espine reploiées dedens, et sur bout a un pommel sur lequel siet une crois là où pent Nostre Seigneur. Et poise en tout v mars une once X estellins.

302. Un petit reliquiaire d'argent doré dont, l'entablement est hautelet et lonc, de façon d'un chasselievre et soustenu de quatre lions assis, et autour cisellé à losenges esquelles a roses. Et sur le millieu dudit entablement a sur un petit entablement garni autour, comme un portail d'un tour quarrée à quatre pilliers, qui est crénelée sur le haut à quatre tournelles et la couverture esmailliée d'asur; et la porte, d'une part et d'autre, est esmailliée et en l'une est saint Pierre et en l'autre saint Paul ; et ledit portail est apuié aus costez de deux tournelles sur le plus du demi roont crénelées dessus ; de dedens desquelles partent deux pilliers à feste et à fenestres orbres qui joingnent audit portail; et ledit portail est dessous une arche faicte de deux piliers de maçonnerie

RELIQUAIRES d'aRGENT DORÉ I Sy

à pluseurs pilliers bouterés et à fenestrages à jour dessous chapiteaus, et ladicte arche se assemble sur le haut dudit portail ouvrée dessus en manière de couverture, et sur les costez d'icelle arche a deux piliers quarrez sur lesquels sont deux angles dont l'un joue du psalterion et l'autre de la guiterne. Et dessus ladicte arche siet un couronnement de creneaus enlevez, dedens lequel siet un reliquiaire de cristal comme quarré sur le plat, garni aus costez de quatre piliers bouterez et entour le cristal d'un souage féru à croisetes, et sur le derrière il est clos d'argent hachié à un arbre de quatre branches ploiées; et dessus est couronné à creneaus et à quatre tournelles roondes sur le dehors, et sur icellui couronnement a comme une tour plate garnie aus costez de deux pilliers à feste et à fenestres orbres, et sur le plat est hachiée d'une part et d'autre à une rose, et dessus a trois petis fenestrages esmailliez, et la couverture en est aussi esmailliée d'asur couronnée de creneaus autour; et sur le bout a une crois en laquelle peut Nostre Seigneur, et sur deux branches partans du pié de la crois sont Nostre Dame et saint Jehan. Et poise en tout V mars ii onces.

363. Un petit reliquiaire d'argent doré, dont le pié est à vi costes, fait en manere de compas, garni autour d'un souage féru à croisetes. Et du millieu dudit pié part un pillier à vi quarrés, garni dessus et dessous de deux gros souages en manière de reprinses d'euvre ; et ou millieu d'icellui a un pommel à costes, garni autour d'un souage féru à croizetes; et sur ledit pillier siet un reliquiaire de cristal en manière du haut d'une tour acosté de VI pilliers et garni autour du bas et du haut de souages pareuls des dessusdis. Et le dessus est d'argent doré en aguisant amont comme couvercle, et garni de vi crettes à fueillages montans, et sur le bout a un cristal roont et plat à mettre Corpus Christi, qui est garni autour d'argent et de fueillages enlevez; et sur un pommel qui est sur le bout garni de fueillages, et un autre mendre à costes qui siet sur icelli, est Nostre Seigneur en crois. Et poise en tout un mars une once x estellins.

364. Unautre petit reliquiaire d'argent doré, dont l'entablement est quarré sur le lonc, soustenu de quatre pâtes de chien et hachié dessus à fueilles et fenestrages; et de ycellui partent quatre piliers bouterés à deux arches à jour chascun. Et a espis

l58 RELIQUAIRES d'aRGENT DORÉ

hauls dessus qui apuieut comme un fenestrage qui fait piller esmaillié sur le devant; et en Tesmail est une ymage de sainte Katherine, et sur le derrier a un lis hachié. Et sur ycellui piller siet un reliquiaire de cristal roont sur le devant, et sur le derrière fait comme à une porte, enchâssé en argent et paré autour comme d'annelez levez à jour : et sur deux qui sont au haut, plus grans des autres, est Nostre Seigneur en croix. Et poise en tout I marc vi onces xv estellins.

365. Un reliquiaire d'argent doré, fait d'un pot garni de pluseurs souages grenetez par le pié, par le corps, le col, la gueule et le couvercle, dont le corps est sur le roont à vi loyeures montans qui sont comme souages grenetez ; et le col est à VI quarrés et ou millieu a un haut souage tuers. Et du bas du col partent comme deux branches quarrées, grenetées sur le dehors et ploiées, qui se façonnent sur les bous comme d'entablemens petis; et sur chascune a deux angles drois qui tendent les mains à la gueule du pot, sur le couvercle duquel a un fretel d'une fleur de lis à v fleurons en crois : et se euvre ledit pot par quartiers du lonc, et ou dedens de chascun quartier a archettes à mettre reliques. Et poise en tout ii mars vu onces x estellins.

366. Un reliquiaire ' d'argent doré, en quoy est saint Pierre et saint Paul, et tient saint Pierre en sa main dextre un reliquiaire sur lequel il a une clef et en l'autre main un livre, et saint Paul tient en la main destre une espée et en l'autre un reliquiaire sur le quarré. Et est l'entablement dudit reliquiaire assez lont et quarré et en estressant par les boutz est vuide; et en sont les souaiges tout entour feruz de croizettes, et est porté ledit entablement de quatre buterneaux. Et entre saint Pierre et saint Paul a un assez grosset piller de maçonnerie à doubles fourmes et chapiteaulz, dedens lesquelles fourmes a envoirremens d'azur et de vert; sur lequel piller est troussé un arc de maçonnerie revestus de deux piliers par les coustez et portent sur ledit entablement; sur lequel arc est une pièce de cristal à mettre reliques, garnie aux deux boutz de pinacles de maçonnerie.

I. Cet article est d'une main dirt'érente de celle qui a inscrit les autres descriptions.

IMAGES DE NOTRE SEIGNEUR EN ARGENT DORÉ ï5g

Et sur ledit cristal a un autre arc qui tient un autre pié de maçonnerie, qui est de tel ouvraige et d'autelx envoirremens comme celui qui est entre saint Pierre et saint Paul. Et sur l'achievement dudit piller est Nostre Seigneur en la croix et Nostre Dame et saint Jehan aux deux costez. Et poise ix mars V onces vu estellins et demi.