YMAGES DE NOSTRE SEIGNEUR D ARGENT DORES

367. Une ymage de Nostre Seigneur grande, d'argent doré, et est Nostre Seigneur en estant sur un haut etgrant entablement de maçonnerie, et est à tout ses plaies, couronné d'une couronne d'espines et tient à une main sa crois et à l'autre un reliquiaire sur lequel a une petite crois; et sont garnis lesdis reliquiaires et crois et son dyademe et les hors de son mantel de doublez rouges, azurez et autres de fausse pierrerie, et de perles d'Escoce oudit reliquiaire, et la couronne de deux faux dyamans. Et entour l'image a deux angres grans, dont l'un tient trois clos et l'esponge et l'autre la lance et l'escourgieux. Et poise en tout lxv mars vi onces 11 estellins et maille.

368. Une ymage de Nostre Seigneur assis en une chaiere ' estant sur un entablement esmaillié tout autour à demis apostres, et ou front devant à deux bocetes de cristal pour mettre reliques ; et est porté ycelui entablement de quatre ^ lions gisans, et tient Nostre Seigneur un livre en sa main et de l'autre main donne la beneiçon ^ à Nostre Dame qui est emprès lui assise sur un semblable entablement : et sur sa teste a une couronne à fausse pierrerie. Et poise en tout xxiii mars vu onces.

369. Une ymage de Nostre Seigneur ^ estant sur un entablement à six quarrés garni de pluseurs souages ; et en