MITRES ET CROSSES

MITTRES D ARGENT DONT LE CHAMP EST DE PERLES ET PAR DESSUS GARNIES d'oRFAVERIE ET DE PIERRERIE.

481 . Une mittre dont le champ est tout de perles, et est le cercle de entour la mittre d'orfaverie d'argent doré, garnie de saphirs, grenas et perles et semblable est le cercle qui va au lonc contre le bout de ladicte mittre devant et derrière. Et ou front devant, et semblablement derrière, a deux grans esmaus de plitre et autres petis esmaus garnis de petis saphirs, grenas et perles. Et parmi le champ de ladicte mittre sont semez pluseurs petis esmaus fais en manière de treffle, esquels il a petis saphirs et grenas. Et sur les deux bous de la mittre en haut a deux saphirs. Et les deux fanons de derrière ont le champ de perles et sont semez de petis esmaus comme la mittre, et a ses perpendicles toutes plaines.

482. Une autre mittre legiere pour prélat, de camocas blanc brodée à ymages. Et sur le devant est Nostre Dame en estant et saint Pierre d'un costé et saint Pol de l'autre, et sur le bort a V demis apostres, et sur le haut est Nostre Seigneur crucefié et Nostre Dame et saint Jehan auprès de lui : et sont leurs dyademes et les hors des nues ouvrez à perles menues. Et sur le derrière est l'Ancienne Loy, Moyses à genous d'un costé et Abraham de l'autre, et sur le haut est Nostre Seigneur en un arbre. Et sur le bout de la pointe a deux cristaux asurez. Et sur l'un des fanons est Nostre Dame en estant, et sur l'autre est un evesque à genous; et a chascun v perpendicles.

CROCES D ARGENT ESMAILLEES ET DOREES.

483. Une croce d'argent dorée et esmailliée, sur le dos du croçon de laquelle a xviii fueilles ; sur le plat, d'un costé a VII pièces semées de saphirs et de grenas et vi esmaus de plitre, et est l'autre costé pareil. Ou bout du croçon est le couronnement Nostre Dame, et y sont Nostre Seigneur et Nostre Dame assis l'un emprès l'autre, et dessous les soustient

CALICES d'argent ig5

un angre à deux mains; et dessous a un chastel de très grant maçonnerie a viii clochiers à grans fenestrages, et ou bas dudit chastel a quatre sains en estant qui tiennent chascun un livre en la main ; et entre lesdis sains a fenestrages dont les uns sont murez et les autres creus; et siet ledit chastel sur un pié de fueillages entailliés à vi quarrés, et est semé d'esmaus asurez et vers à pluseurs besteletes et oyseaus sauvages. Le baston de ladicte croce est ront et tout d'argent doré et esmaillié d'azur, de vert et de vermeil, et le darrenier baston est à vi quarrés et un petit pommelet ou milieu; et le bout de dessous est pointu. Et poise XXI marcs.

484. Une croce d'argent dorée, ou pli du croçon de laquelle est Nostre Dame assise sur un siège quarré et tient son enfant en son bras senestre; et devant lui est un evesque à genous qui a sa croce entre ses bras. Et est ledit croçon semé de pierrerie en VII lieux d'une part et d'autre, d'un costé à xv saphirs et xiiii grenaz et de l'autre à xv grenas etxiiii saphirs, et 11 saphirs en ont esté levez. Et oudit croçon a un angle qui à ses deux mains soustient le bout où Nostre Dame siet ; et dessous ledit croçon a un chastel de maçonnerie à pluseurs piliers menuement ouvrez, et dessous a fueillages enlevez. Et le baston de ladicte croce est de quatre pièces, toutes d'argent dorées et esmaillées par quartiers, et entrent lesdictes pièces à vis l'une dedens l'autre : et ou bout du derrain baston a un piquot de fer. Et poise en tout xx mars un onces xviii deniers.

CALICES D ARGENT ESMAILLES.

485. Un grant calice d'argent tout esmaillié', la coupe, le pommel et le pié, et la platene à pluseurs sains qui ne sont que demis et sont en oteaus. Et ou pommel dudit calice a testes esmaillées d'asur, semé de rozetes d'or. Et la platene est de celle devise, et ou milieu est Nostre Seigneur en crois, Nostre Dame d'un costé et saint Jehan d'autre. Et l'esmail est d'azur semé de rozetes d'or. Et poise en tout vi mars vi onces.