I. Lire quatre

TABLEAU GARNI d'aRGENT 193

anciennes. Les dyademes de Nostre Seigneur et deNostre Dame sont hauciez sur le roont, tous garnis et couvers d'argent doré ouvré à branches entrelaciées et à divers fueillaiges, qui est tout de très ancienne euvre et fait à jour. Et est à savoir que toute ladicte garnison d'argent d'icelli tableau y est clouée dessus à clous d'argent doré dont les testes parent. Sur les dyademes de Nostre Seigneur et de Nostre Dame sont sur chascun, entre un crampons et enchastonnez, trois balais, trois cabuçons, de pale couleur et tous glaciés, et les aucuns persiez et fort diffamez, dont ceulz du dyademe Nostre Dame sont les plus grans et pevent peser chascun, l'un par l'autre, vi caras; et ceulz du dyademe de Nostre Seigneur, qui sont les plus petis, pevent peser chascun, l'un par l'autre, environ vi caras. Et à l'environ de chascun des dessusdiz vi balays sont rivées et atachiées sur leurs faces iiii grosses pelles de assez bonne pel et de clere eaue, dont les aucunes sont assez roondes ; et ainsy y en a par tout xxiiii, mais celles du dyademe de Nostre Dame sont les meillieurs et plus grosses, et y en a de plus grosses les unes que les autres : et pevent peser chascune, l'un par l'auire, environ II caras et demi; et celles du dyademe de Nostre Seigneur, qui sont mendres et les mains roondes, pevent peser chascune, l'une par l'autre, environ ii caras. Sur le bout dudit tableau tient un annel d'argent assez grant qui est tourné et façonné comme un compas autour; et par ledit anel se ataiche ledit tableau à un clou là où on le vueilt mettre. Et puet avoir d'argent oudit tableau environ iiii mars. Et le dehors d'iceli tableau est couvert desatanin vermeil brodé à cercles roons esquelz a croix, et a compas entre yceulz et y a oultre aucunes lettres anciennes; et sur le milieu est une grande croix à trois bras de trois grandeurs, tout de fil d'or; et sur le haut sont en deux osteaux brodés de fil d'or et de soie deux demis angles. Et poise en tout ledit tableau, tant en argent comme en autre garnison avec le boiz, XIX mars m onces VII esterlins et demi. Et se met ledit tableau en un estuy de cuir garni de deux anses, d'une haute serrure et de trois loyeures comme bendes, tout d'argent blanc, qui pevent peser ensamble