AUTRES JOYAUS ET VAISSELLE D ARGENT

645. Premièrement une très grant et très noble fontaine d'argent dorée, dont le pié et l'entablement sont à vi costes; et ledit entablement est par le milieu ceint autour de losenges hachées à quatre fueilles en crois ; et dessous et dessus a pluscurs souages, et au haut est crénelle en manière d'unes brayes d'un chastel tout autour. Dessus ledit entablement siet comme un grant bacin à vi quarrés, et au bas d'icelui autour a fueillages enlevez; et en trois costez dudit bacin, là où sont petis piliers, a trois serpens qui giettent eaue par leurs gueules, sur lesquelles a comme chiens emmantelez : et en chascune quarré dudit bacin a comme une fenestre qui est de cristal, et à chascun lez a deux cscus de nos armes. Le fons dudit bacin est à terrace par dedens et ou milieu a comme une mote roonde et plate à terrace; et sur la basse terrace a vi jeunes hommes en estant qui font semblant de servir trois hommes qui sont assis sur ladicte mote, desquels les piez sont sur la basse terrace : et desdis vi hommes en y a deux qui font semblant de ferir de glaives deux serpens qui gisent sur ladicte terrace, par lesquels passe l'eaue qui giette dehors. Et a l'un desdis deux hommes une targe, et deux autres ont bazelaires ; et deux autres en y a : un s'encline devant les trois hommes qui se siéent, et l'autre est comme un mcssagier et li présente une lettre. Sur le bas de la petite terrace a trois petis chiens blans couchiés, et entre les piliers qui y sont et ladicte mote a trois connins. De dessus ladicte terrace partent trois grans arbres esmondez d'aucunes branches, et autres branches y a à fueilles comme d'espine blanche, et la branche d'en haut est toute droite fueillée autour.

FONTAINE d'argent DORÉ 219

Et sur ladicte mote a entre lesdis trois hommes trois cerfs noirs à cornes dorées. De ladicte mote partent trois piliers tuers et un gros ront ou milieu qui soustient un bacin doré dedens et dehors, fait comme à treffle de trois demis rons; et du fons dudit bacin yssent par dehors comme trois tuiaus qui entrent es piliers en tuers par lesquels passe l'eaue ; et entre yceuls a trois clefs tournans getans eaue, Et dessous le fons dudit bacin a comme un cercle ront par lequel coule l'eaue, et passe par lesdictes clefs et entre es dis piliers tuers; et ou fons dudit bacin a trois cignes sur haus entablemens. Et du milieu part comme un chastelet qui fait griffon, dont le pié est d'argent doré et le cors est de quatre piliers rons de cristal dont celui du milieu est plus gros que les autres ; et par le milieu sont liez d'une bende d'argent dorée : sur lesdis piliers n couronneis crénelle, garni autour par dehors de fueillages enlevez, et y a trois angelos qui tiennent chascun un pot dont la gueule peut aval et giete eaue; et sur ledit couronneis a quatre tourelles, et celle du milieu est la plus grande, et y a guarites et fenestres saillans : et sur lesdictes tournelles a quatre pennonceaus de nos armes, dont l'une est comme barrière. Du bas entablement et pié de ladicte fontaine partent, d'oultre les creneaus qui y sont, trois granz piliers de maçonnerie a fenestrages et en chascun, sur le devant, a sur un petit piler une ymage dont l'une est de saint Pierre, l'autre de saint Pol et l'autre de saint Andrieu ; et dessus leurs testes a tabernacles saillans, et petis piliers à jour aus costez : et dessus lesdis tabernacles a gargoules en manière de serpens, et au dessus sont les pinacles des piliers; et desdis piliers partent trois appuies qui aboutissent contre le grant tabernacle delà fontaine; et sur le haut desdis pilers a comme une tournelle ronde crenellée, dessus chascune desquelles part une reprinse comme un haut entablement : et sur l'une a une ymage de Nostre Dame vestue d'un mantel et couronnée, et porte son enfant sur son bras senestre et en la destre tient un lis; sur l'autre reprinse est saint Agnès qui porte une palme et sur la senestre un agnel doré ; et sur la tierce est sainte Katherine couronnée qui tient sa roe a la main destre et à la senestre une palme. Du fons de la basse terrace dessusdicte partent trois rondes coulompnes par lesquelles monte et avale

l'eaue et auprès du petit bacin doré en yssent trois tuiaus qui se apuient aus clez qui sont dessous ledit bacin : et n'avale point l'eaue plus bas desdictes coulompnes; et le pinacle d'icelles coulompnes est fait au haut à fueillages enlevez comme une reprinse d'euvre, et entre ycelles a trois autres reprinses pareilles qui ne sont point soustenues ; et descendent du grant tabernacle, qui dessus lesdit bacins au dedens est fait comme d'une vote a vi arches, et au haut s'assemblent à un esmail ront fait comme d'un soleil. Par dehors ledit tabernacle a pluseurs grans ouvrages de maçonnerie, de chapiteaus enlevés à oteaus à jour et à fenestrages esmailliés à jour, et entre deux a vi petis piliers de maçonnerie à pluseurs pinacles. Sur lesdis chapiteaus d'entre lesdis piliers a vi prophètes vestus à la guise ancienne, et tiennent chascun un rolet escript à prophecies : et entre yceuls a piliers à pinacles et fenestrages esmailliés ; et dessus lesdis prophètes est ledit grant tabernacle couronné autour à oteaus à jour et à autres ouvrages, et d'entre ledit couronnement par le haut dudit tabernacle qui se apuie ausdis piliers et est fait à piliers et à doubles fenestrages esmailliés et à chapiteaus garnis autour de fueillages et dessous de grans fueillages enclinans dehors, et dedens d'aucuns compas esmailliés ; et au haut a autres petis fenestrages esmailliés d'asur à petis chapiteaus à vi gargoules de testes de serpens ; et dessus ycelles a une orbevoie à jour tout autour, sur laquelle a une haute terrace enlevée et dessus un serpent volant sur lequel est saint Michiel à pié : et est vestu court et estroit ei a grans elles, et en sa main destre tient une lance dont il fiert ledit serpent parmi la gueule, et à sa main senestre tient un escu de nos armes ; sur la teste dudit saint Michiel a une crois vermeille tenant à un cercle qu'il a entour sa teste, et ou bout de sa lance a un pennon au bout duquel pent une sonnete, et a oudit pennon, d'un lez et d'autre, un escu croisié en crois de vermeille couleur. Et ladicte fontaine se deffait en pluseurs pièces. Et poise en tout iiic XL mars.

FONTAINES D ARGENT DORÉ 21 î

646. Une fontaine, que xii petis hommes portent sur leurs espaules', et dessus l'entablementdupié sontvi hommesarmezqui assaillent un chastel qui porte ladicte fontaine; et y a vi piliers a arcz bouterez qui sont apuiez contre le siège qui porte le hennap. Et ledit chastel est comme une grosse tour ronde à pluseurs tournelles, et est assis sur une haute mote vert. Et sur trois portes dudit chastel, a trois menestrelz à trompettes, et au bas, au dehors de ladicte mote a braies crenellées ; et aus creneaus du chastel, par en haut, a dames qui tiennent bastons et escus et deffendent le chastel. Et ou bout plus haut dudit chastel a un siège crénelle pour asseoir un hanap ; et le fons dudit siège est d'une terrace vert boullonnée, et ou milieu a un treillis dessus un pertuis à recevoir eaue. Sur ledit siège a un hennap esmaillié dehors et dedens par quartiers, dont les uns sont dorez et grenetez et les autres sont d'azur à arbrisseaus vers et bestes sauvages; et ou fons dudit hennap a un grant esmail ouquel a un chevalier et une dame dedens un paveillon asuré : et tient le chevalier un cuer en sa main destre et la dame tient un chaiennet. Et le couvercle dudit hennap est d'autelle devise comme ledit hanap ; et en Tesmail d'icelui couvercle a un esmail asuré ouquel a un chevalier qui tient un cueur : et font semblant de parler ensemble, lui et une dame qui est emprés lui. Et poise en tout li marc v onces.

647. Une fontaine, assise sur un haut entablement porté de soy mesmes ^, ouquel entablement, sur les costez, a pluseurs compas dessous lesquels a cristal blanc et autre cristal en manière de pierre de jaspe vermeille ; et dessus est ledit entablement semé de semblables compas, et en quatre parties a quatre couronnes d'asur entre deux ancolies d'asur; en quatre parties dudit entablement a quatre piliers qui boutent contre une chapelle qui

r. C'est le n" 188 de l'Inventaire publié par M. de Laborde.

2. C'est le n° i85'' du Fragment de V Inventaire des joyaux de Louis /<=', duc d'Anjou, publié par Mi Ledos, dans la Bibliothèque de l'École des Chartes, i. Lj 1889, p. 178.

est portée de vi piliers quarrez : et dessoubs ladicte chapelle a un lion tout doré qui se siet. La couverture de ladicte chapelle est d'une terrace vert, et sur ycelle a une aigle dorée estant sur ses pies, qui tient à son bec une chayennete dorée à laquelle pent une rose de noz armes. Et sur le dos de l'aigle, entre ses deux elles, a une couronne bassete sur laquelle siet un grant hennap esmaillié à ancolies et à lis : et dessus les ancolies a couronnes azurées. Et semblablemeent est le couvercle dudit hanap esmaillié par dehors ; et dedens ledit hanap a un compas ront de nos armes et ou couvercle un semblable. Et sur ledit couvercle a un chapelet ouquel a escript : « Je le doy » ; et d'icelui yst un fretel qui est à fueillages entailliés duquel yst un bouton esmaillié d'azur. Et poise en tout xxxvii mars.

648. Une fontaine d'argent dorée, dont le pié est porté de vi lions gisans sur leurs pâtes '. Et les bors dudit pié sont à pluseurs souages et orbevoies; et dessus lesdis souages est le bort semé tout autour de chastons de quatre perles et un petit grenat ou milieu, et d'autres chastons es quels a grenas et saphirs. Et sur le plat dudit pié a une grant terrace vert sur laquelle a deux bergiers, dont l'un joue d'une fleute de saus et l'autre d'un cornet sarrasinois, et y a une femme qui file et si y a trois chiens et IX brebis : et sont les bergiers, la femme et les chiens dorez et les brebis sont blanches; et a encore sur ladicte terrace connins entrans et yssans en terriers. Ou milieu de ladicte terrace est assis un très grant piller esmaillié d'asur, et autour d'icelui a trois autres piliers de maçonnerie de très grant ouvrage: et en chascun piller a deux hommes, Fun armé, l'autre desarmé; et entre les piliers a trois bergiers, dont chascun a sur sa teste un chapel esmaillié d'asur, et jouent les deux de la cornemuse et l'autre du tabour et de la fleute : et sur la teste de chascun bergier a un grant chapitel de maçonnerie. Et sur le bout dudit gros piller a le siège d'un grant hennap ; et est ledit siège crénelle à souages et orbevoies, et le fons est esmaillié d'asur, et y a un homme et une femme seans sur une terrace vert et donne la femme un anel a le homme et entre euls deux a un arbre vert. Et le hennap qui est sur ledit siège est par le pié d'un souage