I. C'est le n° 428 de l'Inventaire publié par M. de Laborde

à orbevoies, et ou ventre par dehors a viii esmaus asurez, et en chascun esmail a deux chevaliers armez tenans leurs espées et leurs escus armoiez de leurs armes, et sont de ceuls qui furent au pas Salhadin ; et y a ini autres chevaliers et les lyures des esmaus sont semez de pluseurs chastons, les uns à quatre petites perles et les autres de saphirs et grenas . Et autour du bort dudit hennap par dehors a escript : « Loyaument veuil estre demenei^ « Car de loyauté est on Jwnnore:^. Qui loyaus est toute sa vie, « Honnorez est sans villenie. » Et ou fons dudit hennap a un esmail d'asur ouquel est Salhadin à cheval et pluseurs Sarrasins derrière lui. Et est ledit hennap cizellé par dedens a fueillages enlevez. Et le couvercle par dehors est à viii esmaus d'asur, et en chascun esmail a un des ix preus, et est chascun d'euls assis sur une terrace vert : et la Heure desdis esmaus est semée de chastons comme le hennap sans différence, et le bort est à souages créneliez et orbevoies, et le fretel dudit couvercle est à fueillages entre lesquelles a perles d'Escoce : et desdis fueillages yst un bouton esmaillié d'asur à petis connins, et dessus ledit bouton est une chaiere en laquelle siet l'empereur Charlemaine qui est le ix» desdis preuz, et en sa main destre tient une espée et en la senestre un escu et dessous ses pies a un lioncel gisant. Et oudit couvercle a un grant esmail d'asur au dedens, ouquel sont les XII banieres de ceuls qui furent au pas Salhadin. Et est ledit couvercle cizellé par dedens à fueillages enlevés. Et poise en tout XXXII mars une once.

649. Une fontaine d'argent dorée, estant sur un bas entablement porté de vi lions gisans ' sur lequel entablement a deux hommes sauvages portans chascun une baniere de nos armes; et ou milieu a une terrace vert ou milieu de laquelle est assis un chastel qui fait le piler qui porte ladicte fontaine : et ou bout dudit piller est assise une nef semée par dehors de vi esmaus esquels a angles jouans de pluseurs instrumens, et aus deux bous de ladicte nef a deux chasteaus sur lesquels a deux banieres de nos armes, et dedens la nef a deux chevaliers et deux dames

I. C'est le n° i85" du Fragment de l' Inventaire des joyaux de Louis /""", duc d'Anjou, publié par M. Ledos dans la Bibliothèque de l'École des Chartes, t. L, 1889, p. 178.

faisans semblant de parler ensemble. De l'entablement de bas partent vi grans piliers qui boutent contre un gros piller qui est ou milieu de ladicte nef, ou bout duquel piller est le siège d'un hennap esmaillié à ondes de mer, et est crénelle; et y a quatre fueillages, et dessous chascune fueille pent une fleur de lis esmaillée de nos armes. Le hennap qui siet oudit siège est parle ventre semé de vi esmaus es quels a chevaliers et dames faisans diverses contenances, et sont le hennap et le couvercle cizellés par dehors; ou fons du hennap a un compas ront ouquel a une dame qui tient un faucon sur son poing et un chevalier qui li veult mettre le chaperon. Et le couvercle du hennap a semblables esmax et devise ; et en l'esmail dudit couvercle par dedens a une dame qui fait semblant de soy tirer arrière d"un chevalier. Par dehors a un fretel ront à creneaus sur lequel a une baniere de nos armes. Et poise en tout xxxi mars ii onces.

65o. Une fontaine d'argent dorée, dont le pié est fait en manière d'une rose garni autour de souages grenetez, croisiés et rons, et est soustenus de trois lions. Et sur le plat du pié a pluseurs grenas et saphirs enchastonnez, et y a petites perles; et entre yceuls a vi papegaus vers couchiés ; et de dessuz ledit pié partent trois piliers qui apuient contre la fontaine à une descendue, et en chascune a une gargoule à touret, et dessus chascun a un roy dessus un chapitel; et le bout des piliers sont à fenestrages à jour comme en manière de clochier. Et le corps de la fontaine est assés gros et y a trois montées de degrez esmailliés et sur iceuls a trois sergens d'armes devant trois portes qui sont à tournelles et à chapiteaux, et entre ycelles portes a fenestrages doubles esmailliés à diverses ymages et créneaux dessus, sur lesquels a VI petis ymages qui regardent aval: et d'entre ycelles portes et creneaus contremont est le corps de ladicte fontaine de cristal à quarrés, et dedens le cristal a un clochier petit à fenestrages à jour. Et dessus le cristal est le siège d'un hennap garni dessus et dessous d'une orbevoie à jour, et la basse est à créneaux et y a ymages petis qui regardent bas; et le fons dudit siège est esmaillié à arbrisseaus et à bestes; et y a trois hommes qui soustiennent la haute orbevoie. Et du milieu dudit siège part comme un bout de clochier à vi fenestres esmaillécs d'asur ; et le dessus est aussi esmaillé. Et le hennap et le couvercle sont par dehors garnis de

FONTAINES d'argent DORÉ 225

pluseurs grenas, saphirs et perles en chastons, et y a papegaux vers et papeillons, et dedens sont ciseliez à vingnete et à roisins enlevez. Et ou fons du hcnnap a un ront esmail ouquel a un roy et trois hommes dont celui du milieu est nu; et ou fons du couvercle en a un plus petit ouquel a un homme armé à cheval qui rescout une dame d'un homme sauvage qui l'amenoit; et le fretel est d'un homme haut assis qui joue de la vielle. Et poisent fontaine et hanap xxx mars vu onces xii deniers.

65 I. Une fontaine d'argent dorée ', estant sur un entablement porté de trois lyons gisans, fait en manière de triangle, sur lequel a une terrace vert ou milieu de laquelle a un chastel à trois portes; et devant chascune porte a un homme sauvage qui tient un baston. Et ledit chastel porte une fontaine ronde semée de pluseurs esmaus asurez, et ou ventre de ladicte fontaine a trois clefs à geter eaue ; et sur ycelle fontaine a une terrace vert ou milieu de laquelle a un piller à trois quarrés, et en chascune quarré a un chevalier et une dame. Du bas du pié partent trois gros piliers à trois ars bouterés. Ou bout du grant piller siet un bacin, esmaillié de vert dehors et dedens, à geter eaue de la fontaine ; et entour, sur les hors, a trois fueilles, dessous chascune desquelles pent un compas esmaillié de vert î et ou milieu a un escuçon de nos armes. Et fait ledit bacin siège d'un hennap, et le hennap et le couvercle sont chascun semez de vi esmaux esquels a chevaliers et dames faisans diverses contenances; et dedens sont cizellés. Ou fons du hennap a un compas ront ouquel a un esmail d'asur et un chevalier et une dame qui jouent aus eschez : et en l'esmail du couvercle a un chevalier et une dame qui tient la cornete du chaperon du chevalier ; les hors dudit couvercle sont à souages et orbevoies, et dessus a un fretel crénelle duquel yst un boutonnet vert : et dessus ledit boutonnet a un cinge qui tient une bourse. Et poise en tout xxvi mars vi onces.

I. M. de Laborde a donné sous le n° i85 de l'Inventaire qu'il a publié) seulement les dernières lignes du présent article. Ce qui manquait dans le texte de M. de Laborde, a été imprimé sous le n» i85' dans le Fragment de l'Inventaire des joyaux de Louis /«•■ duc d'Anjou, édité par M. Ledos dans la Bibliothèque de F École des Chartes, t. L^ 1889, p* 179.

220 FONTAINES d'aRGENT DORÉ

652. Une fontaine d'argent dorée ', portée de trois hommes dorez, qui à leurs mains senestres soustiennent leurs joes et ont le couste sur le genoulsenestre. Et le pié est comme un triangle à trois demis rons et à pluseurs souages sur les hors; et dessus a une terrace vert boullonnée, sur laquelle a trois arbalestiers devant les trois portes du chastel. Et aus trois quarrés dudit triangle a trois piliers à ars bouterés partans de ladicte terrace, en chascun desquels a une clef de fontaine faite d'un lion : et boutent lesdis ars contre un grant chastel environ lequel a créneaux tout autour, et y a vi tournelles dessus esmaillées d'asur. Et sur les alées du chastel a trois hommes armez tenans pavaulz, et derrière chascun d'euls a un oteau deliément ouvré, et dessoubs a esmail d'asur. Et sur ledit chastel a une reprinse d'une grosse tour à vi quarrés, et dessus a orbevoies à jour, et sur ycelle a un gros piller à fueillages enlevez sur lequel est assis le bacin de ladicte fontaine qui est ront et a souages et orbevoies à jour ; et a sur les hors trois serpenielles ; et le fons dudit bacin est autour esmaillié de vert et goûté de blanc, et le fons est comme ondes de mer. Et le hennap et le couvercle sont esmailliés à grans oteaus rons, dedens lesquels a vi petis oteaus d'asur goûtez de blanc et de rouge : et ou milieu a un rondel d'or à une estoile de gueules et on milieu des vi petis oteaus a un papeillon, et au dessous du fretel a viii faucons ; et le fretel est de fueillages, et dessus a un bouton esmaillié de vert et d'asur : et les esmaus de dedens sont de la devise de ceuls de dehors. Et sont lesdis hennap et couvercle par dedens dorez et cizellés à vignete. Et poise xxii mars.

653. Une fontaine d'argent dorée d'une seraine, estant sur un lonc entablement porté de quatre lions', et est esmaillié de vert à flouretes et besteletes; et sur l'un des bous de l'entablement est ladicte seraine portée d'un arbre doré à fueillages vers et glaons, et le corps de ladicte seraine tout nu par devant et sur ses espaules porte un mantel parti de vert et d'asur et joue de la cornemuse, et sur sa teste a un chapel de feustre esmaillié d'azur ; et au devant de ladicte seraine a sur l'autre bout de

1 . C'est le n° 335 de l'Inventaire publié par M. de Laborde.