YMAGES DE NOSTRE DAME D ARGENT DOREZ

370. Une grant ymage de Nostre Dame d'argent tout doré, lequel est sur un haut entablement à six quarrés, et à chascune quarré a fenestrages où il a pluseurs piliers, et dessus a pluseurs souages à orbevoies et grenetez, et siet sur six lions gisans; et porte ladicte ymage son enfant en son bras senestre et l'enfant tient à sa main senestre un ovselet; et en sa destre main tient ladicte ymage un rosier d'argent doré; et le mantel de ladicte ymage est à une brodeure cizellée et esmaillée à flouretes vermeilles et vers, et a sur sa teste une couronne semée de menue pierrerie et d'esmaus de plitrc. Et poise xxxix mars vu onces.

371. Une ymage de Nostre Dame estant sur un entablement fait en manière d'une rose à pluseurs souages et orbevoies à jour, et est porté de six hauteletes pâtes ; et environ ledit entablement a six esmaus asurez esquels il a serpentelles, et tient son enfant en son bras senestre, et Tenfant met un de ses dois en sa bouche et en la senestre main tient une pomme dorée; et ladicte ymage tient en sa main destre un petit tuel, et est emmantelée et sur sa teste, par dessus un cuevrechief, a une couronne à cinq fierons haus et cinq petis semez de fausse pierrerie. Et poise xxv mars vu onces.

372. Une ymage de Nostre Dame estant sur un entablement plus lonc que large, cizellé à fueillages dorez, et à quatrecornes est porté de quatre paies; et environ ledit entablement a esmaus Ions et estrois asurez où il a testes de sains et de saintes. Et est ladicte ymage entre quatre piliers qui portent un chapitel qui est sur la teste de ladicte ymage, lequel est ouvré à oteaus et fenestrages entailliez ; et dessous a esmaus asurez, et au dessus dudit chapitel a un reliquiaire ront de cristal, à un des bous

IMAGES DE NOTRE DAME EN ARGENT DORÉ l6l

duquel a un pinacle esmaillié où est Nostre Seigneur qui couronne Nostre Dame, et en l'autre pinacle estNostre Seigneur en la crois, Nostre Dame d'un costé et saint Jehan de l'autre; et au dessus d'icellui cristal a un clochier ouquel a une tournelle de cristal, et au plus haut est Nostre Seigneur en la crois. Et poise XXV mars n onces xii deniers.

373. Une ymage de Nostre Dame ' séant en une chaiere, laquelle siet sur un entablement à deux bocetes de cristal, et est porté ledit entablement de trois lions gisans ; et est Nostre Dame à mains Jointes devant Nostre Seigneur, et sur sa teste a une couronne de fausse pierrerie. Et poise en tout xxiii mars II onces.

374. Une ymage de Nostre Dame d'argent doré, estant sur un haut entablement à viii quarrés; et est le pié à pluseurs souages grenetez; et sur le bort du pié a une litte azurée à rosettes dorées, et au dessus, sur vm quarrés, a viii esmaus azurez esquels a sains vestus de vert; et au dessus d'eulz a autres viii esmaus esquelz a demis apostres, et porte ladicte ymage son enfant en son bras senestre, et en sa main destre tient un rosier doré ; et l'enfant tient en sa main senestre une pommete dorée sur laquelle a une crois; et a ladicte ymage sur sa teste un cuevrechief doré. Et poise xxii mars un onces.

375. Une ymage de Nostre Dame d'argent doré, estant sur un haut entablement lequel est soustenu de six lions et est à six quarrés cizellez à fueillages; et y a six esmaus en losenges à ymages de saintes : et sur le haut a oteaus esmailliez d'azur. Et ladicte ymage est vestue d'un mantel fermé devant, et tient son enfant en son bras senestre qui tient une pomme agiie dessus sur laquelle a une croisete, et en la main destre tient une branche qui entre en un tuel, et est comme de roziers à deux boutons et une roche dessus et trois pierres. Et ladicte ymage est affublée d'un cuevrechief ei pardessus sa teste a une couronne de petites perles et de fausse pierrerie laquelle se puet oster. Et poise en tout xix mars V onces xii deniers.