IMAGES DE NOTRE DAME EN ARGENT DORÉ

un entablement semé d'esmaus en manière de losenges esquels a demis apostres ; et porte son enfant en son bras senestre, et en sa main destre tient un rozier et a sur sa teste une couronne à pierres contrefaictes. Et poise en tout xix mars ii onces XII deniers.

377. Une ymage de Nostre Dame ' estant sur un entablement à VI quarrés, esquelles a vi esmaus où il a oyselés, et est porté de trois lionceaux gisans, et tient son enfant en son bras senestre qui tient un oyselet en ses deux mains; et ladicte ymage tient en sa main destre un rosier vert, et sur sa teste a une couronne de menues perles et d'autre pierrerie vert, vermeille et inde, et est vestue d'un mantel qui li vient par dessus sa teste. Et poise XVI mars vi onces.

378. Une ymage de Nostre Dame d'argent doré, estant sur un haut entablement à vi quarrés porté de vi lions, et autour dudit entablement a en esmax asurez sains et saintes et angles jouans de pluseurs instrumens; ladicte ymage est affublée d'un mantel et sur son bras senestre porte son enfant qui tient une pomme vermeille, et à la destre son bastonnet sur lequel a comme un pot de cristal, et sur la gueule d'icelui a comme une aguille de clochier esmaillié d'asur, sur le bout de laquelle a une pomme rosée et une petite perle au haut, et sur sa teste a une couronne à fausse pierrerie, en laquelle a deux petites perles. Et poise XVI mars.

379. Une ymage de Nostre Dame " estant sur un entablement semé de vi esmaulx esquels a pluseurs besteletes ; et porte Nostre Dame son enfant en son bras senestre, lequel enfant tient une pomme vermeillete, et Nostre Dame tient en sa main destre un rainseau à rozes vermeilles et sur sa teste a une couronne greslc à fausse pierrerie. Et poise en tout xv mars III onces.

380. Une ymage de Nostre Dame d'argent doré, estant sur un haut entablement à vi quarrés, que soustiennent quatre lions, et est cizellé, et autour d'icellui a vi angles cizellez. Ladicte ymage est vestue d'un mantel et a un cuevrechief affublé et