C'est le n" 486 de l'Inventaire publié par M. de Laborde

de hommes à longues barbes et assés Ions cheveux toquez sur le devant. Lequel pié est garni tout entour de grans souages, dont les aucuns sont férus de croizettes grenetées et les autres à orbevoies non perciées à jour; et sur lequel pié a une terrace verde semée de pluseurs flouretes, et y a trois arbalestiers armez de plates et de capelines garnies de camauls, dont les deux tendent leurs arbalestes et l'autre a la sienne tendue là où il met un vireton. Laquelle fontaine est garnie de trois pilers dont la masonnerie est assés plaine, et en chascun pillier a deux gargoulles pour geter eaue : et entre lesdis trois pilliers a un chastel garni de vi petites tournelles roondcs dont les couvertures sont esmailliées d'asur, et entre lesdictes tournelles sont maisons à fenestres croizées dont les couvertures sont à deux pingnons esmailliés d'asur, à creneaus tout entour. Et oudit chastel sont quatre portes garnies de hommes et plaines d'envoirremens d'asur, et y a trois archez qui se ferment aus pilliers dessusdis; et a III autres pctis pilliers sur quoi se porte le bacin de ladicte fontaine lequel est roont, garni d'orbevoies à jour et tout esmaillié de vert par dessous et dedens en manière d'une rivière où il a pluseurs poissons, et dedens lequel bacin sont vi rozes doubles d'orfaverie; et dessus ledit bacin a trois serpentellcs à esles. Et le hennap de ladicte fontaine est par dedens hachié à fueillages, et ou fons a un grant esmail vert où sont vi testes de lion et pluseurs lièvres et connins : et ou milieu dudit esmail est un autre esmail d'asur en manière de losenge où est une estoille d'or sur champ vermeil; et par dehors est ledit hennap tout esmaillié de pluseurs devises, c'est assavoir à testes de lion, angelos et estoillcs pareilles à celle qui est ou fons dudit hennap : et le couvercle d'icellui est pareillement esmaillié et en est le souage à orbevoies à jour; et sur le fretel, qui est de fueilles d'aube-espine,a un bouton à vi costes esmaillié de vert et d'asur. Et poise en tout xxxi mars '.

682. Une fontaine d'argent dorée, d'un olephant estant sur un grant et lonc entablement fait à vi costes du tour d'un chasselievre, lequel entablement est soustenu de quatre petis olephans estans sur plas entablemens tous plains du tour dessus

I. Le chitTrc seul actôccrit par une autre main très courante.

FONTAINES D^RGENT DORÉ 2^3

devisié; et ledit entablement est garni autour vers le bas d'un gros souage roont. Et sur ses vi costes a vi longues fueillcs enlevées montans, et entre lesdictes fueilles et costes sont les quarrés dudit entablement encavées et toutes esmailliées à nos armes; et sur le haut autour est garni de gros souaiges plains et d'un couronnement dessus à creneaus enlevés. Et le dessus dudit entablement est à terrace bocee et toute dorée ; et sur les deux costez de la pointe de devant sont en estant un homme et une femme sauvaiges qui ont deux chapeaus vers sur leurs testes, et sur leurs espaules dextres tiennent chascun un gros baston esbochié paintdevert, et à leurs mains senestres tiennent deux chaiennes blanches assés grosses qui tiennent à un anel d'un colier d'une chaienne blanche pareille qui a entour le col ledit olephant ; et ledit olephant est assés grant et a gros bouel et lonc partant de sa gueule lequel est bien ouvert devant, et sur le dehors est comme à escailles ; et des costez de la gueule d'icellui olephant partent deux Ions dens blans comme de deux broches agiies, et ses yex sont de deux pierres de voirre vermeilles, et a ses oreilles pendans de la façon d'esles de chauves-souris, et sa queue est assés courte pendant tout droit; et sur son dos a comme une pièce enlevée, copponnée autour à demis roons, laquelle se lie à une sengle qui va autour du ventre à une autre qui fait poitras et à une autre qui fait culliere dudit olephant et qui se acouplent à charnières. Et sur ladicte pièce, ou millieu du dos dudit olephant siet un chastel à quatre quarrés et à quatre petites tournelles aus costez, à chascune desquelles pent au bas à un anel une losenge esmailliée à noz armes : et sur la pointe de chascune d'icelles tournelles a aussi un pennonceau esmaillié à nos armes. En chascune des quatre quarrés dudit chastel a une porte coulisse à envoirrement d'asur dedens acostée de deux petites tourelles et à chapiteaus de maçonnerie dessus; et dedens chascune d'icelles portes a un homme enlevé et armé qui ont leur visières levées, dont les deux ont targes et les autres deux taloches blanches; et l'un tient une pique à platene, l'autre une hache à martel, l'autre une hache à grant alumelle et l'autre un fauchon : et sur chascune desdictes quarrés, aus costez de la porte, a deux garites levées ; et ledit chastel est couronné de creneaus autour, portez de pièces enlevées et boutans. Et dedens

iccllui chastel siet une grosse tour roonde couronnée dessus de la devise du chastel, en laquelle tour a deux portes à chapiteaus et piliers de maçonnerie envoirrées dedens d'asur, esquelles a deux hommes armez et enlevez qui tiennent chascun une lanse, et Tun une taloche et l'autre une targe blanches. Et aussi a en ladicte tour deux garites levées, et du couronnement d'icelle tour yssent sur les costez deux hautes tournelles roondes couronnées de la devise de la grosse tour, et sur le dehors de chascune a une garite levée; et du couronnement de chascune d'icelles tournelles part une autre plus menue tourelle roonde couronnée au haut de creneaus : et sur chascune a un ménestrel dont l'un joue de la cornemuse et l'autre de la trompe, et à leurs instrumens a deux pennonceaus esmailliés à nos armes; et sur les autres costez de ladicte grosse tour a deux femmes à demis corps qui ont les visages pains et tournez dehors de ladicte grosse tour et ont chascune deux grandes esles et Ions cheveus et sont couronnées de couronnes plainnes, et les pendans de leurs menchcs sont larges et Ions, retournez un tour sur leurs bras : et sur leurs mains tiennent chascune un siège pour mettre un gobelet et une aiguière, lesquels sièges sont de tour et de façon du comble renversé d'une tour, et sur le bas au bout y a en chascun un visage d'omme à grant barbe; et au couronnement de chascun, qui est fait de pertruis à jour roons, pendent vi fueilles à longues tiges qui se loient au comble. Et poise en tout ladicte fontaine xxviii mars vu onces x estellins. — Et le gobelet qui se met sur l'un desdis sièges est couvert et petit, d'argent doré, garni par le pié d'un souaige de pertruis roons à jour, et tout au lonc est embouti et tourné à tour de rose, et sur les embouteures est hachié à divers fueillages, et ou fons a un roont esmail de nos armes garni autour d'un souage féru à croisettes; et le couvercle est à tour de rose, couronné d'une orbevoie de pertruis roons à jour, et dessus les embouteures hachié à divers fueillages, et dedens a un petit esmail roont de nos armes : et sur le fretel a une rose csmaillié à nos armes. Et poise en tout I marc une once. — Et l'aiguiere qui se met sur l'autre siège est petite, toute emboutiée sur le pié, par le ventre et sur le couvercle à fueillages de rose et hachié à lettres de Damas, à fueillages divers et à lis. Et le biberon part d'une teste emboutie

NEFS d'argent DORÉ 245

OU ventre de l'aiguiere et passe par la teste d'une serpent sur le haut. Et y a un archet qui se se tient audit biberon et au col de l'aiguiere. Et l'anse est grossete à une coste sur le plat : et le martelet est de deux petites fueilles retournées. Et dedens le couvercle a un petit esmail roont de nos armes, enlevé sur souages dorez; et le fretel est d'une rose esmaillié à nos armes. Et poise I marc ii onces xv estellins.