UNE TRES GRANT NEF ESMAILLEE

683. Une grande nef d'argent dorée, faite en manière d'un vaissel de mer qui se appelle quarregue, assise sur quatre roes ; et en sont les aissieuls de quatre angles qui la portent, et sont les roes des deux costez esmailliés à fueillages d'azur et les raix des roes en manière de piliers, et le tour des dites roes greneté ; et est le corps de ladicte nef esmaillié de pluseurs histoires dont les esmaus sont en quatre assietes du bout, à grans et haus souages entre deux qui vont aussi du bout, fais en manière de créneaux. Et ou bout de la nef devant, a une grani creste qui descent d'amont jusques sur les espaules des deux angelos des roes de devant, laquelle est esmaillée devant d'azur à fueillages vers et les costes en sont d'orfaverie à petites fourmes et à creneaus; et sur ledit bout devant a une saillie qui se porte sur quatre arches laquelle est esmaillée par les costez à donoiemens : et sont les esmaux enchassiés en demis compas d'orfaverie. Et est couronnée ladicte saillie à machecos et dessus à creneaus fais en manière de roes; et est la terrace de ladicte saillie toute hachée à fueillages et à lettres moresques, et sur ycelle a cinq arbalestiers tenans leurs arbalestres : et ou bout derrière de ladicte nef a un peautre pour la gouverner, lequel est esmaillié d'une part et d'autre de pluseurs histoires ; et dessus celui bout qui se appelle la poupe, a une grant saillie esmaillée en deux estages, dont celui de dessous est de pluseurs chasses, et l'autre estage est ou devant des ix preuz et par les costez de donoiemens assis en fenestrages de maçonnerie dont les piliers sont tuers; et dessus les hors de ladicte saillie a créneaux fais en manière de roes, audedens desquels creneaus il a trois trompeurs, un

246 NEFS d'argent DORÉ

joueur de naquaires, le patron de la nef et quatre autres ymages fais en manière de servans : et est le fons de ladicte saillie haché de lettres moresques et de fueillages. Et ou milieu de ladicte nef a un mast à un grant voille tendu, frété par dehors de souages en manière de eschiquier. Et sur chascune quarré a une fueille d'aube-espine renversée ; et de chascun costé dudit mast a x manières de cordes de fil d'argent blanc tuers, qui tiennent à polies, et de chascune part deux hommes qui tirent chascun une desdictes cordes, et y a un alant à un des lez. Et dessus la proue a un petit mast lié en deux liex, dont le bout d'en haut fait la teste d'un cerf, là où tiennent deux polies par lesquelles passent deux cordes qui tiennent au voille : et devant le pié dudit mast a trois hommes qui tirent cordaige, et sur la verge qui tient le voille a aus deux bous deux hommes qui lient les cordes qui tiennent au haut bout du grant mast, sur lequel il a une eschauguete ouvrée à fenestrages et à fourmes de maçonnerie, dedens lesquels a pluseurs esmaus de donnoiemens : et dessus a deux hommes qui guetent. Et devant ladicte eschauguete a une barbequenne à regarder dedens la nef; et au pié du grant mast a un entablement tout plain, hachié de lettres moresques et de fueillages, et y a une trape pour avaler ou fons de la nef. Et d'autre part, du pié dudit mast a un tour où il pent un seau pour tirer de l'eaue d'un puis qui y est, devant lequel il a un fouyer surquoy il a une crameilliée, là où il pent un pot : et un queux y a devant; et entre ledit mast et le fouier a un autre tour où il a pluseurs cordages, et une eschelle faicte en manière de corde pour monter en l'eschaugucte, en laquelle il a un homme qui monte contremont; et au dessus de ladicte eschauguete a une petite poulie parmi laquelle passent deux cordes là où il pent deux corbeillons. Et entre la poupe et le grant mast, là où il tient viii cordes, a poulies et une petite eschielle de la façon de l'autre ; et encontre ledit mast a un petit voille loié; et par dedens, pour monter en la poupe, a de chascun costé une eschielle blanche forte, et dehors le premier bout de ladicte nef a autres deux atachiées à aneaux et à cordes. Et sont tous les cordages de fils d'argent blanc tuers. Et poise en tout iic xxvni mars v onces vi deniers.