I. C'est le n" 283 de l'Inventaire publié par M. de Laborde

fondé un chastel quarré ouquel il a quatre portes, sur chascune desquelles, au haut de la couverture, a deux perles d'Escoce; et sur les murs, qui sont à creneaus, a vni hommes sauvages jouans de divers instrumens : et ou milieu dudit chastel a un donjon quarré à quatre fenestrages esmailliés d'azur, et aus quatre cornez d'icelui a quatre piliers esquels il a ars boutans contre le donjon; et sur quatre petites tournelles a quatre grosses perles d'Escoce; et es alées devers la couverture d'en haut a quatre hommes sauvages à genous devant quatre femmes sauvages faisans diverses contenances. Et est ladicte nef assise sur le bout du feste dudit donjon. Ledit fons de ladicte nef, qui est de cassidoine, est garni par dehors de grans souages tout au lonc, et es bous a fueillages, et au dessous des hors a une litte à oteaus rons esmailliés d'asur et fueillages entailliés; et les hors sont à creneaus, et dessous a orbevoies et arceaux à jour. Et ou plat de chascun costé a un chastel, en l'un desquels a un roy et une royne, et en l'autre un duc et une duchesse; et sur chascun chastel a quatre perles d'Escoce, et les couvertures sont esmaillées d'azur; et sur quatre tournelles qui sont sur les costez de la nef a quatre grosses perles d'Escoce. Sur chascun des deux bous de la nef a un très bel chastel ; et du fons de la nef par dedens part un grant degré à monter oudit chastel, et à la porte est un grant villain qui a un baston au col : et dessus lui a comme un portail sans tournelles. Oudit chastel, par dehors, a quatre fenestrages esmailliés esquels il a hommes faisans diverses contenances et grans piliers entre deux ; et dessus a alées à orbevoies à jour et y a cinq tournelles sur chascune desquelles il a une perle d'Escoce, et esdictes alées a cinq hommes armez. Ou milieu dudit chastel a un donjon à pluseurs fenestrages esmailliés d'asur et y a cinq petites tournelles crenellées : et sur ledit donjon a une grosse tour ronde crenellée et à terrace, et y a trois portes et trois hommes d'armes environ la tour; et au plus haut sur ladicte terrace a un homme à chevauchons sur un lion à qui il euvre la gueule. Et le chastel de l'autre bout de la nef est de celle mesmes devise, excepté que à la porte du chastel a un homme lonc vestu, qui corne d'un lonc cor. Et poise en tout lvii mars II onces.