AUTRES NEFS D ARGENT

684. Une nef grande et haute, estant sur un entablement bellonc à pluseurs souagcs et orbevoies cizellé, et est porté ledit entablement de vi lions dorez. Et sur ycelui entablement a VI esmaux gironnez de nos armes, montans contre le piller qui porte ladicte nef; et au dessus, contre ledit piller, a vi autres esmaus contregironnez de noz armes, et ou bout d'icellui piller aune alée à creneaus; et dessous ladicte alée a vi esmaus longuez de nos armes. Dudit entablement partent vi piliers en tuers qui tiennent au chastel qui porte ladicte nef; et d'une part et d'autre dudit chastel a deux hommes qui sur leurs dos soustiennent le ventre de la nef: lequel ventre est de x esmaus de nos armes gironnez ; et les bors de ladicte nef sont à créneaux et orbevoies dessoubs lesquelles a esmaus d'azur, et sur lesdis bors a viii hommes armez qui tiennent chascun un pennon de nos armes et sur leurs bras portent nostre ordre de la Crois : et est chascun homme d'armes dedens une tournelle crenellée. Es deux bous d'en haut de ladicte nef a deux chasteaus, en chascun desquels a quatre tournelles et sur chascune a une baniere de nos armes; et sur ledit chastel a deux hommes armez qui tiennent chascun une baniere de nos armes; et ou milieu dudit chastel a un donjon quarré à quatre tournelles, sur chascune desquelles a une baniere de nos armes. Et ou milieu dudit chastel, et aussi sur la feste du donjon a une baniere de nos armes. Et poise en tout cxviii mars.

685. Une nef d'argent dorée, de grant ouvrage de maçonnerie ', dont le fons est de cassidoine, portée aus deux bous de deux seraines couronnées à elles esmaillées et de quatre lévriers; et tiennent lesdictes femmes chascune un rolet à lettres d'or esmaillées d'azur. Et les bors de l'entablement sont à pluseurs souages et dessus a tout autour une litte couronnée esmaillée de vert, de more et d'azur; et dessus a quatre roses toutes azurées et entre deux à fueillages entailliés. Sur ledit entablement est