Grans chayeres, appellées faudes
teufs, de bois couvertes d'argent doré, à viciiiix''xini fueillés. 3466 à 33o6 Joyaux et autres choses estranges d'argent en extraordinaire, pour ce
qu'ilz ne se pueent apparier à viciiii^'îxviii fueillés.
HaRNOIS de GUERRE GARNI d'oR .
3507. Premièrement, bacinet d'acier garni d'or, de fins dyamans et perles et de doublez, la courroye et le mordant
dudit bacinet garnis d'or à viicvi fueillés.
3508. Espée de parement garnie d'or et
de pelles à viicvi fueillés.
3509. Espée garnie d'or sans pelles.. . . à vii'^vii fueillés. 35io. Gantelez garnis d'or à viicviii fueillés.
35iià33i3. Cuissos, grèves et sollerez d'acier
de plate garnis d'or à viii^viii fueilléf.
3314. Espérons d'or à vii^ix fueillés.
35i5. Boucles d'or pour cotes d'acier. . . à vii^ix fueillés.
35i6. [Une espée de Bordeaux] »
Cl COMMENCENT LES JOYAUX d'oR A PIERRERIE.
3517. Premièrement la grant couronne. . à vii^xi fueillés.
35i8et33i9. Autres couornnes mendres à vii<:lii fueillés.
3320 et 3321. Petites couronnes à vti^lxv fueillés.
3322 à 3328. Grans cercles à vii<^lxxv fueillés.
» Autres cercles moyens »
3329 et 333o. Petis cercles à viii^xv! fueillés.
DR LOUIS I, DUC d'anjoi; • l5
333 1 à 3335. Fronteaux d'or à pierres et perles
et croissans à viii<^xxiii fueillcs.
353C et 3337. Ataches d'or pour manteauls ouvers longs pour dames, à pierrerie et à
perles à viii<^xxxii fueillés.
3538. Coiffes d'or à pierres et perles. . . . àviii'^xLii fueillés. 3539 et 3540. Coiffes de pierrerie et de perles
faictes à l'aguillc sans orfaverie à viii'^Lvin fueillés.
3541. Garlandes à pierrerie et perles pour
l'atour d'Espaingne à viii'^lxvii fueillés .
» Treçons d'or à charnières, à pierres
et à perles et à pierrerie et perles sur
bisette »
3542 à 3544. Sautouers à pierrerie et perles et
garllandes à viiiclxix fueillés.
3545 et 3546. Sautouers d'or à pierrerie et perles et sans pierrerie, à perles fais à
l'aguille sur tyssu à viiiciiiixxn fueillés.
3547 et 3548. Crans fermaux d'or à pierrerie et à
pelles à viii'^iiiixxiii fueillés.
3549 à 3554. Autres fermaux d'or mendres à
pierrerie et à pelles à viii'^iiiixxv fueillés.
3555 à 3557. Petis fermaux d'or à pierrerie et à
perles et sans pierrerie et perles .... àviiicinixxxv fueillés » Saintures d'or longues à pierrerie
et à perles et charnières »
3538 et 3559. Saintures d'or longues à pierres et à
perles sur tyssu à vuiciiiixxxvn fueillés.
336o. Demis sains d'or à charnières à pierres et à perles à ix^ fueillés.
356i. Demis sains d'or sur tyssu à pierres
et à perles à ix''vi fueillés.
3562 à 3564. Saintures d'or longues sur tyssu, à
perles sans pierres à ix''vii fueillés.
3565 et 3566. Demis sains d'or sur tyssu, à perles
sans pierres à ix<'xni fueillés.
3567 et 3568. Saintures d'or sur tyssu, sans pierres et perles à ixi^xuii fueillés
3569 et 3570. Demiz sains d'or sur tyssu, sans
pierres et perles à ix>'xv fueillés.
3571. Gibecières brodées et à boutons de perles et sans perles, dont les fers et
la bouclette sont d'or à ixf'xvi fueillés.
3572. Petites crois d'or et autres reliquiaircs à porter sur soy, garnies de
l6 TABLE DE l'iNVENTAIRE DE l'oRFÈVRERIE ET DES JOYAUX
reliques, en pierres et perles, et sans
pierrerie àix^xYii fueillés.
3573. Patenostres d'or, à perles et sans
perles, et emplies de muglias à ix^xviii fueillés.
» Pippes et fermoers d'or de livres
garnis de pierrerie et de perles, et
sans pierrerie et perles »
3574 et 3575. Tableaux d"or petis, garnis de pierrerie et sans pierrerie à ix<=xix fueillés.
3576. Cadrans d'or esmailliés et hachez. . à ix<=xx fueillés.
3577. Mirouoirs d'or esmailliez et hachez, à ix'-xxi fueillés. 3578 à 358i. Grosses pommes et boutons d'ambre et de muguelias garnies d'or .... à ix'^xxi fueillés.
3582 à 3584. Boutonneures d'or pour corcez de
dames, à pierrerie et sans pierrerie.. à ix<=xxiii fueillés. 3585 et 3586. Boutonneures d'or pour chapes, à
pierrerie et à perles à ix^xxvi fueillés.
3587. Boutonneures d'or pour chaperons
clos de dames, à pierrerie et sans
pierrerie à ixcxxvii fueillés.
Pierres en agneaux.
» Premièrement rubis d'Orient très
fins en agneaux. »
» Autres rubis d'Orient finsen agneaux. »
» Autres rubis d'Orient en agneaux. »
» Dyamans très fins en agneaux. »
» Autres dyamans fins en agneaux. »
» Autres dyamans en agneaux. »
« Saffirs très fins indiens et d'Orient
en agneaux. »
« Saffirs fins en agneaux. »
» Autres saffirs en agneaux. »
» Esmeraudes très fines en agneaux. »
» Autres esmeraudes fines en agneaux. »
» Autres esmeraudes en agneaux. »
» Perles grosses très fines en agneaux. »
» Autres perles mendres en agneaux. »
» Turcoises très fines en agneaux. »
» Autres turcoises en agneaux. »
3588. Mittres d'or, le champ de perles,
garnies de grosse pierrerie et de
perles, en orfaverie a ixcxxxii fueillés.
DE LOUIS I, DUC d'aNJOU I7
Grans fcrmaulx d"or de chappes, à pierrerie et perles. »
Grans agneaux pontificaux pour evesques, garnis de pierrerie et de perles en manière de fermaulx. »
Perles de once en divers ouvrages de broderie.
» Premièrement une chapelle toute
brodée de pelles. »
» Chappes de ymagerie garnies de
perles. »
» Orfroys de chappes et de chasubles
brodées de perles. »
» Colliers et mittres de prelas à perles. »
» Gans pontificaux en pierres et per-
les et en orfaverie et en broderie de perles de once. »
» Autres gans pontificaux de bro-
derie de perles et esmaux d'orfaverie, à pierres et à perles. »
» Estolles et fanons à perles. »
3589. Robes longues de quatre garnemens, brodées à perles pour la duchesse à ixi^Lviii fueillés.
3590 à 3592. Corcez cours à perles à ixfLxiii fueillés.
3593 à 3597. Boutonneures de corcez de broderie
et à perles à ix'-'lxix fueillés.
3598 à 36o2. Chaperons ouvrez à perles à ix^lxxi fueillés.
35o3. Collerettes à perles à ixclxxiiii fueillés.
» Carreaux brodez à perles. »
» Chapellez de broderie à perles pour
tenir cheveux. »
» Tenicles de nos armes, brodées de
perles. »
» Jaques brodez de perles, boutonnez
d'orfaverie d'or. »
» Chappeaulx à bec brodez à perles,
et autres sans bec. »
» Couverteures de chevaux brodées
de perles. »
» Bourses brodées à perles. »
l8 TABERNACLE d'or
I. C'est la devise et description de nostre très grant et très noble tabernacle d'or pour mettre, poser et porter le Corps de Nostre Seigneur Jhesu Crist, lequel tabernacle est fait de très grans ouvraiges, d'ymaiges et de diverses maçonneries en la manière qui s'ensieut. Ledit tabernacles est portez sur un entablement comme quarré, dont les un coinz sontdetele devise. Ou bout d'un des coinz, sur le dehors, a une tour roonde dont le bas du pié est d'un filet roont tout autour ; et audessus a une reprise plus largette que le pié, bordée d'un filet roont toutplain, et sur le dessus est toute roonde. Et après est une autre reprinze bordée d'un filet roont, sur laquelle reprinse sont assis vj pilerés petis de maçonnerie, audessus desquelz a chapiteaus de très déliez et soutiz ouvraiges, et sur les bous desdiz chapiteaus, sur le bas, a petites serpenteles; entre lesdis vi pilerés a vi fenestraiges esmailliez et es esmaus a vi demi sains. Audessus desdis chapiteaus aune autre reprinze, un petit plate dessus et tranchant sur le borttout autour, et sur le dessus tout autour est roonde comme un tour sur laquele est assise comme une autre tour haichiée de parpains. Et ou milieu sur le dehors a une porte; et ou dedens est la porte couleyce et audessus de ladicte porte a une garite a ii petittes tournelles; et aus ii costez d'icelle porte a II deffenses à tournelles et chapiteaus trèsjoliement ouvrez. Au haut de ladicte tour est la derreniere reprinse qui est roonde et creneilée, dedens laquelle a un chastellet, dont l'une des parties est comme de maisons quarrées à tournelles, fenestraiges à jour et chapiteaus, et l'autre partie est comme une tour roonde creneilée, dedens laquelle a maisons à fenestraiges et chapiteaus, et sur le dehors a une garite saillant. Sur le derrière a ij tours comme quarrées, dont l'une est plus grosse que l'autre, qui ont Ions clochiers à iiii quarrés esmailliées de vert très finement, et ou bout de chascune a une pommette quarrée. Et au derrière desdictes ii tours a comme une maison pour descendre par icelle à un degré qui monte de ladicte tour à une haute aléa; sur laquelle tour autour est la vie Nostre Seigneur. Aus ii costez de ladicte tour du coing a ii autres tours un petit mendres et sont de semblable devise de la dessusdicte, mais il n'y a que m pilerés et un chapiteaus et iiii fenestraiges esquelz a esmaus à
sains comme en icelle dessus devisée. Et la tour haute est de pareille devise; mais aus ii costez de la porte a deuxgarites et aus costez d'icelles garites a ii toureles et detîenses crenellées. Et sur le haut de ladicte tour a comme un chastellet ouquel a plusieurs maisons, et audessus de la porte a une garite, et comme ou millieu dudit chastellet à une haute tour quarrée, dont l'aguille est bien longue et esmailliée de vert très vivement. Et de ladicte tour, sur le haut estage, part un arc boutant contre ladicte alée haute et dessous icelli a une porte pour passer et aler tout autour dudit entablement. Entre ladicte tour du coing et lesdites deux tours prochainnes de lui a un fenestraiges d'un costé et d'autre, esquels a esmaus où il a demi sains. Et audessus d'iceus sains a chapiteaux et pilerés pareux à ceux desdictes tours, et celle devise de chapiteaux, a pilerés et fenestraiges esmailliez à demi sains, se continue tout autour dudit entablement. Et les autres trois coins dudit entablement sont garnis chascun de trois tours de la devise et manière des m dessus escriptes.
Ou millieu du quarré dudit entablement, qui s'avance un petit sur le dehors, a v fenestraiges esmailliez à demi sains et chapiteaus et pilerés. Et aus ii costez dudit quarré a ii angles en ii chapiteaus, lesquelz sont esmailliez sur le haut d'esmail azuré; et audevant desdis angles a Ions pilerés sur le roont. Et sont lesdiz chapiteaus comme à v quarrés. Et aus costez de chascun desdis chapiteaus comme en demi roons enfonsés, a fenestraiges à demi sains à pilerés et chapiteaus au dessus. Et le bas dudit entablement est d'un filet roont assez grosset, qui porte tout autour ledit entablement. Et c'est la devise du premier quartier dudit entablement jusques à la première alée de dessus en montant, et de semblabe devise et ordenance sont les autres trois quartiers d'icellui entablement.
Ladicte alée est tout autour esmailliée de vert sur le plat, et ou millieu du quarré est un angle en estant dedens un chapitel à ni haus pilerés dont cellui du millieu est le plus fourni, et derrière ledit angle a un fenestraige qui est comme en une tour quarrée crenellée, et aus deux costez de ladicte tour a deux basses portes. A destre dudit angle siet un prophète en une chaiere, et en sa main dextre tient comme un rollet et sa main senestre tient sur son genouil ; et à senestre d'icellui angle siet en une chaiere
un prophète qui à sa main destre tient un rollet, et a ledit prophète grande et longue barbe. Et ou derrière du tabernacle, dudit angle, a un arc boutant contre le haut entablement qui porte la coupe en laquelle l'en met le Corps Nostre Seigneur. Et les autres trois quarrés desdictes alées sont toutes pareilles en façon et en devise, et aussint d'ymaiges, chaieres et tabernacles, à ladicie première quarré.
Audessus de ladicte première alée, en retraiant un petit dedens, a unes basses allées crénelées tout autour, lesquelles sont esmailliées de vert sur le plat. Sur la première quarré desdictes alées, aussint comme ou milieu, en tournant à destre, est TAnnunciacion Nostre Seigneur, et y est saint Gabriel agenoillié d'un genouil devant Nostre Dame, et estant avant sa main destre aussint comme se il deust tenir un rolleau. Et Nostre Dame est en sa chaiere assise, qui fait samblant de entendre la parole de rAnnunciation, et à sa main senestre tient un livre : et entre lui et l'angle est un pot où il a un lis, et au derrière dudit pot, devant Nostre Dame, a un letrin sur lequel a un livre.
Au derrière de Nostre Dame, en tournant à destre, sur le coing de l'entablement, est ladicte basse alée comme une grosse tour sur le roont, sur laquelle allée a un chastel duquel yssent les chevaux des Trois Rois. Et y a un paige sur une beste sauvaige à lonc col, qui tient lesdiz chevaus; et après sont plusieurs personnes de la compaignie desdis Rois. Et sur le tour desdictes allées, devers la seconde quarré, est Nostre Dame en séant, son filz en son giron et emprès lui est saint Joseph. Et le premier des Rois est devant et s'agenouille, et tient comme une coupe sans couvercle, et le second Roy est en estant et tient comme un escrinet, et le tiers est aussint en estant et tient comme un reliquiaire fait en manière d'une tour. Et en touts ont xii ymaiges au fait de ladicte offrande, sans les chevaux. Et Nostre Dame est dessous un toit comme de chaume, porté de iiii petites coulombes de petite façon et ouvraige et sa chaiere samble de assez petit estoffe. Et au derrière de Nostre Dame, à l'entrée de la seconde quarré, est un bien joli chastellet.
Sur la première partie de ladicie seconde quarré est le Temple ouquel Nostre Seigneur est présenté, et Symeon est en estant
TABERNACLE d'oR 21
devant l'autel, qui fait samhlant de le recevoir; et a xii ymaiges en icclle histoire. Et derrière saint Symeon a un chastel de maçonnerie à plusieurs fenestraiges à jour, tournelles et ouvrai}i;es, et est comme ou millieu de ladicte quarre. Sur la seconde partie de ladicte seconde quarre dudit entablement est Nostre Seigneur sur un asne, ainsi comme il entra en Jherusalem le jour de Pasques Flories, et ses apostres sont après lui ; et audevant de lui sont les Juys et leurs enfans qui font semblant de estendre leurs vestemens en la voie au devant de Nostre Seigneur. Et en icelle histoire sont en tout xi ymaiges. A l'entrée ou coing du secont tour roont desdittes basses allées, est la porte de Jherusalem, et outre, sur ladicte alée sont les xii apostres, et sur la fin d'icelle, si comme l'en veult entrer, sur la tierce quarre, est Nostre Seigneur qui fait semblant de laver les pies à saint Pierre qui est assis en une chaiere, et sont les apostres en estant; et entre eulz est la saincte Magdalene. Et en celle histoire sont xin ymaiges. Et au derrière de saint Pierre est un chastellet, qui fait une des autres portes de Jherusalem.
Sur la première partie de la tierce quarre dudit entablement est Nostre Seigneur à la Cène et ses desciples avec lui, et siet Nostre Seigneur au bout de la table et saint Jehan est encline en son giron, et les apostres sont assis les uns contre les autres ; et en ycelle histoire a xiii ymaiges. En la seconde partie de ladicte tierce quarre est comment Judas besa Nostre Seigneur et comment il fu pris, et comment saint Pierre copa l'oreille à un Juyf ; et en ycelle histoire a xvi ymaiges. Et ou millieu de la quarre, entre lesdictes ii histoires, a un très joli chastellet à tournelles, garites, fenestraiges et jolis ouvraiges. Sur l'entrée du tiers tour du tiers coing desdictes alées a un joli chastellet et une barrière basse devant la porte. Et après, sur le milieu dudit tour, est le Crucefiement Nostre Seigneur, et au plus près de lui sont Nostre Dame et saint Jehan l'Ewangeliste, et à destre et à senestre a plusieurs sains et saintes et Juyfs armez; et en ycelle histoire a xxi ymaiges. Et ou coing dudit tiers tour a un bel petit chastellet à ouvraiges et fenestraiges, et au devant de la porte a une barrière.
Sur la première partie de la quarte quarre dudit entablement est comment Nostre Seigneur fu enseveli, et y a plusieurs sains
et saintes; et a en ycelle histore xii ymaiges. Et en la seconde partie de ladicte quarte quarre est comment Nostre Seigneur aparut à la Magdalene quand il li dit : « Noli me tangere, » et y a II ymaiges en icelle histoire.
Sur l'entrée du quart tour est un très bel petit chastel à fenestraiges esmailliez de vert, chapiteaus et creneaus; et audevant de ladicte porte a une barrière, et sur l'alée du tour roont est comment Nostre Seigneur monta es cieux, et y sont Nostre Dame et les xii apostres à genoux, qui joignent les mains contremont, et audessus de eulz a comme une nue; et sont en celle histoire xiii ymaiges. Sur le coing dudit tour a un joli chastellet à fenestraiges esmailliés de vert, et devant la porte a une barrière à ii tourelles roondes crcnellées dessus.
Sur la première partie de la première quarre, en laquelle quarre sur la seconde partie est l'Annunciacion dessus escripte, e[s]t la Penthecouste, et y sont Nostre Dame et les apostres assis ou cénacle les uns contre les autres; et en ycelle histoire a XIII ymaiges. Et ou millieu de la quarre est un chastel de maçonnerie très joliement ouvré. Es coinz desdictes un quarres des premières alées a, en chascun coing, une petite tournelle courtelete et du haut de la seconde alée, et sont chascune à vi quarrés et à fenestraiges à jour, et en y a viii, et sont sur chascune carré ii tournelles.
Audessus de tous ces ouvraiges est l'entablement, ouquel est assise une coupe d'or en laquelle l'en met le Corps Nostre Seigneur. Et est ledit entablement quarre à iiii demi roons sur les iiii coings ; et sur le quarre, entre deux desdiz coins, a un demi roont arcellé d'un coté et d'autre, sur lequel est assis le clavel qui porte un des grans angles. Le bort dudit entablement est d'un gros fil esmaillié tout autour de rouge cler à eglettes et oisellés d'or; et le plat dudit entablement est ouvré à fueillaiges entailliez à jour très menuemcnt, et dessous lesdiz fueillaiges est tout l'entablement esmaillié de vert. Ou milieu dudit entablement a une haute mote roonde sur le plat, laquelle est tout autour très finement esmaillié de vert comme un pré, et y a connins, lièvres, oiseaux et autres diverses bestes et arbrisseaus et herbages et fleurettes.
Sur les un coins dudit tabernacle sont assis iiii piliers de
TABERNACLE d'oR 23
maçonnerie de très grant ouvraige, très finement et delieement ouvrez. Au pié de chascun desdiz un piliers a un petis angles en estant, qui tiennent chascun un lis en la main destre et ont les visaiges levez contremont. Audit pie dcsdis iiii piliers, sur le dehors, sont les un docteurs : c'est assavoir saint Grégoire, saint Augustin, saint Ambroise et saint Jherome, et sont en estant sur un petit piller roont ; et audessus de chascun de eulz a un chapitel très delieement ouvré à haut et lonc clochier; au derrière desdis sains, sur le plat desdiz piliers, d'un costé et d'autre a grans fcnestraiges esmailliez très finement d'azur. Et ou dedens, aussint comme ou millicu desdis piliers, a sur chascun un angle qui tient un encensier, et audessus de chascun a un chapitel bien haut très delieement ouvré. Aus ii costez dudit piller et au derrière des esles de chascun desdis angles a ii petites tourelles roondes à fcnestraiges esmailliez d'azur; et sur le devant, audessus desdictes tourelles, sur chascun desdiz piliers, a une chayere en laquelle siet un des Ewangelistes, et audessus de la chayere a un petit chapitel très joliement ouvré.
De l'un costé et de l'autre de chascun desdiz grans piliers a un piller comme quarré, qui va tout contremont, et portent sur la partie de devant l'ouvraige du tabernacle ; et au plus près de chascun desdiz piliers a un enarchement de m demi roons esmailliés de rouge cler : et en l'enarchement du millieu a comme ouvraiges de m doubles demi roons à iour, et sur le bout des II pointes de l'enarchement a ii rosettes; et audessus, ou dedens de l'enarchement, a un oteau à jour de m roons comme un treffle, et d'icellui en depent un autre mendre ; audessus du demi roont du millieu a un grant oteau roont à jour, ouvré très finement d'ouvraiges entrelaciez, et sont par dessous esmailliez d'azur ; et audessous dudit oteau, d'un costé et d'autre, a autres oteaus bêlions esmailliez dessous d'azur; et le pignon dudit enarchement du millieu est sur le dessus contremont de fueillaiges, et l'espy d'amont est d'un très bel fueillaigeà jour; et les pinacles des ii autres enarchemens qui sont aus costez de cellui du millicu, sont de pareille devise. Et sur les II costez du pinacle du milieu, audessus d'icellui, a ii prophètes ou apostres assis en chaieres. Et audessus des ii autres pinacles a ii autres prophètes semblablement assis en chaieres.
Et au derrière des chayeres desdiz prophètes est ledit tabernacle, tout autour esmaillié de vert à m fenestraiges d'or. Audessus desdiz prophètes a cours chapiteaux assez fourniz et chascun chapitel a m pinacles ouvrés très joliement de plusieurs menus plllerés; et dedens sont à fenestraiges à jour esmailliez dessous de vert, et les fenestraiges de dessus sont esmailliez d'azur, et le haut desdiz chapiteaus est comme la couverture d'un donjon, esmailliée de vert.
Aus II costez du grant enarchement dessus escript a ii piliers comme quarrés, dont le pié de chascun est comme d'une tourelle soupendue, très joliement ouvré ; et sur chascun d'iceulz II piliers a ii petis angeloz en estant, faisans diverses contenances. Et chascun desdiz piliers est très joliement ouvré. Et audessus des chapiteaus desdiz petis angelos, ledit piller est à lonz fenestraiges esmailliez d'azur; et audessus desdiz fenestraiges s'en va le clochier contremont très joliement ouvré à filletes et fueillaiges. Et derrière ledit piller, ou dedens de l'euvre, a un arc boutant à jour bien grant, audessus duquel a un petit angelot ; et sur le bout et affinement d'icellui pillier a un angle en estant, qui a ses eles longues jusques aus pies et tient en sa main dextre un liz d'or; et l'autre piller est tout pareil en devise et en façon.
Sur chascun des un grans piliers qui portent et soustiennent le haut tabernacle, c'est assavoir depuis les m enarchemens dessus devisez en montant contremont, a comme une grosse tour à V quarrés, dont les un quarrés qui sont dehors sont à fenestraiges esmailliez d'azur, et sur chascun fenestraige a un chapitel de très délié ouvraige, à petis clochiers montans au haut, et audessus a autres un fenestraiges esmailliez d'azur ; et chascun fenestraige a son chapitel dessus très delieement ouvré et crénelle. Et les quatre quarrés du clochier amont sont à feuillaiges entailliés et l'espi d'amont est très joliement ouvré. Audessus se continue ledit piller contremont à un fenestraiges lonz, esmailliez d'azur en un quarrés, et audessus de chascune a un chapitel à filletes à clochiers ouvrés très jolieement ; et audessus a autres iiii longues quarrés esmailliez d'azur, et sur chascune quarré a un petit chapitel, et entre deux a fillettes assez longuettes, et le haut de dessus est de un quarrés sans esmail. Et
audessus a iiii trcs petites gargoules, et audessus, sur les iiii quarrés du clochier, a iiii tourelles roondctes et longuettes; et le clochier est de fueillaiges entailliez jusques à l'espy, qui est très joliement ouvré. Et les autres m grans piliers sont tous pareux en façon et en devise, et aussint sont les autres m quarrés pareilles en devise et en façon à la quarré dcrreniere escripte et aux enarchcmens, clochiers, pinacles, chapiteaux, gargoules et fueillaiges, c'est assavoir en rapportant chascun à son samblable et à son pareil. Et monte celle ordenance et devise sur le dehors aussint comme au haut des voûtes du dedens du tabernacle.
Audessus de ladicte devise se fait une retraitte d'une alée qui va tout autour dudit tabernacle, laquelle est close d'une orbevoie à jour, à grans oteaus de un demi roons. Et est ladicte retraitte partie en quatre, dont la première partie, en laquelle est Nostre Dame en séant et tient son enfant, est de la devise qui s'ensieut. Nostre Dame ou millieu de ladicte quarré est assise dedens une chaiere très noblement ouvrée à fenestraiges et oteaus à jour, esmailliez dessous d'azur très finement; et porte son enfant sur son bras senestre, [lequel] tient une pommeted'or par la queue, et Nostre Dame à sa main destre tient une rose d'or, et est Nostre Dame vestue d'un mantel d'or qui li cuevre la teste et les cheveux jusques au front ; et ladicte chayere, où Nostre Dame siet, est assise dedens un grant chapitel esmaillié d'azur, derrière ladicte chayere et audessus de la teste Nostre Dame; et le pinacle de dessus Nostre Dame est sur le plat entaillié à jour à oteaus de diverses façons, et dessous est esmaillié de vert; et sur le dehors, en montant droit à l'espy, a fueillaiges entailliez ; et ledit espy est très joliement ouvré de fueillaiges tout autour.
Aus II costez de Nostre Dame sont la Magdalene à destre, et sainte Katherine à senestre, et nous sommes à genoux à destre de Nostre Dame devant la Magdalene, et la duchesse est de l'autre part à genous devant saincte Katherine. A destre de Nostre Dame a un grant angle en estant, dedens un mendre pinacle que cellui où est Nostre Dame, qui a ses elles derrière lui qui lui viennent bien bas par derrière, et joue des orgues ; et à senestre de Nostre Dame a un autre angle en estant, qui
20 TABERNACLE d'oR
aussint joue des orgues; et les pinacles sous qui ilz sont, sont tous pareux en façon et en devise à cellui de Nostre Dame, fors qu'il ne sont mie si grans.
A destre de Nostre Dame, en la seconde quarré, est Nostre Seigneur en la croix, et le pinacle où il est, est pareil en grandeur, en façon, en devise et esmail de celui où est Nostre Dame, et aussint les ii piliers qui sont aus ii costez dudit pinacle sont pareux aus autres. Et auprès de Nostre Seigneur sont Nostre Dame à destre et saint Jehan l'Ewangeliste à senestre; et es II pinacles, qui sont à destre et à senestre de cellui où est Nostre Seigneur, a ii angles, dont l'un joue du leut et l'autre du salterion ; et les devises et esmaux desdis pinacles sont pareux des autres dessus devisez.
En la tierce quarré est Nostre Seigneur qui tient le Jugement et est assis en une chayere ouvrée très menuement à oteaus, à compas de diverses manières très deliement ouvrez. Et derrière Nostre Seigneur et audessus de sa teste, ou dedens, est ledit pinacle esmaillié de vert par derrière, et dessus d'azur. Et le devant dudit pinacle est esmaillié de vert, et dessus Tesmail est ouvrés comme de oteaux entrelaciez ; et sur le haut est un gros espy ou bout, assis en un fueillaiges, très joliement ouvré. Aus II costez de Nostre Seigneur est Nostre Dame à destre et saint Jehan Baptiste à senestre en estant, et a Nostre Dame ses mains croisiées sur sa poitrine et saint Jehan les a joinctes ; et au derrière de Nostre Dame et de saint Jehan sont ij piliers à haus clochiers, à fenestraiges à jour, et du pié de chascun piller part un arc boutant, sur lequel arc a m petis angles faisans diverses contenances. Et aus ii costez du tabernacle ouquel est Nostre Seigneur a ii autres mendres tabernacles et ii piliers de chascun costé, de la devise des autres derrains escrips; et dedens lesdis Il pinacles a ii angles, qui ont leurs eles par derrière bien longues, et sont lesdiz angles et pinacles, tant en ouvraiges comme en esmaux, de la devise des autres. Et l'angle qui est à destre joue d'un demi canon et cellui qui est à senestre joue de la guiterne.
Dessous le pinacle et ou millieu de la quarte quarré est la croix double, semblable en façon et en couleur à la Vraie Croix dont nous avons encommencié et prins l'Ordre, et ladicte
croix tiennent ii angles à genoux, ciiascuns à ii mains. Et ou dedens est ledit pinacle par derrière esmailliez de vert, à fenestraiges grans en un osteau de iiii demi roons et le dessus est esmaillié d'azur, et sur le dehors est esmaillié de vert, à oteaus entrelaciez; et sur le bout dudit pinacle est un gros espi très joliement garni de iiii fueillaiges. Et aus ii costcz desdis angles, par derrière, a ii piliers de la façon et devise des autres, et sur l'arc de chascun a m angeloz faisans diverses contenances.
Et aus II costez dudit grant pinacle a ii autres pinacles mendres, en chascun desquelz a un angle, dont l'un joue du leut et l'autre de la guiterne; et à costé de chascun desdiz angles a un piller à lonc clochier, de la devise et façon des autres dessus devisez. Audessus de chascun desdis pinacles a une coulomme toute droite, sur le bout de chascune desquelles a un angle en estant, dont cellui qui est sur le pinacle de la première quarre dessous et dedens, lequel est Nostre Dame en séant, porte la couronne d'espines, le second porte les tenailles, le tiers le martel, le quart la cote Nostre Seigneur, le quint les deniers dont il fu venduz, le vi« l'esponge, le vii« la croix, le viii^ la lance, le ix° une des escourgies dont Nostre Seigneur fu batu, le x^ la coulompne où il fu lyé et batu, le xi^ une des escourgies et le XII* porte les m doux dont Nostre Sire fu atachié en la croix; et sont lesdis xii angles tout autour du haut clochier dudit tabernacle, sur les xii pinaclez dessus escriz, lequel clochier est tout roont, haichié à liz, à roses et autres fueillaiges et devises.
Sur le bout dudit clochier a un très grant espy à un quarrés, au plat de chascune desquelles a un angle assis comme à terre dessous un tabernacle à pinacle, esmaillié de vert et ouvré très menuement à un haut clochier, sur le bout duquel a un espi très joliement ouvré, et aus ii costez à ii petites filletes ; et font lesdiz angles diverses contenances. Sur les un coinz dudit espi, sur iiii fueillaiges repliez, a un angles assez grans qui ont grans elles par derrière et font diverses contenances; et audessus de eulz, par derrière, a une tourelle roonde à un longuet clochier ou bout duquel a un rondel sur le plat. Et audessus sont lesdictes quarres haichiées à fenestraiges ; et sur le haut sont tournclles à bas créneaux. Audessus desdiz créneaux est une terrace
28 TABERNACLE d'oR
quarrée esmaillié dessus et tout autour de vert très finement, et sur ladicte terrace est Nostre Seigneur en la Trinité, séant en une chaiere basse par derrière, et Nostre Seigneur Jhesu Crist est devant lui en la croix et audessus est le Saint Esperit, qui li descent sur la teste.
Sur les ini quarrés de l'entablemeni dudit tabernacle, et entre les un grans piliers qui portent le haut tabernacle, a iiii très grans angles en estant, c'est assavoir un sur chascune quarre, et sont leurs pies sur l'oullet dudit entablement, qui est de ni demi roons, et ferment dessous à clavel ; et tient chascun desdis angles un roUeau d'or à la main senestre et de la destre monstre au doit ledit rolleau; et par derrière ont grans eles longues descendant bien bas près des talons et sont lesdictes eles très vivement plumetées. Et de la devise, contenance et façon dont est l'un desdiz angles, sont les m autres.
Ou millieu dudit haut entablement et ou dedens d'icellui sur la haute terrace esmaillié de vert, dont dessus est faicte mencion, est assise une coupe d'or à couvercle, de la devise qui s'ensieut. Le pié de ladicte coupe, par le bas, est fait comme en crois de iiii ouvraiges quarrés sur le dehors, et entre deux desdis ouvraiges est une basse assiete qui dedens lesdiz ouvraiges entrent et sont comme à demi roont en vuit, et sur le dehors, au plus bas, a ij fueillaiges en ij petis filles roons; et ou dedens, sur le bas, sont lesdis demi roons esmailliez de vert sur le plat, à oteaus entailliés à jour. Tout autour dudit pié a souaiges tous plains et audessus a autres souaiges grenetez, audessus desquelz a autres souaiges à rozettes enlevées ouvrées très nettement. Les ini quarrés dessusdictes sont d'une façon, et dessus sont ouvrées très nettement à oteaus et ouvraiges de diverses manières, tous à jour; et dessouz sont esmailliéez de vert très vivement. Au pié du piller de ladite coupe, devers le bas, a vni oteaus comme bêlions, pointus dessus et roons au bas, dont les ini plus grans respondent aux nii quarrés en crois, et les autres ini mendres respondent [aux] demi roons encavez oudedens dudit pié; et sont lesdiz vni oteaus d'une devise à divers ouvraiges à jour, esmailliés dessous de vert. Audessus est ledit piller ouvré à plusieurs souaiges en vin quarrés, dont les iiii sont chascune à II fenestraiges, et les autres un quarrés sont mendres et sont
chascune à 11 fenestraigcs ; audcssus dcsquelz fcncstraiges a souaigcs pareux à ceux de dessous.
Sur le piller dessusdit est fondu un grant pilier à un quarrés, de très grant ouvraige de maçonnerie, t'ait comme un chastel quarré, et en chascune quarré a une porte esmaillié de rouge et une porte coulcyce audessus. Et au devant de chascune desdictes portes a un angle en estant, qui a ses elles derrière lui, descendans aval vers les talons, et font diverses contenances; et est chascun desdis angles sur un petit piller quarré, à 11 piez et en estant. Audessus de la teste de chascun desdiz angles a un grant chapitel quarré, dont la quarré devant est très joliement ouvrée à oteaus à jour, esmaillié de vert dessous ; et sur le pinacle dudit chapitel a un petit espy et aus 11 costez a 11 fiUoles de la hauteur dudit espi ; et les n pinacles des 11 costez sont de pareille devise et mendres. Audessus dudit chapitel a 11 haus fenestraigcs à jour, esmailliez dessous de vert, audessus desquelz a une guérite quarrée, en laquelle a un angle en estant ; et la quarré qui est de l'autre part, à l'opposite d'icelle, e[s]t toute pareille; et les
II autres aussint sont pareilles, mais au haut a 11 sains qui n'ont pas elles.
Sur les nii coins dudit grant piller ou chastel a iiii entablemens quarrés, sur lesquelz sont fondez iiii piliers quarrés sur le plat, boutans contre ledit piller, et sur chascun a un angle, qui a ses elles ouvertes, et audevant de lui est la hllete dudit piller. Audessus de chascun desdis angles a un chapitel ami pinacles, très delieement ouvré, et sur le haut a un clochier sur lequel a un gros espi très delieement ouvré; et ou dedens dudit piller a
III estaiges, dont le premier est esmaillié de rouge cler, le moien et le plus haut sont esmailliez de vert. Sur ledit piller se ferme à un clavel ladicte coupe ; le bas de laquelle par dehors est comme d'une ronde nue à m manières de petites nues, dont les II sont d'azur; et celle du millieu est esmaillié de more et sont lesdictes nues petites bordées d'un filet de blanc azur. De ladicte nue samblent yssir xx angles, qui sont assis 11 et 11 souz x chapiteaus, et ont leurs elles estendues audessus de leurs testes ; et lesdiz chapiteaus sont comme d'une voûte à m demi roons et un pinacle dessus contremont, à un oteau de m pointes agiies; sur le bas desdiz chapiteaus, comme sur le bout d'un piller, de
30 TABERNACLE d'oR
chascun costé, a une petite gargoule et sur le haut a ii petis clocherés, et sur le plus haut a comme une haute maison à iiii fenestraiges à jour, et la couverture est comme d'ardoize. Aux II costez de chascun desdiz chapiteaux a ii autres petis chapiteaux de samblabe façon, et entre ii desdiz chapiteaux a i piller de maçonnerie à jour, ouvrez à clochiers et pilerés très delieement.
Et le corps de ladicte coupe est tout esmaillié de rouge cler. Sur ladicte coupe siet un tyaire d'or, esmaillié de blanc, sur lequel par dehors a trois couronnes d'or à fueillaiges, sur lesquelz a brochettes pour asseoir pierrerie. Et en la première couronne, qui siet sur le bord dudit thyaire, a x grans fueilles et x petites; sur la seconde couronne, qui siet ou millieu du thyaire, a viii grans fueilles et viii petites; et sur la haute couronne a v grans fueillez et v petites ; et sont lesdictes couronnes et fueillaiges d'une façon et d'une devise. Et sur le bout du thyaire est assis '.
Ou dedens du pié, sur le bas de l'entablement dudit tabernacle, a une voûte très nettement ouvrée et esmailliée à nos armes et aus armes de nostre très chiere compaigne la duchesse. Et ou millieu de ladicte voûte a un grant oteau ront pendant aval, qui fait la clef de ladicte voûte, ouquel oteau sont nos armes esmailliées, et autour dudit oteau a autres iiii moiens oteaux, qui font les clefs des un quarrés de ladicte voûte; et entre ii desdis oteaux a ii autres clefs des voûtes adjacens aus plus grandes. La haute voûte dudit tabernacle qui est par dedens, au dessus de ladicte coupe, est de ii ars croisiez, qui partent des un grans piliers du tabernacle devers le haut, et ou millieu du haut se fermenta la clef de ladicte voûte, qui est d'un oteau roont, ouquel a un Agniis Dei sur esmail de rouge cler. Et entre lesdis iiii piliers a un ars qui partent de l'un des piliers et se rendent chascun à son pareil. Et audessous desdiz ars et entre ij piliers, a voûtes ravalées à ars assez plas à double croix ; et sont lesdictes voûtes toutes esmailliées très vivement et très nettement de rouge cler, à angles nuez dessous l'esmail et faisans diverses contenances.
I. Il y a là un blanc de six lignes et demie, en sorte que la description de la tiare est incomplète.
CROIX d'or 3i
Et poise tout ledit tabernacle avec les grans angles et petis, la coupe, le thyaire, le pic et autres choses appartcnans à ycelli iicijiixxvi mars, vu onces, v estellins.
2. Une très belle et riche croix d'or, garnie de grosses pierrcrie et perles tout le front de devant sur les quatre fleurons, et entre yceuls et sur le haut des costez, tout autour de la croix, de balays et de perles plus menus et d'un saphir au bas du fleuron de dessous; et est la pointe de ladicte croix comme quarrée sur le plat, assés longuete et toute plainne, et sur le haut d'icelle pointe siet comme le siège d'un pillicr, apuié sur les quatre cantons de quatre pilliers bouterés ; et ladicte croix est hachiée sur le plat devant, et derrière aune ceinte menue, et sur les fleurons a compas. Sur la croisiée dedens a une croix ; et derrière a un compas entrelacié; et tout autour sur les quatre cantons est ladicte croix garnie de quatre haus souaiges roons, et sur le millicu des costez tout autour d'un autre roont souaige, plus haut assis entre deux bas, et les fleurons d'icelle croix sont sur le tour de fueille de treffle. Et sur ladicte croix est une ymage de Nostre Seigneur, tout enlevé d'or paint, atachié par les pies et par les mains à trois clous de trois diamans, et à grans cheveux descendans derrière sur l'espaule senestre et sur les costez de son visage jusques sur sa poitrine ; et sa barbe est assés longuete, et dessus sa teste a une couronne d'or tuerse à plusieurs pointes comme d'espine saillans ; et sur le bas est couvert d'un drap d'or lyé sur le costé senestre.
Et les pierrerie et perles dont la croix est garnie sont de la devise et assises sur et entour ladicte croix en la manière qui s'ensuit; et premièrement sont declairics les pierrerie et perles assises sur le plat de ladicte croix et de ses fleurons, et après celles qui sont assises sur les costez en crampons et autres pièces partans du haut souage des costez de ladicte croix dessus devisée.
Sur le fleuron bas de ladicte croix a trois troches, chascune de trois grosses perles et d'un diamant ou millieu ; et la perle basse de la troche, qui est dessous, est longuete, sur tour de poire, de bonne pel et assés blanche et de clere eaue. La perle
32 CROIX d'or
de ladicte troche estans dessus à dextre est roonde, assés
blanche et de pel un po grassete. Et la perle d'icelle troche
estant à senestre est sur le roont dehors et plate sur son assiete,
de bonne pel et clere eaue, un pou vermeille. Et le diamant de
ladicte troche est assés grosset. La perle qui est sur le dehors
de la troche, de la part dextre dudit fleuron, est assés plate, de
bonne pel et blanche et de clere eaue sur le roont dessus, et
dessous tourble et grasse. La perle haute de ladicte troche, qui
est dedens euvre, est plate, de bonne pel, et blanche et de clere
eaue. Et la perle basse d'icelle troche est sur le plat à une
bossete sur le bas, d'assez bonne pel et blanche, mais qu'elle n'est
pas onnie. Et le diamant de ladicte troche est assés grosset. Et
la perle qui est sur le dehors de la troche de la part senestre
dudit fleuron est longuete sur tour de poire, de blanche pel
grassete. La perle haute de ladicte troche entrant dedens euvre
est longuete sur tour de poire, coqiie dessus, de bonne pel,
blanche et clere. Et la perle basse d'icelle troche est de tour de
poire, sur le roont de bonne pel et blanche et de clere eaue. Et
le diamant de ladicte troche est sur le plat assés petit. Et les
IX perles des trois troches dessus devisiées sont estimées peser
chascune, l'une par l'autre, de vi et demi en vu caras ; et les
trois diamans qui y sont, comme dessus est devisié, chascun
demi carat. Et entre icelles trois troches a un gros et grant
balay cabuçon, enchastonné sur le tour d'un escu, à haute face
et grande, sur laquelle a une fosse au dextre leiz d'en haut; et
est ladicte pierre sur couleur clere et pale et dedens fort glaciée,
estimé peser de lxvi à lxx caras.
Sur le bas de l'arbre de ladicte croix, dessus ledit fleuron sont assises à potence deux perles roondes et grosses, dont celle qui est à dextre est de belle pel et de bonne eaue et clere, traihant sur le vermeil ; et celle qui est à senestre est de blanche pel et bonne, et d'assés clere eaue. Dessus lesdictes deux perles a un saphir enchastonné haut à crampons, assez longuet sur le roont dessus et plat dessous et d'assés bonne face et haute, sur laquelle a aucunes petites fossetes; et est d'assés bonne eaue et clere et de bonne couleur, percié du lonc sur le bioys, estimé peser de xiii à xiiii caras. Dessus ledit saphir a deux perles assises en potence assés roondes et grosses sur le lonc, dont celle qui est à dextre
CROIX d'or 33
est de pel un peu traihant sur le sor, assés clere et de bonne eaue, et celle qui est à senestre a une felle sur sa face et est d'assés bonne pel et clere eaue, traihant sur le vermeil. Dessus lesdictes deux perles a un balay sur un haut chaaston, qui est sur le tour d'un cucr couchié à plate face, de bonne eaue et sur clere couleur de rose, et sur la part dextre au bas a une grande glace, estimé peser de xii en xui caras. Dessus ledit balay a deux perles en potence, roondes et grosses, de bonne pel et blanche et de clere eaue, dont celle qui est à dextre est la moins blanche, et celle qui est à senestre est bien blanche ; et dessus, tournant sur le costé dextre, a un dyamant qui fait clou passant par les pies de Nostre Seigneur, lequel est assés grosset, extimé peser demi carat ou i vni<^ plus.
Et sur ledit arbre, dessous Fenleveure des jambes de Nostre Seigneur, sont une perle et un saphir assis en bas chaastons, dont la perle est le plus bas, un pou plate dessous et roonde dessus, de blanche pel et de clere et bonne eaue. Et le saphir est longuet, à costes, à face assés haute, de couleur tourble asurée et crasset, extimé peser de ix à x caras.
Sur le fleuron destre de ladicte croix a trois troches, chascune de trois grosses perles et d'un diamant ou millieu, et la perle de dehors euvre de la troche, qui fait le bout de la garnison du plat dudit fleuron, est sur le lonc, de bonne pel, assés blanche, traihant un pou sur le vermeil, et de clere eaue. La perle haute de ladicte troche est sur le roont, de pel blanche, tourble et crassete. Et la perle basse de ladicte troche est assés roonde, de belle pel, assés blanche et de bonne et clere eaue, traiant sur le vermeil. Et le dyamant qui est ou millieu est assés petit. La perle qui est sur le haut de la troche du haut costé dudit fleuron est sur le roont, un peu longuete, de belle pel et blanche et de fine et clere eaue, à une goûte blanchete sur le costé senestre dessus. La perle d'icelle troche qui est sur le bas au destre costé, est toute roonde, de très belle pel et blanche et de fine et clere eaue. Et la perle de ladicte troche estans bas au costé senestre, est plate sur son assise et roonde assez dedens euvre, de belle pel et blanche et de clere eaue et assez fine. Et le diamant de ladicte troche est assés grosset. La perle qui est sur le bas de ladicte troche, du bas costé dudit fleuron, est plate sur son
34 CROIX d'or
assiete, et assés roonde à l'autre leiz, de belle pel et blanche et de bonne eaue et clere, et a sur le dessus une goutelette blanche. La perle de ladicte troche, qui est sur le haut à destre, est assés roonde, de belle pel et blanche, et de fine et clere eaue. Et la perle d'icelle troche, qui est sur le haut à senestre, est toute roonde, de belle pel et blanche, et de fine eaue et clere. Et le diamant de ladicte troche est assés petit. Et les ix perles d'icelles trois troches derrenierement devisiées sont extimées peser chascune, l'une par l'autre, de vi et demi en vu caras; et les trois diamans qui y sont, chascun i tiers de carat. Et entre les trois troches dessus escriptes a sur un chaaston, tenu à quatre crampons, un grant saphir quarré, à haute face comble descendant sur les quarrés, de eaue traiant sur le cler asuré et crasset sur la coste de devers la croix, devers laquelle a aussi aucunes fossetes sur sa face, les unes plus grandes des autres, qui sont toutes sur le bout, extimé peser de lxxv à iiii^^ caras.
Auprès dudit fleuron, en entrant dedens la croix, sur la
branche dextre a deux perles grosses, assises à potence, dont la
haute est sur le roont et la basse sur le lonc, de belles peauls,
assés blanches et de bonne et clere eaue. Après les dictes deux
perles siet sur un chaaston à quatre crampons un balay lonc,
percié sur le byois, roont sur le costé dextre et plat sur le
senestre, d'assés plate face, de couleur vermeille et de bonne
eaue, un pou tourblete ; et sur le millieu, vers la part senestre,
a une fosse sur sa face; extimé peser de xii à xiii caras. Après a
un diamant assés grosset, qui fait clou passant par la main
dextre de Nostre Seigneur, et puet peser demi carat. Après a
deux perles assises à potence, roondes sur le dehors et plates
dedens sur leur jointure, de belles peauls et blanches et de fine
et clere eaue. Après lesdictes deux perles siet un balay sur un
chaaston entre quatre crampons, sur le tour d'une targe, percié
du lonc à face assés roondete, de couleur violée et de bonne et
clere eaue ; et sur sa face a deux fossetes ; extimé peser de x à
XI caras. Après ledit balay a deux perles assises à potence^
longuetes, sur tour de poire, de belles peauls et blanches et de
fine et clere eaue.
Sur le fleuron senestre de ladicte croix a trois troches, chascune de trois grosses perles et d'un diamant ou millieu ; et la
CROIX n'oR 35
perle de dehors euvre de la troche, qui fait le bout de la garnison du plat dudit fleuron, est, sur le roont, un pou plate sur son assiete, de très belle pel et blanche et de très clere et fine eaue; et sur le dessus, un pou derrière, a une fosse. La perle haute de ladite troche est sur le roont un pou plate, de belle pel, assés blanche et de bonne eaue et clere. Et la perle basse d'icelle troche est roonde, de belle pel, un pou sorette, et de bonne eaue et clere. Et le diamant d'icelle troche est assés petit. La perle qui est sur le haut de la troche du haut costé dudit fleuron est sur le roont bien plate sur son assiete, un pou dessus de sore pel et de assés bonne eaue et clere, et sur sa face a une fente menue. La perle d'icelle troche, qui est sur le bas à dextre, est assés roonde un pou sur le plat, de très belle ounie et blanche pel, et de fine et clere eaue. Et la perle de ladicte troche, estant sur le bas à senestre et sur le roont dehors, et plate sur son assiete, de belle pel et blanche, et de bonne et clere eaue, et sur face près de son assiete, a une fossete. Et le diamant de ladicte troche est assés petit. La perle, qui est sur le bas de la troche, du bas costé dudit fleuron, est roonde, un pou longuete et ague sur son assiete, de belle pel assés blanche, traiant un pou sur le vermeil, et de bonne et clere eaue. La perle de ladicte troche, qui est sur le haut à dextre. est assés roonde, de belle pel sore, assés blanche, et de bonne et clere eaue. Et la perle d'icelle troche, qui est sur le haut à senestre, est assés roonde sur le lonc, de belle pel assés blanche et ounie, et de bonne'et clere eaue. Et le diamant de ladicte troche est petit. Et les ix perles d'icelles trois troches derrenierement devisiées sont extimées peser chascune, l'une par l'autre, de vi et demi en vu caras. Et les trois diamans qui y sont, chascun i quart de carat. Et entre les trois troches dessus escriptes a un grand saphir quarré sur le lonc, assis sur un chaaston entre quatre crampons, pcrcié du lonc, à assés haute face de belle coleur asurée, et de bonne et clere eaue; et sur sa face a aucunes fossetes; extimé peser de l en lv caras.
Auprès dudit fleuron, en entrant dedens la croix, sur la branche senestre a deux perles grosses, assises à potence, qui sont longuetes de tour de poire et un pou agûes sur leur Jointure, de belles peauls et blanches, et de bonne eaue et clere. Après lesdictes deux perles a un balay longuet, roont sur son costé
36 CROIX d'or
senestre, assis sur un chaaston entre quatre crampons, et est percié du lonc, d'assés haute face et couleur vermeille et de bonne eaue un pou troublete; et sur sa face a sur le bas une fosse et un pertruis au dedens, et sur le costé dextre un petit pertruis; extimé peser de xiiii en xv caras. Après a un diamant assés petit, qui fait clou par la main senestre de Nostre Seigneur, et puet peser demi carat. Après a deux perles assizes à potence sur le roont dehors et plates un pou sur leur jointure, de belles peauls assés blanches, et de bonne eaue et clere, mais la basse est farineuse. Après ycelles deux perles a un balay sur façon comme de targe renversée, assis sur un chaaston entre quatre crampons d'assés plate face, de belle couleur et vive, assés vermeille, et de bonne et clere eaue; et sur sa face a une grande fosse du lonc, et au bas, près d'icelle fosse, un pertruis; extimé peser de xi en xii caras. Auprès dudit balay a deux perles assises à potence, assés roondes et plates un po sur leur jointure, d'assés belles peauls, un pou sorettes, et de bonne et clere eaue, dont la plus haute est la plus clere et a une vainne longuete en descendant sur sa face.
Sur la croisiée de ladicte croix, qui est derrière la teste du Crucefix, sur le haut, comme pour dyadesme, a un gros balay et trois saphirs et quatre grosses perles autour; et ledit balay est assis sur un chaaston entre quatre crampons, et est cabuçon sur le roont, percié du lonc à haute face et bossée de couleur violé et de bonne eaue et clere, mais il est glacié sur son costé dextre, sur lequel a en sa face une grande fosse à pluseurs encaveures; extimé peser de xl en xlv caras. Autour dudit balay a sur le bas à dextre une grosse perle assise toute seule sur le lonc, de tour de poire, de belle pel et blanche, et de très clere et fine eaue, extimé peser de ix et demi en x caras. Après ladicte perle, en tournant sur le dessus, environ ledit balay a un saphir longuet à VIII costes, assis sur un chaaston entre quatre crampons, à face assés plate, de clere couleur azurée et de bonne eaue, toute nette pierre, extimé peser de vu et demi en viii caras. Dessus ledit saphir en tournant, a une grosse perle longue, largette sur le haut, assize toute seule, de belle et blanche pel et d'assés clere et fine eaue, extimée peser de x carats en x et quart. Après ladicte perle et droit sur le balay dessus devisié, siet un
CROIX d'or 37
saphir longuet de clcre couleur asurée et de bonne eaue et nete, à face un pou haute et à viii costes; et est en un chaaston, entre quatre crampons, extimé peser de ix et denîi en x caras. Après, en descendant à senestre, autour dudit balay siet une seule perle grosse et longue, de belle pel, assés blanche, et de bonne et clere eaue, et sur sa face perent trois vainnes; extimée peser de x caras en x et demi. Dessous ladicte perle siet un saphir à VMi costes sur le roont, sur un chaaston. entre un crampons, à face assés plate, de bonne couleur sur cler asur, et de belle eaue et nete, mais que dedens sur le haut à senestre pert une glace ; extimé peser de x et demi en xi caras. Et dessous ledit saphir siet toute seule une grosse perle de tour de poire, de belle pel et blanche, et de clere et bonne eaue, extimée peser de ix et demi en X caras.
Sur la branche haute de la croix, au bas devers ladicte croisée et dessus le saphir couchié, qui est dessus le gros balay dessus dit, a deux perles assises à potence, roondes dehors et un pou plates sur leur jointure, de belles peauls et blanches et de fine eaue et clere. Dessus icelles deux perles siet un balay longuet sur un chaaston en quatre crampons, lequel est percié sur le lonc et fort glacié, à haute face de couleur clere sur vyolé et d'assés bonne eaue; et sur sa face a deux fosses; extimé peser de VIII et demi en ix caras. Dessus ledit balay a deux perles assises à potence, assés roondes, de belles peauls et blanches, un pou soretes, et de clere et bonne eaue. Dessus lesdictes deux perles siet un saphir quarré sur un chaaston, entre quatre crampons, à haute face, de couleur fort asurée, et de bonne eaue et clere, toute nette pierre, extimé peser de vi et demi en vu caras. Dessus ledit saphir a deux perles assises à potence, roondes sur le lonc, de bonnes pels et blanches, et de belle et clere eaue; mais sur la senestre a plusieurs goûtes. Dessus ycelles deux perles siet un balay longuet, comme à costes, sur un chaaston, entre quatre crampons, lequel est percié du lonc, à haute face, d'assés clere et bonne couleur sur violé et de bonne eaue; et sur le bas est un pou dedens glacié, et sur sa haute face a deux fosses; extimé peser de xv en xvi caras. Dessus ledit balay a deux perles assises à potence, roondes et un pou plates sur leur jointure, de très belle peauls et blanches et de très fine et clere
38 CROIX d'or
eaue. Dessus ycelles deux perles sict un balay longuet, comme à costes, sur un chaaston entre quatre crampons, lequel est pcrcié du lonc, à haute face, d'assés clere et bonne couleur sur violé et de bonne eaue, et sur le bas est dedens un pou glacié et sur sa haute face a deux fosses; extimé peser de xv en xvi caras. Dessus ledit balay a deux perles assises à potences, roondes et un pou plates sur leur Jointure, de très belles peauls et blanches, et de très fine et clere eaue. Dessus ycelles deux perles siet un saphir longuet sur tour de poire, sur un chaaston, entre quatre crampons, et est percié du lonc, à face haute et de bonne couleur sur asur cler, et de belle eaue et clere, et sur sa pointe a une fossete ; extimé peser de xii en xni caras. Dessus ledit saphir, auprès du fleuron haut de ladicte croix, a deux perles assises à potence, roondes sur le dehors et plates sur leur jointure, de belles peauls assés blanches, et de bonne eaue et clere.
Et toutes les perles assises à potence deux et deux et celle qui est dessous les jambes du Crucefix dessus devisées, qui sont en nombre par tout xxix perles, sont estimées peser, chascune l'une par l'autre de ini caras et iiii et quart, ou nn et demi pour le plus.
Sur le haut fleuron de ladicte croix a trois troches, chascune de trois grosses perles et d'un diamant ou millieu, et la perle de dehors euvre qui fait le bout de ladicte troche basse dudit fleuron à dextre, est sur le lonc bien roonde de très belle blanche et ounie pel, et de fine et clere eaue. La perle haute de ladicte troche est bien roonde, de belle pel et blanche, et de bonne eaue et clere; et la perle basse de ladicte troche est roonde, un pou longuete, de belle pel et blanche sur le bout et jaune sur son assiete, et de bonne eaue et clere. Et le dyamant d'icelle troche est assés grosset. La perle de la troche haute dudit fleuron, qui fait le bout de la garnison du plat d'icellui, est roonde, de belle pel et blanche, et de bonne et clere eaue, mais que elle a une longue vainne sur sa face. La perle de ladicte troche, qui est dessous à dextre, est assés roonde sur sa face et pointue dessous, de belle pel et blanche, et de bonne eaue et clere, un pou goûtée. Et la perle de ladicte troche qui est bas à senestre, est assez roonde, de pel sore et rousse, et d'assés bonne eaue et clere ; mais sur sa face elle a une vainne et pluiseurs goûtes. Et le dyamant
d'icelle trochc est gros. La perle dehors euvre, qui fait le bout de la troche basse dudit fleuron à senestre, est ronde sur le lonc et un pou plate sur son assietc, de belle pel et assés blanche, et de bonne et clerc eaue. La perle haute de ladicte troche est sur le roont assés largette, de belle pel et blanche, et de bonne et clere eaue, à une fossete dessus; et la perle basse de ladicte troche est bien roonde, de belle pel et blanche, et de clere et fine eaue. Et le diamant d'icelle troche est bon sur le petit. Et les IX perles d'icelles trois troches derrenieres devisées sont estimées peser chascune, Tune par l'autre, de vi et demi en vn caras; et les trois diamans qui y sont, chascun demi carat. Et entre les trois troches dessus escriptes a un gros balay cabuçon, comme sur le tour d'un cuer, assis sur un chaaston, entre quatre crampons, à haute face et bossée, de couleur sur cler vermeil un pou fade et d'asscs bonne eaue, et est fort glacié dedens, et sur sa face a une grant fosse et pluseurs feilles; extimé peser de lxx à Lxxv caras.
Sur le bas de ladicte croix, dessous et au dehors du bas fleuron, a un saphir sur le roont, assis en un chaaston entre quatre crampons, lequel est percié sur le travers de son assiete, d'assez plate face, de belle couleur sur cler azuré et de bonne eaue, un pou crassete pierre, extimé peser de vi en vu caras. Et est ledit saphir à costé de deux petites perles roondes, de blanche pel et de bonne eaue, qui pueent peser chascune, l'une par l'autre, I carat. Sur le costé dextre dudit bas fleuron au bas, et dessus le haut souaige des costez de la croix, sont deux perles assises ensemble, dont la plus basse est sur le roont, longuete et plate sur son assiete, de belle et blanche pel et de bonne eaue; et l'autre est plate et petite, blanche et clere. Dessus Icsdictes deux perles, en tournant et montant sur le dextre costé dudit fleuron, siet un petit balay en un chaaston et à crampons, lequel est coquû sur le roont et percié du lonc, à face haute, de couleur pale et tourble eaue, glacié dedens. Dessus ledit balay a trois perles coquûes, assises ensuiant, dont la plus basse est comme jumelle, et sont de blanche pel et de clerc eaue. Dessus les dictes trois perles siet un balay tourné comme sur le quarré, percié du lonc, à haute face sur laquelle a une grant fosse de bonne couleur, et de clere et Hnc eaue sur le cler vermeil. Dessus
ledit balay, en tournant sur le costé dextre de l'arbre de ladicte croix, a quatre perles roondes assés grossetes, assises ensuiant, de blanche pel et de clere eaue. Dessus lesdictes quatre perles siet un petit balay sur le roont, percié du lonc, à plate face, à une feille au dextre leiz. Dessus ledit balay sont quatre perles assés roondetes et grossetes, plates sur leurs jointures, de blanche pel et de clere eaue. Dessus ycelles perles siet un petit balay Icnguet sur le roont et percié du lonc, à haute face, de couleur assés vermeille et de eaue trouble et crassete, glacié dedens. Dessus ledit balay sont quatre perles coquiies, de blanche pel et de clere eaue. Dessus lesdictes perles siet un balay, petit, longuet, percié du lonc, à haute face, de couleur pale et de bonne eaue, un pou glacié. Dessus ledit balay sont quatre petites perles coquiies, de blanche pel et de clere eaue. Dessus lesdictes perles siet un balay petit, longuet, percié du lonc, à haute face, de couleur pale et de bonne eaue, un pou glacié. Dessus ledit balay sont quatre petites perles coquiies, de blanche pel et de clere eaue. Dessus lesdictes perles a un petit balay longuet à haute face, de pale couleur et d'assez bonne eaue, un pou glacié dedens. Dessus ledit balay sont assises quatre grossetes perles sur le roont, de blanche pel et de clere eaue. Dessus lesdictes perles a un balay longuet, percié du lonc, à haute face, de couleur pale et de clere eaue. Dessus icellui balay siéent quatre perles, dont les deux d'amont se tournent pour la croisée et sont roondes et grossetes, de blanche pel et de clere eaue. Après les dictes perles siet un balay saillant dessus les perles pour le tour de la croisée, lequel est longuet, percié du lonc, à haute face, de couleur pale et de eaue tourblete. Dessus ledit balay sont quatre perles dont les trois d'amont se tournent au costé bas de la branche dextre de ladicte croix, lesquelles sont grossetes sur le roont, de blanche pel et de clere eaue. Après siet un petit balay roont à haute face tout tourblé et glacié. Après ledit balay a quatre perles assés plates, assises ensemble, de blanche pel et de clere eaue. Après lesdictes perles est un petit balay longuet, à haute face, percié du lonc, de fade couleur et de eaue un pou troublete. Après ledit balay, au tournant du fleuron dextre de la croix, a trois perles grossetes roondes d'un costé et plates de l'autre, de blanche pel et de clere eaue. Après a un lonc balay
percié du lonc, a haute face, de couleur sur le violé, de eaue clcre et bonne, à une fosse sur sa face haut et une autre parfonde sur son costé dextre. Après ledit balay a quatre perles grossetes et roondes, assises ensemble, dont les 11 moiennes sont les plus grosses, toutes de blanche pel et de clere eaue. Après ycelles perles est un balay longuet, percié du lonc, à haute face, de bonne couleur sur le brun cler et de clere eaue. Après ledit balay a quatre perles roondetes sur le petit, assises ensemble, de blanche pel et de clere eaue. Après ycelles perles, sur le bout dudit fleuron dextre, a un balay longuet, large sur le dehors de Teuvre, percié du lonc, à haute face, de couleur clere sur le violé et d'assés bonne eaue et clere. Après ledit balay. sur le tournant haut dudit fleuron, a quatre perles ensemble dont les II des bous sont sur le roont, l'une des autres plate et Tautre coque et obscure, toutes de blanche pel et de clere eaue les trois. Après lesdictes perles est un balay longuet, percié du lonc, à haute face, sur couleur pale et de clere eaue, fort glacié dedens. Après ledit balay sont quatre perles ensemble, assés roondetes, de blanche pel et de clere eaue. Après ycelles perles a un balay longuet, large dessus, percié du lonc, à face plate, de belle couleur sur le cler vermeil et de bonne eaue, à une taiche sur sa face. Après ledit balay, en descendant sur, le tour haut dudit fleuron dextre, a trois perles coques, dont la première est clere et blanche et les deux après troubles. Après, sur le haut costé de la branche dextre de la croix, est un petit balay coquù, percié du lonc, à haute face, bossée de couleur clere traiant sur le brun et de bonne eaue, et a sur sa face une fosse largette. Après ledit balay sont quatre perles, toutes sur le plat, de blanche pel et de clere eaue. Après ycelles perles est un petit balay sur le roont, de haute face, de couleur pale et de clere eaue. Après ledit balay a quatre perles, trois coques sur le costé haut de ladicte branche et une montant autour de la croisiée, assés roonde, de blanche pel et de clere eaue toutes. Après lesdictes perles a un balay saillant pour le tour de la croisiée, lequel est longuet sur le roont, percié du lonc, de belle et fine couleur sur le vermeil cler et de bonne eaue, et clere et nette pierre, et sur sa face a aucunes fossetes. Après ledit balay sont quatre perles ensuiant, dont les trois se montent au dextre costé de la branche
haute de la croix et sont toutes assés roondes et grossetes, de blanche pel et de clere eaue. Dessus lesdictes perles a un petit balay, sur le quarré percié, à face assés plate, de bonne couleur sur le violé, et de clere eaue, nette pierre. Dessus ledit balay a quatre perles ensuiant de diverses façons, toutes de blanche pel et d'assés clere eaue. Dessus ycelles perles a un balay sur tour de cuer, percé de byois, à face plate fossée dessus, de couleur un peu trouble et crassette pierre. Dessus ledit balay a trois perles, la première la greigneur et la moienne la mendre, de blanche pel et de clere eaue. Dessus ycelles perles, sur le tournant du haut fleuron, à dextre et sur le bas, a un petit balay longuet, percié du lonc, à haute face, de couleur pale et de clere eaue, glacié dedens. Dessus ledit balay a une seule perle longuete, de blanche pel et de clere eaue. Dessus ladicte perle un balay longuet, large dessous, à haute face, de couleur clere et de bonne eaue, et a une fossete sur sa face au haut leiz dehors euvre. Dessus ledit balay a quatre perles de diverses façons et bontez, toutes de blanche pel et de clere eaue. Dessus lesdictes perles a un lonc balay percié du lonc, à plate face, de clere couleur sur le violé et de bonne eaue, et sur le lonc de sa face a une fosse grande. Dessus ledit balay, au tournant à dextre du bout dudit haut fleuron, sont iiii perles sur le roont, toutes de blanche pel et de clere eaue. Après lesdictes perles, sur le bout dudit haut fleuron, a un balay coquii, percié sur le lonc, à face assés plate, de bonne couleur sur le violé et de clere eaue, et a une feelle déliée sur sa face. Après, en descendant sur le tour dudit fleuron au costé senestre, a quatre perles rondes, les unes plus grosses que les autres, de blanche pel et de clere eaue. Dessoubz lesdictes perles a un balay longuet, percié du lonc, à face hautelette, de belle couleur et clere et de bonne eaue. Dessous ledit balay a quatre perles, la première ague et les trois autres sur le roont, toutes de blanche pel et de clere eaue. Dessous lesdictes perles, sur le tour bas dudit fleuron à senestre, a un balay longuet, percié du lonc, à haute face, de couleur pale et de clere eaue, glacié dedens. Dessous ledit balay a une seule perle plate devers ledit balay. Dessous ladicte perle a un petit balay sur le roont, percié du lonc, à plate face fossée, de pale couleur et de clere eaue, glacié dedens sur le millieu.
CROIX d'or 4^
Dessous ledit balay, en descendant sur le costé senestre de ladicte haute branche de la croix, a trois perles d'une suite, les deux roondetes et la moienne coquiie, de blanche pel toutes et de clere eaue. Dessous ycelles perles a un petit balay à trois costes, de haute face et roonde, de pale couleur et de clere eaue, glacié dedens un pou. Dessous ledit balay sont quatre perles roondes de blanche pel et de assés clere eaue. Dessous ycelles perles a un balay à trois cantons, d'assés haute face, à pale couleur et de eaue troublete, glacié dedens, et sur une de ses costes a une fosse. Dessous ledit balay a quatre peiles, dont la darreniere tourne sur le dehors pour la croisée de la croix, lesquelles sont sur le rooni, de blanche pel et de bonne eaue. Après lesdictes perles a un balay saillant pour le tour de ladicte croisiée, lequel est du tour d'un cuer large renversé, percié de byois, à haute face, de clere couleur et de bonne eaue, glacié sur le canton bas, et près de l'autre a une fossete. Dessous ledit balay a quatre perles roondes, dont les trois sont sur le haut costé de la branche senestre de ladicte croix près de la croisiée, toutes de blanche pel et de clere eaue. Après lesdictes perles siet un petit balay percié du lonc, à plate face, de couleur palette et de eaue un pou troublete. Après icellui balay sont quatre perles assés coquiies et de trouble pel et eaue, excepté la derreniere qui est blanche et clere. Après lesdictes perles est un petit balay sur tour de losenge, percié de travers, à plate face, de pale couleur et de clere eaue. Après, sur le tournant du fleuron senestre de la croix, a en montant trois perles plates d'assés blanche pel et de clere eaue. Dessus lesdictes perles est un balay longuet, percié du lonc, à haute face, de pale couleur et de trouble eaue crassete et glacié dedens, et auprès de sa pointe, sur le costé dehors euvre, a une fosse. Après ledit balay sont quatre perles assés roondes de blanche pel et de clere eaue. Après lesdictes perles est un balay cabuçon, percié du lonc à haute face costée, de bonne coleur sur vyolé et de clere eaue, glacié sur le bas costé dedens euvre. Après ledit balay sont quatre perles assés coques, de blanche pel et de clere eaue. Après lesdictes perles, sur le bout dudit fleuron senestre, a un balay lonc percié, à haute face, de pale couleur et glacié fort. Dessous ledit balay, au tournant dudit fleuron devers le bas, a quatre
perles roondes de blanche pel et de clere eaue. Après icelles perles est un balay, sur le lonc percié, à plate face, de couleur assés pale et de eaue un pou crassete, et sur son haut bout a un pertruis. Après ledit balay a quatre perles assés coquues, qui ne sont pas toutes blanches ne cleres. Après icelles perles est un balay sur tour de losenge, percié de byois, à plate face fossée, de clere couleur sur violé et de bonne eaue. Dessus ledit balay, au tournant dudit fleuron devers la branche, a trois perles, dont la première est sur le roont et les deux autres plates et coquues, de blanche pel et de clere eaue. Après lesdictes perles, sur le costé bas de ladicte branche est un petit balay, percié du lonc, à plate face, de bonne couleur sur violé et de clere eaue, toute nette pierre. Après ledit balay sont quatre perles, les deux sur le roont, l'une longuette et Tautre sur le plat, toutes de blanche pel et de clere eaue. Après lesdictes perles est un balay, percié du lonc, à haute face et roonde, de pale couleur et de eaue troublete. Après ledit balay sont quatre perles, dont la darreniere se tourne bas pour le tour de la croisiée de ladicte croix, toutes roondes, excepté la première qui est plate sur sa jointure, de blanche pel et de clere eaue. Après lesdictes perles est un balay saillant pour le tour de ladicte croisiée, à haute face roonde, de pale couleur et de trouble eaue. Après ledit balay a quatre perles roondes, dont les trois bassent [sic) se tournent sur le costé senestre de la croix, de blanche pel et de clere eaue. Dessous lesdictes perles est un lonc balay percié, à face haute, de couleur sur violet et de clere eaue, glacié au costé dedens euvre, et a fossettes sur sa face. Dessous icellui balay a quatre perles, trois coques et une sur le roont, de blanche pel et de clere eaue toutes. Dessous lesdictes perles est un balay a haute face de pale couleur et de eaue trouble, crasset et glacié. Dessous ledit balay sont quatre perles, trois longues et une roonde, de blanche pel et de clere eaue. Dessous lesdictes perles est un balay percié du lonc, à haute face et roonde, de couleur palete et eaue un pou troublette. Dessous ledit balay a quatre perles assés coques, de obscure pel, fors la darreniere, qui est clere sur le roont. Dessous lesdictes perles a un balay longuet, plat dedens euvre et roont dehors, à plate face, de pale couleur et de clere eaue, et sur le bas de sa face
CROIX d'or 45
a une fosse et sur le haut bout un pertruis. Dessous ledit balay a quatre perles, 11 sur le roont et 11 longuctes, de blanche pel et de clere eaue. Dessous lesdictcs perles a un balay sur le roont, percié du lonc, à haute face, de bonne couleur sur roze et de clere eaue, assés nette pierre. Dessous iccUui balay a quatre perles, dont les m hautes sont roondcs et la derreniere longuetc, qui se tourne sur le bas fleuron de la croix, de blanche pel et de clere eaue. Dessous lesdictes perles est un balay, percié du lonc, à face plate toute fossée, de bonne couleur et de clere eaue, fort glacié dedens. Dessous ledit balay sont quatre perles assez coques, dont les 11 valent mielz des autres. Dessous les dictes perles est un balay sur le roont, pointu dessus, percié de byois, à haute face roonde, de couleur palete et de clere eaue glacié dessus, et sur le haut de sa face a deux fossettes. Dessous ledit balay a deux perles qui font fin de la garnison de ladicte croix ainsi comme elle dessus devisée, dont la darreniere n'est pas trop bonne ne blanche, et l'autre est plus clere.
Et tous les balays de la bordeure de ladicte croix dessus et darrenierement devisiés, qui sont en nombre xlvii par tout et divers pois, assés plus gros les uns que les autres, sont extimés peser chascun, l'un par l'autre, vu caras.
Et toutes les perles de ladicte bordeure assises entre lesdis balays et dessus darrenierement devisiées sans extime de pois, qui sont en nombre par tout viii^^ et xv perles de diverses façons et bontez, sont extimées peser : c'est assavoir les roondes, chascune l'une par l'autre de 11 caras en 11 et demi; et les cornues, chascune l'une par l'autre de 11 caras et demi en 11 et III quars.
Et par ainsi appert que sur ladicte croix et sur sadicte bordeure sont en tout de diverses façons, pois et bontez lvii balays, X saphirs, xv diamans et ii^ xlvi perles. Et poise en tout ladicte croix en pierrerie, perles, crucefix et autre or ix mars m estellins.
Et au costé dextre dudit crucefix, pendu à la croix dessus devisié, est ordenée une petite ymage d'or de Nostre Dame, couverte et affublée d'un mantel d'or à pluiseurs plois, et son visaige et ses mains sont paintes et tient sa senestre main en la dextre. faisant chiere desconfortée; et poise v onces xii estellins.
46 CALICES d'or
Et au costé senestre est un petit ymage d'or de saint Jehan TEwangellste, couvert d'un mantel reploiésur son bras senestre; et dessous son aisselle senestre tient un livre d'or clos, et son visaige et ses mains son paintes, et tient ses mains ensemble et ses dois entrelaciez, faisant chiere desconfortée, et a grans cheveux d'or reploiez; et poise vi onces.
3. Un grant calice d'or, dont le pie est ront et plat, garni de souages, et sur le plat du pié a un esmail de rouge cler, ouquel est Nostre Seigneur en la crois et Nostre Dame d'un costé et saint Jehan de l'autre; et ou millieu du pillier a un pommel ront, cizellé à fenestrages. Et est la coupe toute plaine. — Et la plataine est toute plaine, excepté que ou millieu a un esmail de rouge cler, où est Nostre Seigneur en une nue, séant en son trône, et monstre ses playes. Et poise en tout ix mars vi onces xii deniers '.
4. Un calice d'or de belle façon, dont le pié est à viii costes, garni autour d'un souage greneté et d'autres rons; et le piller est cizellé à fenestrages et le pommel est garni autour par le millieu de deuz souages grenetez et d'un haut ront entre deux; et dessus et dessous a viii esmaux comme quarrez des armes de la royne Jehanne d'Evreux, et en viii chatons a viii rubis assis, et XXIX perles entre deux ; et sur le pié est en un fenestrage esmaillié le crucifiement Nostre Seigneur. Et la coupe du calice est bien parfonde. — Et sur la plataine a un esmail ront desdictes armes, ouquel est Nostre Seigneur en son trône. Et poise en tout un mars 11 onces xii deniers.
5 . Un calice d'or, dont le pié est assés grant et haut, garni autour d'un souage coponné et d'un autre greneté, et le piller est fait comme de maçonnerie à vi quarrés, crénelle par le bas et garni dessus et dessoubs de souages grenetez. Et le pommel est à vi losenges esmaillés à nos armes, et dessus et dessoubs a
I. C'est le no 2G9 de VInventaire des joyaux de Louis, duc d'Anjou, publié par M. de Laborde dans le t. II de la Notice des émaux, bijoux et objets divers exposés dans les galeries du Musée du Louvre.
fencstrages encavez. Et la coupe est ronde et parfonde. — Et ou millieu de la plataine a un esmail ront, ouquel est Nostre Seigneur en son trône. Et poise en tout nii mars une once m deniers.
6. Un calice d'or grant, surla pâte duquel a unlonguet esmail de nos armes, ouquel est Nostre Seigneur en crois ; et le piller est haichié à fleurs de liz et y a plusieurs reprinses, et un pommel ou milieu à fenestraiges à jour dessus et dessous, et a vi esmaulz roons de nos armes autour. Et la coupe siet sur une rose àfueillaiges esmailliée de vert et d'azur. — Et en la plataine a un roont esmail de nos armes, où est Nostre Seigneur en son trône. Et poise en tout v mars m onces xviii esterlins et demi.
7. Un très grant calice d'or, dont la pâte est àvi quarrés pointues garnis de souages, dont cellui du milieu est grencté ; sur laquelle pâte a vi esmaus assis chascun en quatre demis compas, dont en l'un est Nostre Dame tenant son fils assis en un siège, vestue d'un mantel de bleu, fourré de rouge cler et la cote que elle a vestue est verde ; et devant elle est à genouls un cardinal vestu de rouge cler, qui a dessous lui son chapel, et est le champ dudit esmail vert. En l'autre esmail qui est emprès du dessusdit est saint Jehan Baptiste tenant leAgnus Dei cnsa. main et à chascun costé de lui a un arbre vert, et est le champ dudit esmail asuré. En l'esmail qui est de l'autre costé est une ymage de saint Agnez, qui tient en sa main une palme sur champ asuré. Et les autres trois esmaulz sont : c'est assavoir l'un de saint Martin estant à cheval et le povre derrière lui sur champ vert ; l'autre de saint Pol tenant en l'une main l'espée et en l'autre un livre, sur champ asuré; et en l'autre est saint Pierre qui tient en une main les clefs et en l'autre son livre, assis sur un champ vert. Et la pommcte de la jambe dudit calice est esmaillicc aus armes de France, et parmi le milieu d'icelle a un double souage féru de croisettes. Et la dicte jambe est à vi quarres, en chascune desquelles sont les armes de Boulongne faites à rouge cler, sur chascune desquelles a un chapel de cardinal de rouge cler, dont les las sont vers. Et est ladicte jambe garnie de souages au dessus et dessous desdictes armes. Et l'assiete de la coupe dudit calice est d'un souage à fleurs de lis enlevez. Et poise VII mars v onces ix deniers. — Et dedens la platesne dudit
calice a un grant esmail roont, où Nostre Seigneur est ains comme il tendra son Jugement, affublé d'un mantel de rouge cler, fourré d'asur ; et de l'une part de lui est Nostre Dame et d'autre Saint Jehan, assis sur un champ vert, et dessous les pies de Nostre Seigneur sont la lune et le solail ; et plus bas est comment les mors resursissent; et tout autour dudit esmail aune nue d'asur, dont il yst pluseurs angelos vestus de rouge cler à esles vers. Et poise ladicte platesne m mars 11 onces. — La cullier dudit calice est d'or toute plaine, sur le bout de laquelle a un angle de saint Michiel, qui a dessous ses pies un dragon et tient en une main un escu et en l'autre une crois. Et poise XVI deniers.
8. Un autre calice d'or, dont le pié est à vi costes, à un siège passant, et est ledit pié garni autour d'un souage greneté et sur le plat dudit pié a une crois hachiée. Et le piler dudit calice est hachié à fenestrages, et ou millieu a un gros pommel à VI losenges saillans esmailliées à nos armes, chascune d'une seule fleur de lis. Et la coupe du calice est assés courte et grossete. — Et sur le millieu de la platesne, qui est encavé à un cercle à une endenteure hachié autour, et dedens est une main qui saingne, à demi bras vestu partant d'une nue et est ladicte main sur une crois dont les trois croiserons pairent, et sont sur le tour d'un lis chascun tout en hacheure. Et poise en tout II mars vu onces v estellins.
9. Un autre calice d'or assez petit, dont le pié est assez haut, et comble, garni autour de ses bors d'un souaige féru à rosettes. Et sur le comble sont en iiii osteaux enlevez les un Evangelistes férus en estampe, et sont lesdiz osteaux garnis autour de souaiges roons et d'un tuers ; et entre yceulz osteaux, dessus et dessous a fueillez embouties ; le piller dudit calice est ouvré dessus et dessous à osteaux enlevez. Et le pommel est ouvré à iiii osteaux roons, garnis autour de souaiges tuers ; et en l'un d'iceulz osteaux est Nostre Seigneur en croix et Nostre Dame et saint Jehan aux costez, en l'autre le couronnement Nostre Dame, en l'autre est Nostre Dame assise qui tient son enfant et à ses costez a 11 piliers tuers et 11 fueilles enlevées, et en l'autre est l'Anunciacion Nostre Seigneur, tout d'ymaiges enlevez férus en estampe. Et entre lesdis osteaux dessus et dessous
a VIII fueilles d'espinc enlevées. Et la coupe dudit calice est assez profonde et toute plainne. — Et la platene est plainne, fors que ou milieu dedens et dehors a comme un compas haichié. Et poise en tout ii mars m onces xvii esterlins et demi.
