CALICES D OR A PIERRERIE SEMEZ D ESMAUX ET ESMAILLIEZ

10. Un très bel et riche calice d'or à pierrerie et seméd'esmaulx, dont le pie est assez haut, garni autour de ses hors de pluseurs angelos enlevez partans de raies d'or, et sont dedens enarcheures longues et estroittes sur tour de compas; et sur le plat d'icelli piéa VI esmaux de plitre, agus dessus et roons sur le bas, qui font ensamble comme la fourme d'un compas. Et entre lesdiz esmaulx sont en osteaux encavez, qui sont assis m et m en manière de treffle sur le bas et comme en fenestraige dessus, plusieurs rubis d'Alixandre et esmeraudes dedens chastons cretez. Et en tout sont sur ledit pié xii rubis d'Alixandre et xii esmeraudes. Le pilier dudit calice, qui part dedens un couronnement d'une orbevoie de petis osteaux à jour, apuiée de vi petits chapiteaux qui sont sur les pointes des esmaux dessus devisez à osteaux à jour, est de belle maçonnerie à vi doubles fenestraiges d'envoirremens et à osteaux dessus qui sont d'esmaux vermeulx et asurez, à serpentelles espargniez d'or. Et dessus yceulz fenestraiges a chapiteaux et entre iceulz pinacles enlevez et dessoubz, est le piler esmaillié par quartiers de vermeil et d'azur à fenestraiges espargniés d'or; le pommel dudit piler est assez gros et de bel ouvraige, et autour d'iceli a vi fenestraiges de maçonnerie dedens lesquelz sont enlevez saint Jehan Baptiste, saint Jehan l'Evangelistre, saint Pierre, saint Paul et ii autres apostres; et dessus yceulx fenestraiges a comme couverture de toit cretée sur le feste, et dessous a plusieurs feuilles de treflfle; et entre yceulz fenestraiges, en vi pièces longuettes agiies aux bous, sont enchastonnez aucuns rubis d'Alixandre et esmeraudes, et par tout y en a ix d'un et ix d'autre. Et le haut dudit piller est ouvré à VI doubles fenestraiges cours de maçonnerie, envoirrés et esmaillez de la devise de ceulz du bas. La coupe dudit calice est par dehors ouvrée et garnie d'esmaux et de pierrerie, tout de

5o CALICES 0 OR

la devise et en la manière que est le pie, fors que la pierrerie est autrement assise, mais, comme sur le pié, y a xii rubis d'Alixandre et xii esmeraudes. Et sur le haut de ladicte coupe sont autour des hors esmailliez vi demis apostres et vi demis angles, qui tiennent chascun deux couronnes devers les apostres. — La platene dudit calice est sur l'enleveure de dedenz ouvrée, garnie de pierrerie et semée d'esmaux, tout de la devise et de la quantité et nombre du pié, et ou milieu est esmailliée la teste de Nostre Seigneur; et sur les bors autour dudit ouvraige sont esmailliez vi demis apostres et vi demis angles tenans couronnes de la devise de la coupe, et sur le dehors est ladicte platene toute esmaillié d'esmail de plitre. Et sur les bors, en une ceinte qui y est d'esmail azuré, a plusieurs branchettes qui ont fueillettes vers et fleurs jaunes, sont xii oiseaulz de deux devises. Et Tesmail du milieu d'icelle platene est ouvré de très grant ouvraige en manière d'un osteau d'église, et en est l'esmail de plusieurs couleurs; et dedens ycelli osteau est un Agniis Dei blanc, qui tient à son pié dextre de devant une crois verde à une bannière d'asur coppetée. Et poise en tout ledit calice avec sa platene VIII mars une once v esterlins.

II. Un autre calice d'or dont le pié est garni sur le tour de ses bors de plusieurs souaiges plains, et sur le plat, et sur son enleveure, qui est ou milieu, est tout esmaillié de plitre à plusieurs fenestraiges tournez en manière de compas, esquelz a plusieurs déliez ouvraiges d'abrisseaux à fueillettes de diverses couleurs. Et autour de l'enleveure dudit pié sont assis en petis chaastons à pointes, acouplez deux et deux, xxiiii petis rubis d'Alixandre et xxiiii petites esmeraudes. Le piler dudit calice est esmaillié de plitre sur le bas, à vi fenestraiges renversez, et sur le haut a vi drois ; et le pommel qui est ou milieu est à xii costés, dont les encaveures sont esmailliés de plitre. La coupe dudit calice est assez large et pou parfonde, et sur le dehors est esmailliée à xii grans fenestraiges de plitre, esquelz a arbrisseaux très bien ouvrez à diverses fueilles et fleurs. Et ou fons d'icelle coupe est un roont esmail de plitre, à un osteau de viii fenestraiges ouvrez très soutivement à piliers et chapiteaux blans, et y a autres ouvraiges et pluseurs branchettes à diverses fueillettes et flours de plusieurs couleurs très noblement ouvrées. — Et la

BURKTTES DOR 5l

platenc dudit calice est sur les hors dehors esmailliée à xii pièces de plitre, là où a branches à fueilles de chesne de diverses couleurs. Et l'encaveure de ladicte platene est toute esmaillée de plitre, à xii fenestraiges qui font un compas, et dedenz a arbrisseaux à fueillaiges de diverses couleurs. Et l'ouvraige de ladicte platene n'est pas si bel ne si soutil que est celi du calice. Et ou fons d'icclle platine, en un roont esmail de plitre sur couleur de rose, est en un osteau csmaillié de ini demis roons, dont les ii sont agtis, Nosire Seigneur qui ist de son sépulcre, et à ses costez sont ii angles à genoux qui tiennent ii chandelliers et dessouz sont les gardes du sépulcre dormans. Et poise en tout VII mars une once vi esterlins.

BUIRETTES D OR.

12. Une buirette d'or ' dont le pie est garni d'un souage, et par le milieu du ventre en a un autre; et par la gueule et le couvercle a un autre souage ; et est la gueule à un bec à demi ront. Et sur le couvercle a un esmail ront de rouge cler, où il a ou milieu escript un V. Et poise i marc m onces vi deniers.

i3. Une autre buirette pareille sans aucune différence, fors que sur l'esmail du couvercle a un A. Et poise i marc m onces ni deniers.

14. Une buirette d'or ronde de ancienne façon, dont le pié est garni autour d'un souage greneté, et a le ventre grosset ; Tance est plate dehors et ronde dedens, et en lieu de biberon a une gargouille; et la gueule et le couvercle sont garnis autour de souages à croisettes, et le martellet est de deus fueilles, et a dessus le couvercle un V. Et poise i marc 11 onces xxii deniers.

i5. Une autre buirette d'or pareille sans différence, fors que sur le couvercle a un A. Et poise i marc 11 onces xv deniers.

16. Une buirette d'or de plaine euvre, toute ronde, et autour du ventre a un haut souage, et a le col lonc ; et le martellet est de deux petites fueilles renversées ; et sur le couvercle a un petit

I. Celte pièce et la suivante portent dans l'Inventaire public par M. de Laborde, les n"' 261 et 260.

52 RELIQUAIRE, BURETTES ET BOITE d'oR

csmail d'asur ouquel a un V. Et poise un onces xiiii deniers maille.

17. Une autre buirette d'or pareille, fors que en l'esmail du couvercle a un A. Et poise un onces xiiii deniers obole.

RELIQUIAIRES D OR.

18. Un reliquiaire d'or dont le pié est roont à double souaige, et du milieu part un bastonnet roont, audessus duquel a une pommette roonde où il a sur le roont d"icelle trois lozengettes et trois rondelez ; en la lozenge a hachié une fleur de lis, et ou rondelet une rose ; et de la pommette naist le bastonnet duquel part un entablement larget, sur quoy est enchâssé un cristail roont longuet, garni aus deuz bous dessus et dessous de souaiges plains et de trois bendelettes fermées dessus à charnières. Et est le couvercle, qui est de cristail, à demi roont garni semblablement de souaiges et de trois bendelettes. Et dessus a, en manière de fretel, une tour faicte de massonnerie garitée et crénelée. Et poise or cristal ensamble 11 mars XIII estellins.

BUIRETTES DE CRISTAL GARNIES d'oR.

19. Une buirette de cristal à costes garnie d'or, c'est assavoir le pié, le biberon, l'anse, la gueule et le couvercle; laquelle anse est d'une serpente et le bout du biberon est de la teste d'une autre, et est ladicte garnison endentée auprès du cristal, et est le fretel de ladicte buirette de trois fueilles de chesne ploiées l'une contre l'autre. Et poise i marc une once 11 deniers.

20. Une autre buirette de cristal toute pareille à la dessus escripie, sans aucune différence. Et poise i marc i denier.