BOETTES D OR POUR HOSTIES

21. Une boette d'or à mettre hosties, ronde et bassette, garnie autour du pié d'u[n] souage coponné et d'un autre greneté,

ENCENSOIRS d'or 53

et autour dudit pic, plus haut et par la bouche et le couvercle, de souages à croisettes ; et sur le couvercle a un haut esmail ront de nos armes. Et poise i marc ii onces vi deniers.

ENCENSIERS D OR.

22. Un encensier d'or dont le pié est à vi quarrés, sur les hors duquel a trois souagcz quarrez, et audessous du plus haut a un souage greneté ; et sur les vi quarrés ou girons de la pâte a vi fenestres flamenges où pingnon de chascune desquelles a une fenestre et sur chascun costé en a deux. Le fons dudit encensier est à VI quarrés, dont chascune est menuement cizellée à fueillages de lis et menuement grenetez, et les hors sont à souages grenetez. La tour qui fait le couvercle dudit encensier est à VI quarrés à fenestrages Ions, audessus desquels a un oteau à quatre roons; et sur trois des coings desdictes quarrés a trois tournellcs roondes crenellées dessus, par lesqueles coulent les trois chaiennes de l'encensier ; et sur les trois autres coings desdictes quarrés a trois pilliers quarrez à fenestrages et créneliez dessus, et audessus desdis pilliers a comme un clochier quarrc, le bout duquel est d'un chapitel à fueillages enlevés. Audessus de ladicte tour a une autre tour à vi grans fenestrages Ions audessus et de chascun desquels a un oteau comme à quatre demis roons ; et sur le bout du pingnon du fenestrage a un fueillage entaillié. Sur le haut a une autre tour à vi quarrés à fenestrages, et dessus a comme vi girons qui font la couverture, qui est cizellée comme de parpaiens ; et ou bout a une pommete à vi pans cizellée dessus et dessous, sur le bout de laquelle tient la chaiennetc qui lieve ledit couvercle. Au bout des trois chaiennes, dont l'une lieve le couvercle et les trois le tiennent et conduient, a un chapitel haut et lonc à trois quarrés dont chascune est comme d'un pinacle ; et sur le fenestrage devant a un fueillage et sur chascun coing a un lonc chapitel à fueillages enlevez; audessus a une tour à trois quarrés, sur chascune desquelles a deux fenestrages; et audessus est la couverture qui est à trois quarrés et faite dessus comme de parpains ; et ou bout a une pommete roonde à laquelle tient un