COUPES D OR SEMEES D ESMAULX

5o. Une coupe d'or dont le pié est à vi costes, garni autour de une orbevoie à jour; et sur le plat a vi esmaus de plitre rons garnis autour de petites perles. Et le piller est haut et lonc de maçonnerie à trois petis piliers rons; et ou pommel a trois esmaux de plitre en lozenges et fueilles de chesne entre deux. Et sur le haut du piller a une orbevoie à jour, et fueillages de chesne dessous. Et ladicte coupe par dehors a vi esmaus de plitre de la devise de ceulz du pié; et sur le couvercle aussi VI autres semblables. Et ou fretel a un pommel de la devise de celui du piller, et sur le haut vi fueilles enlevées et ou mileu un bouton ront, agu dessus. Et la coupe et le couvercle sont doublés, grenetez dedens à grains rons et agus, et en chascun a

COUPES d'or 65

un esmail de plitrc de diverses devises. Et poise en tout vu mars XII deniers.

COUPES D OR ESMAILLIÉES.

5i. Une autre coupe d'or couverte et esmailliée d'esmaulx de plitre et cizellée, dont le pié est garni autour de ses hors d'une orbevoie d'osteaux à jour ; et sur le plat est tout semé d'esmaulx de plitre qui font selonc leur assiete la fourme et tour d'un bel compas, et tout autour d'iceulz compas a encaveures qui sont comme souaiges grenetez; et ou fons dudit pié a un petit esmail de plitre à vi costes. Le bas du piller de ladicte coupe est garni autour de doubles fueillaiges enlevez auxquelz sont rivées XII petittes perles, et ledit piller est avironné de vi petis piliers roons. Et le pommel est à vi costes garni autour, dessus et dessous, de souaiges grenetez, et dessous et dessus le roont d'icelli pommel a petis esmaux de plitre assamblés en fourme de compas, dont les encaveures d'entre deux sont grenetées. Et sur le haut dudit piller a fueillaigez enlevez ausquels sont rivées XII petites perles. La coupe est sur le dehors ouvrée et semée d'esmaux du tour et de la devise du pié sans différence, et dedens est cizellée d'un compas tourné comme les esmaux dessus devisez là où a plusieurs branches, les unes à fueilles de chasne, les autres à vignette et les autres d'autres devises toutes embouties; et ou fons a un roont esmail de plitre semé de fleurettes ouquel est un pape assis et à ses costes sont ses armes et les armes de l'Eglise. Et le couvercle est couronné autour de créneaux et dessous garni d'une orbevoie d'osteaux à jour; et sur le dehors et dedens est semé d'esmaux, cizellé et ouvré tout de la devise de la coupe sans différence, fors que en l'esmail du fons est l'escu des armes dudit pape. Et sont tous doublés le pié, la coupe et le couvercle dessus devisez. Et le fretel est d'un pommel à vi costes, esmaillié de plitre dessus et dessous à escuçons desdictes armes ; et d'icelli part un arbre à plusieurs fueilles de chesne enlevées, dessoubz lesquelles sont rivées xii petites perles. Et d'entre ycelles fueilles partent autres fueilles qui se assamblent comme en fourme d'un pommel; et sur le

66 COUPES d'or

haut est un saphir persié assez grosset, extimé peser de ix à X caras. Et poise en tout ladicte coupe vn mars ii onces vi esterlins.

52. Une autre coupe d'or couverte et esmaillié, laquelle est sur le tour d'une rose à vi fueillaiges, dont le pié est garni autour des hors d'une orbevoie d'osteaux à jour, et s\ir le plat est ledit pié à vi fueillaiges emboutis, tous esmailliés de plitre à diverses fueillettes ; desquelz esmaux les deux sont azurés, les deux vers et les deux rosez; et entre les encaveures d'iceuls fueillaiges a bossettes longues sur tour de fueilles de compas, esmailliées de plitre jaune à osteaux azurez et à autres osteaux de treffle ; et ou fons dudit pié a un esmail de plitre à vi costes, qui est ouvré dedens sur fourme de compas. Et le piller est à VI quarrés esmaillié par quartiers, de vermeil, d'azur et de vert, à diverses bestes espargniez d'or ; et sur le milieu de la partie dudit piller, dessoubz le pommel, sont vi roix espargniez d'or en fenestraiges esmailliez, et le pommel est esmaillié de plomque à fueilles de treffle et autres espargniés d'or; et autour d'icelli pommel sont enchastonnez sur les bosses d'icelli m saphirs du Puy et m grenas. La coupe est du tour du pié, emboutie par dehors et esmailliée de sa devise ; et ou fons, dedens et dehors, a deux esmaux roons de plitre, dont celi de dehors n'est pas entier et celui de dedens est ouvré à compas jaunes et à autres ouvraiges. Et les bossettes longuettes et agûes, qui sont ou dedens de la coupe entre les encaveures, sont esmailliées de plitre vert à croisettes blanches et autres ouvraiges. Et le couvercle est du tour et de la devise dedens et dehors de ladicte coupe sanz différence, fors tant que son bort est garni autour d'une orbevoie d'osteaux à jour et que l'esmail du fons, qui est de plitre, est en manière de compas à fueilles de treffle blanches et jaunes, et à une rose jaune ou milieu sur esmail rose. Et le fretel est d'un pommel tout de la devise et garnison du pommel du piller, fors que il est plus petit; et sur ycelli est un arbre de chesne à plusieurs fueilles enlevées, sur lequel sont enchaastonnez m grenas et m esmeraudes, et rivées autour, dessus et dessous xii petites perles roondes. Et poise en tout VI mars une once x esterlins.