Une autre coupe d'or couverte et esmaillié d'esmaux de

COLPES l/c)R 67

plitre, dont le pié est garni de plusieurs souaiges autour de ses hors et de deux grenetez; et sur le plat est semé ledit pié de petis esmaulz de plitre, les uns plus pctis que les autres, en fourme de lozenges bien agiies, entre lesquelles a comme fenestraiges de compas, longues et agiies aux bous, lesquelz sont emboutis et costez dessus, et se assamblcni tous en faisant un grant compas. Autour du siège du piller de la coupe a plusieurs fueillettes embouties sur tour de treffle, et le bas dudit piller est cizellé autour aux armes de France, et de dessus, comme d'une couverture, part le piller qui est à costé de vi petis piliers m roons et m costez entre lesquelz a encaveures grenetées. Et le pommel qui est sur le roont est garni dessus et dessous de fueilles de chesne enlevées, dedens lesquelles sont rivées partout xxiiii petites perles : et entre ycelles a vi esmaux de plitre autour, de la devise de ceulx du pié ; et sur le haut d'iceli piller a VI autres fueilles enlevées, aux m desquelles sont rivées m petites perles. La coupe est ouvrée par dehors tout de la devise du pié et dedens est cizellée à plusieurs branches, qui ont les unes fueilles de chesne et les autres comme d'espine embouties; et entre ycelles a vi osteaux esmailliés tous en tuers; et dessus et dessous a xii demis osteaux et en yceulx a diverses serpentellesespargniés d'or; et ou fons a un haut esmail de plitre tout roont, garni autour d'un souaige greneté. Et le couvercle est couronné à créneaux et garni dessous, autour du bort, d'une orbevoie d'osteaux à jour ; et dehors et dedens est tout ouvré de la devise sans différence de la coupe. Et sont le pié, la coupe et le couvercle dessus devises tous doublés. Et le fretel est d'un pommel roont esmaillié de plitre, sur lequel est un arbre à fueilles de chesne enlevées entre lesquelles sont rivées dix petites perles; et sur le haut est un saphir pale percié du lonc, extimé peser de x à xi caras. Et poise en tout ladictc coupe vu mars V onces ix esterlins.

54. Une autre coupe d'or esmaillié et couverte, dont le pié est garni autour du bort de deux souaiges roons, et le bas est esmaillié à fueilles de trefïîe vers et le haut est plain. Et entre icculx souaiges a une encaveure d'esmail vermeil semée tout autour de rosettes bleues. Et le plat dudit pié est esmaillié sur le bas d'une ccinctc à euvres entrelaciées, esquelles sont esmaillées

68 COUPES d'or

diverses bestes et oizeaux de bien estranges couleurs : et les enlaceures se font à lozenges esmailliées aus armes de France. Après ycelle ceinte, en montant, est un cercle esmaillié d'azur à diverses bestes espargniés d'or et à fueilles de treffle de plusieurs couleurs. Et dessus ycelli cercle est une autre ceincte de la devise de celle qui est devisée. Le piller de ladicte coupe est esmaillié dessous à plusieurs fenestraiges : et dessus et dessous le pommel est esmaillié ledit piller aux armes de France et de Navarre en petittes losenges et à fueillaiges et aiglettes vers entre yceulz. Et le pomme! est esmaillié autour à une ceincte de la devise des deux du pié, et haut et bas a deux cercles esmailliez d'azur à bestelettes espargniés d'or. Et le haut d'icelli piler est esmaillié à aiglettes vers et à fueilles de treffle. La coupe est esmaillié dehors près de la devise du pié: et ou fons dedens a un roont esmail d'azur à diverses bestes espargniés d'or, sur lequel esmail a vi fueilles reploiées et embouties, esmailliées de rouge, à compas ; et sur le milieu dudit esmail est un haut esmail de plitre à tour de compas à vi pointes. Et le couvercle est esmaillié dehors et ouvré dedens assez de la devise de la coupe et du pié. Et le pié du fretel est esmaillié autour des armes de France et le pommel d'iceli aux armes de Navarre. Et de dessus ledit pommel partent vi fueilles de chesne enlevées et estendues. entre lesquelles est sur son droit un petit pot esmaillié aux armes de France. Et poise en tout v mars v esterlins.