HENNAPS D OR COL'VERS CIZELLEZ ET A BOULLONS ET ESMAUX DEDENS

60. Un grant hennap d'or à couvercle et un haut pié garni de souages rons et d'un greneté, et est ledit champ boullonné par dedens et en sont les fosses dehors; et ou fons a un esmail ront de nos armes. Et le couvercle est plain par dehors et boullonné dedens; et est garni de souages par le bort : et ou fons dedens a un ront esmail de nos armes et garni d'un souage greneté autour. Et poise en tout vu mars une once ix deniers.

61. Un hennap d'or à couvercle et un hautelet pié ront de plaine euvre, garni autour du bas de plains souages. Et le hennap est de beau tour cizellé dedens à vignete et à fueillage de trefïle, et ou fons est cizellé à baux fueillages et à fleurs de lis autour d'un esmail de nos armes fait en manière de rose, ou milieu duquel a un haut bouton greneté. Et le couvercle est

I. En marge, une main qui n'est pas celle d'un calligraphe, a écrit: « VIII mars vu onces vi deniers. »

HANAPS d'or 73

couronné autour de fueillages petis enlevez sur le droit et à jour; et dedens et dehors est ledit couvercle cizcllc de la devise du dedens du hennap. Et ou milieu dedens a un esmail pareil aus dessusdis. Et le fretel est haut, a un pommel à costes, sur lequel siet une a[n]colie ; et entre les fueilles d'icelles au haut a un saphir et VIII petites perles autour. Et poise en tout

62. Un grant hennap d'or à couvercle de bien belle façon, garni autour du pié d'une orbevoie de pcrtuys rons à jour; et sur le pié et dedens est ledit hanap embouté de branche à fueilles de treffle et autres ; et ou fons aussi a autres fueillages et a fleurs de Hz ; et ou milieu a un esmail azuré du tour de rose à m fleurs de liz d'or enlevées. Et le couvercle est couronné autour d'une orbevoye et a pertuys rons à jour, et dessus est embouté de la devise du dedens du hanap. Et le fretel est assis sur esmail blanc, là où a comme paons azurez, et en chascun une fleur de lis ; et est de fueilles d'espines montans et avalans, et y a vi perles en trois couples, et sur le haut un saphir longuet et assez large; et ou fons a un haut esmail ront d'asur à trois fleurs de lis d'or enlevées, et autour est garni d'un haut souage greneté. Et poise en tout VI mars iiii onces vi deniers.

63. Un hennap d'or dont le pié est d'un double souage assis sur une planchete d'or; et dessus a petis arches à jour à demi roont et endentez, à quatre pointes chascun; et entre lesdis arches a petis pingnons à fenestrages et une pommete dessus, et audessus un petit pillier quarré, montant aus deux costez deux gargouUetes, un petit chapiteau dessus, afinant ou bout en une petite treffle par le travers de l'archet dessus, a une garite bien saillant avant, à trois carniaus et deux tournelles à jour crénelées, afinant chascune à une petite bocete ; et y a partout quinze tieulz archez. Ledit pié est concave à demi roont, et dessus est assis ledit hennap, lequel est d'un double fons, cizellé dehors et dedens à un petit chapcl de liz espendant pluseurs liz avecqucs ses branches; et ou milieu du chapel a une rose, et entre iceuls liz a chapeauls de roses et a fueilles de hous, dont en l'un a ou milieu une L et en l'autre une M ; et pareillement est dedens comme dehors, et est le champ tout greneté à fossetes. Le bort dudit hennap dehors et dedens est tout plain bien d'environ d'un doit, et ainsi est le fons, ou plat duquel a un chapel cizellé à lis.

HANAPS D OR

OU milieu duquel a un esmail roont fait en manière de rose, et les grans fueilles sont des armes d'Anjou et les petites des armes de Bretaigne, et ou milieu a une pommete grenetée faite au vif. Et le couvercle est de pareil ouvrage dedens et dehors sanz différence, le souage du bort est doublé et dessus de petis fenestrages greslezàjour et audessus tout crénelle, entour lequel a vni portaus de maçonnerie et la porte de chascun estesmaillié de vert ; et y a une porte coulisse, garitce comme de pierre par en haut et crenellée par dessus, et aus deux coings de chascune une tournelle ; et est la couverture esmailliée de vert et y a deux pommetes as deux bous; et ou milieu du couvercle par dedens a une rose double emboutie, dedens laquelle a un esmail pareil à celui devant escript, mais que la graine est plate esmailliée. Et le fretel part de la rose devant dicte, lequel est de creneaus à viii petites tournelles et y a une terrace verde semée de marguerites, ou milieu duquel a un donjon d'une tour quarrée, entailliée comme de pierre, à un portail à doubles deffenses ; la couverture est esmailliée de vert à quatre fenestres flamenges, et y a dessus une petite tournelle crenellée descouverte. Et poise en tout v mars une once xix deniers.

64. Un hennap d'or à couvercle, cizellé, dont le pié est roont, garni de pluiseurs souages et d'une cordelle; et y a autour une orbevoie de grans oteaus à jour; et le hennap est embouté dedens et cizellé à vuignette enlevée avec les roisins, et ou fons a entour un esmail, qui est enlevé à pluseurs souages dont l'un est greneté, et ledit esmail est vert semé de vi roses blanches rousettes en un compas à ix demis fenestrages, entre lesquelz a esmail rouge, blanc et noir ; et ou milieu dudit esmail a un escu de nos armes. Et le couvercle est cizellé dedens à vuignette basse, et ou fons a un esmail de la devise de cellui du hennap, fors que il est plus petit et v a plus de roses et de demis fenestrages que en l'autre. Et sur les hors dehors est ledit couvercle couronné, et oudit couronnement, qui est sus le trenchant dessus, a une orbevoie de petis osteaus à jour. Et le fretel, qui siet sur un pommel de vi costes garni de pluseurs souages et d'une ceinte esmailliée, est de trois branches de chesne enlevées, garnies de fueilles et de glaons qui se eslargissent sur le milieu, et sur le haut se assemblent et se reploient dehors; et ou milieu d'icelles

HANAPS D OU JD

sur le bout a une autre petite branchete avec les bous des autres trois, comme un fueillage de beau tour. Et entre lesdictes trois branches dedens a deux hommes sauvaiges, qui ont chascun un pié sur un petit entablement qui y est. Et poise en tout v mars VII onces m cstcllins.

65. Un hennap d'or couvert et cizellé, assis sur un pié hautelet plain, garni par le bas autour d'aucuns plains souages ; et est ledit hennap grant et parfont sur le tour d'une tasse, et en sont les hors plains et bien tenues, et le seurplus du hennap jusques près du fons est dedens tout cisellé à menus grains et embouti à VI arbres, dont les trois sont de vignete et les autres trois à fueilles de trcffle ; et le millieu du fons d'icelui hennap qui est à boce, est cizellé de ladicte devise à vi branches, embouties, en trois desquelles a en chascune une fueille de vuigne et un roisin, et en chascune des autres trois a une fueille de treffle ; et en un cercle, qui est ou millieu d'icelles branches, sont embouties trois petites branches à rainsseauls esbochiés, mais que sur Fun de chascune d'icelles branches a une fleur de lis emboutie; et ou milieu, entre lesdictes trois fleur de liz a comme une rose emboutie à pluseurs bocetes. Et le couvercle est plain par les hors et se gette et reploie autour pour seoir et tenir sur le hennap ; et sur le comble est ledit couvercle par dehors, Jusques près du haut, tout cizellé et embouti de la devise du hennap sans différence. Et sur le haut est ledit couvercle plain, et y siet un fretel du tour d'un chapel roont agu dessus, tout esmaillié à nos armes et garni autour du bas d'un souage féru à lime dessus comme greneté. Et sur le haut a un pommel roont à une coste tout autour du millieu, et d'icelli pommel partent v fueilles montans, agues dessus et esmailliées toutes de vert ; entre lesquelles siet une rose à doubles fueillages esmailliée de rouge cler ; et ou millieu a un boutonnet d'or hachié, et ou fons dudit couvercle a un petit esmail roont enlevé entre souages dont l'un est greneté dessus, et est ledit esmail à nos armes d'une seule fleur de liz entière. Et poise en tout un mars vu onces vestellins.

76 HANAPS d'or