HENNAPS D OR COUVERS HACHES A ESMAUX DEDENS
66. Un hennap d'or à couvercle, haché à fueillages de vigne, et en est le pié garni d'un souage greneté et ou fons a un ront esmail des armes de France. Et le couvercle est comme la façon d'une tasse et dedens a un esmail des armes de France ; et dessus est le couvercle haché et sur le haut esmaillié aux armes de France. Et le fretel est d'une fleur de lis double en crois. Et poise en tout un mars m onces.
67. Un hennap d'or couvert, tout greneté dedens très menuement, ou fons duquel a un esmail garni d'un souaige greneté de croizettes, lequel esmail est de blanc et de rouge cler en manière d'une double rose ; et ou millieu d'icelle a un solail d'or; et tout le dehors dudit hennap est très nettement taillié à plumes sur lesquelles sont tout entour pluseurs costelles d'orfaverie ondoyans ; et est le pié dudit hennap un pou hautelet, à souaiges tous plains, à une menue greneteure par le milieu desdis souages. Et est le couvercle de la taille de l'esmail et de la devise dudit hennap. Et est Tassiete du fretel dudit couvercle esmailliée comme le fons du hennap, et la boce dudit fretel est faite en manière d'un bouton d'un orillier tout esmaillié de rouge cler et de bleu à petis filiez dorez parmi les entrelaceures ; dessus lequel bouton sont trois branches tenans en une tige esmailliée de blanc, plaines de petis escus esmailliés par les bous de rouge cler. entre lesquelles branches est assis un gros saphir bellonc à face roonde, assis en un culet garni de quatre crampons, lequel culet est esmaillié de vert, blanc et rouge cler
en manière d'une marguerite ; et est ledit saphir de caras.
Et poise ledit hennap et couvercle en tout iiii mars un onces XVI deniers.
68. Ungrant hennap d'or couvert, porté d'un pié basset à souages et une orbevoie à jour de oteaus de quatre demi roons; et est ledit hennap hachié par dehors à fueillages où il a lis et autres fueilles bien nettement ouvrez ; et par dedens est greneté, et entre les grains a trois longues fueilles plaines tenans par les bous les unes aus autres ; et ou fons a un lonc esmail des armes
HANAPS D OR T
de France. Et le couvercle est de semblable façon et devise, et ou fons a un ront esmail ausdictes armes; et sur le dehors a un fretel à fueilles, sur lesquelles a un bouton vert à vi quarrés. Et poise vu mars une once vi deniers.
HENNAPS d'or COUVERS PLAINS À ESMAULX DEDENS.
69. Un grand hennap d'or à couvercle ', ou pié duquel a pluiseurs souages, et ou milieu d'iceulz a un souage grenetd ; et ou fons a un grant esmail ront des armes de France assis sur haus souages. Et sur les bors du couvercle a un souage greneté, et audessus a un autre souage à orbevoies à jour ; et ou dedens a un esmail ront aus armes de France. Et le fretel est assis sur un esmail desdictes armes, et est ledit fretel à pluseurs fueillages montans et avalans; et dessus, au plus haut, a un gros saphir. Et poise en tout viii mars iiii onces m deniers.
70. Un autre grant hennap d'or à couvercle et à haut pié et VIII costes endentées, lequel est garni autour d'un souage greneté ; et ou fons a un grant esmail ront ouquel a sur une terrace deux hommes qui se combatent de glaives et sur le haut une damoiselle faisant manière courrouciée; et est ledit esmail garni autour de pluseurs souages. Et le couvercle est garni autour d'un souage greneté, couronné dessus de fueillages à jour, dont les plus grans sont comme cuers renversez ; et ou fons dudit couvercle a en un grant esmail ront, comme damoiselle qui fait semblant de ferir un lyon qui tient un homme dessous lui, et sur le haut dudit esmail a une fontaine. Et le fretel est de VI fueilles montans et avalans, et y a viii perles et un gros saphir sur le haut bout qui est blanchet. Et poise en tout VIII mars iiii onces,
71. Un autre grant hennap d'or à couvercle, tout plain, assis sur un bas pié qui a souages tous plains, ou fons duquel a un esmail du sire de la Rivière assis dedens une rose. Et dedens le couvercle a un esmail roont des armes de France ; et dessus ledit couvercle a un esmail roont qui se hausse, où sont lesdictes
