I. C'est le n» 201 de l'Inventaire publié par M. de Laborde

pluseurs des pierres et perles en sont cheues, et la charnière du couvercle est de ii fueilles renversées. Et le fretel siet sur un esmail ront des armes de la royne de Boulongne, et est de fueilles montans et avalans ; et y a m perles et sur le haut un gros saphir. Et ou fons du couvercle a un esmail ront des armes de ladicte royne. Et poise vi mars.

POS D OR ESMAILLIES,

154. Un petit pot d'or tout esmaillié d'esmaux de plitre, lequel est assez gros et court ; et autour du pié a sur ses hors aucuns souaiges plains et 11 grenetez, et ou fons dudit pié est un roont esmail de plitre bien ouvré et finement, et entre les autres ouvraiges y a un compas vermeil à vi pointes. Ledit pot, tant sur le pié comme par tout le corps et sur son couvercle, est semé d'esmaux petis et dont les uns sont mendres que les autres, tous de plitre, en fourme de lozenges vuidées et pointues. Et entre yceulx esmaux est ledit pot tout ouvré à fueilles d'or de compas longuettes et agùes aus bous, lesquelles sont embouties et costées sur le milieu tout au lonc et se assemblent un et iiii entre les esmaux, et se entretiennent toutes. Et l'anse dudit pot est assez grossette, esmailliée de plitre sur ses costés et sur le plat dehors, qui est garni au lonc d'une part et d'autre de souaiges roons, est esmailliée ladicte anse par endenteures de vermeil et de bleu à diverses bestes espargniés d'or ; et le dedens de ladicte anse est garni sur le milieu au lonc d'un haut souaige roont; et dessoubz le bout de l'anse bas, sont rivées entre m fueilles de chesne 11 petites perles. La gueule dudit pot est garnie autour d'un souaige féru à croisettes, et le couvercle d'un greneté. Le martelet est d'une haute potence garnie de souaiges, aux costez de laquelle sont boutées et rivées deux perles d'Escoce assez grosses. Et le fretel est d'une branche à plusieurs fueilles de chesne toutes enlevées, entre lesquelles sont rivées VI petites perles deux et deux. Et ou fons dudit couvercle est un haut esmail de plitre à vi costes ; et est ledit pot tout doublé. Et poise en tout vi mars xv esterlins.

POTS d'or 93