CROIS D ARGENT DOREES GARNIES DE PIERRERIE ET DE PERLES

323. Une crois longue et gresle d'argent dorée ', en laquelle est Nostre Seigneur crucifié, et est semée de perles et d'autre pierrerie, Et ou bout de la crois, par haut, a un camahieu ouquel a deux chevaux qui mainent un chariot et un homme qui les maine; et es deux bouz du travers de la crois a deux testes de homme, dont l'une est blanche et l'autre vermeille. Et ou bout de ladicte crois a en un camahieu une femme qui siet en une chaiere. Et sur deux branches, qui sont aus costez de la crois, sont Nostre Dame et saint Jehan. Et siet ladicte crois sur un pie très bien entaillié, et y a un bien gresle souage tout autour; et dessus ycellui pié a quatre esmaulz d'azur, et en chascun a un Ewangeliste ; et le piller qui est dessus le pié et porte ladicte