CROIS D ARGENT ESMAILLÉES ET DORÉES

324. Une grant crois " d'argent dorée et esmaillée, estant sur un entablement quarré et esmaillié et aus deux costez bellonc et agu, et est porté de quatre lions gisans. Et les hors dudit entablement sont à pluseurs souages quarrez, et sus le plus haut bort a une litte esmaillée d'asur à arbrisseaus vers, chiens et bestes sauvages. Et ledit entablement est tout esmaillié d'azur à ymages dorez de la Passion Nostre Seigneur; et sur chascune des pointes a quatre apostres. Le pie de ladicte crois est comme un moustier de maçonnerie, à piliers et chapiteaus et fenestrages dessous, esmailliez d'azur. En la porte devant est Nostre Dame en estant qui tient son enfant, et en la porte derrière est un evesque. Ladicte crois du lonc et les bras d'icelle du travers sont esmailliés d'asur en arbrisseaus vers, et les quatre bous de la crois sont comme florons de fleurs de lis : et esdis quatre bous sont les un Ewangelistes en figure de homme; ou milieu est Nostre Seigneur crucifié et derrière sa teste a son diadème, et dessous ses piez a un homme ressusité qui lui joint les mains, et ou fons d'en haut, au dessus de sa teste, a un rollet où il a escript J. N. R. JU.Et du pié de la crois partent deux branches, sur l'une desquelles est Nostre Dame et saint Jehan sur l'autre. Au dos est ladicte crois de la devise de la partie devant, fors que ou quarrefour de la crois est un petit ymage de Nostre Seigneur qui monstre ses plaies. Et es quatre bous de la crois sont les quatre Ew^angelistes figurez ainsi comme ilz doivent estre. Et poise en tout xxxvi mars un onces.

325. Une grant crois d'argent dorée, dont le pié est porté de VI lions; et autour dudit pié, entre les souages rons, a un souage de fueillage enlevé; et le dessus dudit pié est de terrace vert

1 . Ce mot manque dans la notice de l'Inventaire publié par M. de Laborde.

2. C'est le n" 271 de l'Inventaire publié par M. de Laborde; dans son texte la notice n'occupe que quatre lignes.

CROIX d'argent doré i39

goûtée de blanc et de vermeil. Et sur le devant de ladicte terrace a un rcliquiaire de cristal garni d'argent doré. De dessus ladicte terrace part comme le corps d'une chapelle de maçonnerie, dont le pié est soustenu de quatre petites ymages à genous et de deux piliers rons dessus, et autour a une orbevoie à jour : et oudit corps de la chapelle a vi fenestrages de maçonnerie à chapiteaus esmailliés dedens à apostres, et dessus au dedens d'un couronnement d'une orbevoie à six autres fenestrages comme quarrcz, esmaillez à sains et à saintes. Et dessus est le pié de la crois cizellé à fenestrages, et deux piliers sur lesquels sont les deux larrons ; et aus costez sur le bas sont Longis qui tient sa lance et l'autre qui tient l'esponge. Et la crois est esmailliée et en sont enlevez les bous à fueilles entre lesquelles a boutons gros esmailliez; et en quatre rondelles sont les quatre Ewangelistes aus quatre branches de la crois. Et est Nostre Seigneur crucifié en la crois et son diadème derrière sa teste, et dessus, en un rolet esmaillié d'azur, a escript J. N. R. JU. Et sur les deux branches du travers de la crois a deux angelos dont l'un tient le soleil et l'autre la lune; et sur deux grans piliers de maçonnerie, qui partent de la terrace du pié, sont Nostre Dame et saint Jehan. Et poise en tout xxxv mars VI onces.

326. Une crois d'argent dorée ', de assez ancienne façon, esmaillié d'asur à besteletes petites; et aus deux costez d'icelles a deux branches, dont sur l'une est Nostre Dame et saint Jehan sur l'autre ; et est le piller de entre la crois et le pié, de maçonnerie à piliers et à fenestrages, lesquels sont esmailliés par dedens à fueilles vers et violetes. Et est le pié cizellé à fueillages et semé d'esmaus esquels a sains et saintes ; et est ledit pié porté de quatre lions gisans. Et poise en tout xii mars v onces xii deniers.

327. Une crois d'argent dorée ^ sur le pié de laquelle a six esmaus en manière de losenges esmailliées à nos armes ; et sur ledit pié a deux piliers de maçonnerie, sur l'un desquels est Nostre Dame et sur l'autre saint Jehan l'Ewangeliste : et ou milieu est Nostre Seigneur en la crois, et sur sa teste a un roleau